Efesios 5:20 - DIOSPA QHELQACHISQ

²⁰ Jinallataj Tukuyta Kamachej Jesucristoj sutinpi tukuy imamanta Tata Diosman pachis niychejpuni.

Qheshwa Biblia DC

²⁰ Señorninchej Jesucristoj sutimpi tukuy imamanta Dios Tataman graciasta qoychejpuni.

DIOSPA QHELQACHISQAN DEUTEROCANONICAL

²⁰ Jinallataj Tukuyta Kamachej Jesucristoj sutinpi tukuy imamanta Tata Diosman pachis niychejpuni.

Quechua South Bolivia: Dios Parlapawanchej

²⁰ Graciasta koychejpuni tucuy imasmanta Señorninchej Jesucristoj sutinpi Dios Tataman.

Efesios 5:20 ပူးပေါင်းရင်းမြစ်များ

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

Salmos 34:1

1 (2) Tukuy tiempo Tata Diosta yupaychasaj, simiytaj payta jatunchallanqapuni.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

Romanos 1:8

Ñawpajta noqa tukuyniykichejmanta Diosniyman Jesucristonejta pachis nini, imaraykuchus Diospi atinikusqaykichejmanta tukuynejpi qankunamanta allinta parlashanku.

1 Corintios 1:4

Qankunarayku Diosta pachis ninipuni, Jesucristojta kasqaykichejrayku Diosqa qhasilla k'acha yanapayninta qosusqaykichejmanta.

1 Corintios 15:24

Chaypa qhepanta kay pachaj tukukuynin kanqa. Chaypacha Cristoqa tukuy kamachejkunata, tukuy atiyniyojkunata, chantá tukuy kurajkunata ima chinkarparichenqa. Chaymantataj kamachinapaj atiyta Tata Diosman jaywaponqa, pay kamachinanpaj.

Efesios 5:4

Amallataj millay ch'ichi kajta parlaychejchu, nitaj wampu thawtiykunata, nillataj millay chansata, imajtinchus chaykunaqa mana pipajpis allinchu. Ajinata parlanaykichejtaqa Diosman pachis niychej.

Filipenses 1:3

Sapa kuti qankunamanta yuyarikuspa, Diosniyman pachis ninipuni.

Filipenses 4:6

Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

Colosenses 3:17

Tukuy imata ruwaspa, chayrí parlaspa, Tukuyta Kamachej Jesuspa sutinpi ruwaychej, jinallataj paynejta Tata Diosta pachis niychej.

1 Tesalonicenses 3:9

Chayrayku qankunamanta, imaynatataj Diosta mana pachis niykumanchuri? Pachis niyku, imajtinchus qankunarayku Diospa ñawpaqenpi may jina jatun kusikuyniyoj kayku.

1 Tesalonicenses 5:18

Jinallataj tukuy imamanta Diosta pachis nillaychejpuni, imaraykuchus Jesucristoman ujchasqa kasqaykichejrayku Dios chayta munan.

2 Tesalonicenses 1:3

Munasqa wawqe panakuna, qankunamanta Diosta pachis ninayku tiyan. Ajina kanan kashan, imaraykuchus Diospi astawan astawan atinikushankichej, jinallataj qankunapura astawan astawan munakushankichej.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

Hebreos 13:15

Chayrayku, Jesucristonejta Tata Diosta yupaychanachej. Ajinata yupaychaspa, Diosman jaywashanchej ima jaywanatachus sapa p'unchay jaywananchej kashan, chayta. Chaynejta payllatapuni Diosninchejpaj rejsikapushasqanchejta rimarishanchej.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.