Efesios 5:2 - DIOSPA QHELQACHISQ

² Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Qheshwa Biblia DC

² Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

DIOSPA QHELQACHISQAN DEUTEROCANONICAL

² Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Quechua South Bolivia: Dios Parlapawanchej

² Imaynatachus Cristopis munacuwarkanchej ajinallatataj munacuywan causacuychej. Payka nokanchejraycu causayninta jaywacorka. Diosman causayninta jaywanatajina kospa Diosta cusicherka.

Efesios 5:2 ပူးပေါင်းရင်းမြစ်များ

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:17

Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 3:16

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana jina kanqa, ima munayta q'aparishaj. Uywaj tukuy wiranqa Tata Diospaj kanqa.

Amós 5:21

Tata Dios nillantaj: Yupaychanawaykichejpaj raymikunata chejnikuni, millachikunitaj. Sutiypi jatun tantakuyniykichejtapis mana awantayta atinichu.

Números 7:21

Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

Romanos 8:37

Chaywanpis chay jina llakiykunapi kashaspapis, sut'ita yachanchej munakuwajninchej Jesucristonejta atipananchejtapuni.

1 Corintios 16:14

Imatapis ruwaspaqa, munakuywan ruwaychej.

1 Corintios 5:7

Chayrayku qankunamanta chay ñawpa levadurata wijch'uychej, mosoj masa jina kanaykichejpaj. Ajinamanta qankuna mana levadurayoj t'anta jina kankichej. Cristopis, Pascuapi ñak'ana Cordero jina juchanchejrayku wañunña.

2 Corintios 2:14

Manaraj chaymanta astawan parlashaspa, kayta nini: Diosta pachis nina, imaraykuchus paymin tukuyta atipaj Cristowan khuska yanapawayku noqaykupis atipanaykupaj. Ajinamanta Dios tukuynejpi yachayninta noqaykunejta rejsichin, sumaj q'aparishaj incienso jina.

2 Corintios 2:15

Noqaykoj kawsayniykoqa inciensoj q'apaynin jina, mayqentachus Cristoqa Tata Diosman jaywan, chay jina. Chay q'apaytaj junt'arin qhespichisqa kajkuna ukhupi, chinkayman rejkuna ukhupipis.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

Efesios 3:19

Chantapis mañapullaykichejtaj Cristoj munakuyninta sumajta rejsinaykichejpaj, mayqenchus tukuy runaj yuyayninta atipan, chayta. Ajinamanta Diosmanta jamoj kawsaywan, chantá atiyninwan ima junt'asqa kayta atinkichej.

Efesios 4:15

Manachayqa cheqa kajmanta munakuywan parlasunchej, ajinamanta tukuy imapi Cristoman rijch'akunanchejkama wiñananchejpaj. Cristoqa Iglesia nisqa ukhunpa umanmin.

Efesios 4:2

Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

Efesios 5:25

Qosakuna, sapa ujpis warmiykichejta munakuychej, imaynatachus Cristo Iglesiata munakuspa payrayku kawsayninta qorqa, ajinata.

Deuteronomio 27:6

Jinataj mana ch'eqosqa rumikunamanta altartaqa ruwaspa, chay patapi q'olachisqa jaywanata Tata Diosniykichejman jaywankichej.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

Colosenses 3:14

Astawanqa, munakuywan p'achawan jina p'achallikuychej, imaraykuchus munakoyqa tukuyta k'acha kawsaypi ujchawanchej.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Timoteo 2:6

Pay kikinmin wañunanpaj jaywaykukorqa, ajinamanta tukuy runata qhespichinanpaj. Chaymantataj Dios maychus tiemponpi tukuy runaman willacherqa.

1 Timoteo 4:12

Ama saqeychu wajkuna pisipaj qhawasunankuta wayna kasqaykirayku. Aswanpis Diosta qhatikojkunaj ñawpaqenkupi allinta puriy, paykunapis qan jina puriyta munanankupaj. Allinta puriy, rikunankupaj imaynatachus parlasqaykita, imaynatachus kawsasqaykita, imaynatachus wajkunata munakusqaykita ima. Rikullachunkutaj Diospi imaynatachus atinikusqaykita, chantá mana imamanta k'amina kawsasqaykita ima.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 8:3

Tukuy kuraj kaj sacerdotekuna jaywanakunata, chantá uywa ñak'asqa q'olachinakunatawan Diosman jaywanankupaj churasqa kanku. Chayrayku Jesucristopis Kuraj Kaj Sacerdotenchej jina Diosman imata jaywanayojpuni kanan karqa.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Hebreos 9:23

Chayrayku imachus yupaychana cheqapi kashan, chay tukoyqa uywa ñak'asqaj yawarninwan llimphuchasqa kanan karqa. Chaykunataj janaj pachapi imachus kashan, chayman rijch'akoj jinalla karqa. Janaj pachapi kaj imakunarí uywakunaj yawarninmantapis aswan sumaj jaywanawan llimphuchasqa kanan karqa.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

1 Juan 3:16

Cheqatapuni munakuy imaynachus kasqantaqa kay jinamanta yachanchej: Jesucristo noqanchejrayku wañunanpaj kawsayninta jaywaykusqanpi. Ajinata noqanchejpis Jesucristota qhatikoj masinchejkunata yanapananchejrayku kawsayninchejta tukuchinanchej tiyan.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.