Efesios 5:10 - DIOSPA QHELQACHISQ

¹⁰ Jinallataj Tukuyta Kamachej Jesuspa sonqonta imachus kusichisqanta allinta reparaychej.

Qheshwa Biblia DC

¹⁰ Allinta yachaychej, imachus Señorpaj k'acha kasqanta.

DIOSPA QHELQACHISQAN DEUTEROCANONICAL

¹⁰ Jinallataj Tukuyta Kamachej Jesuspa sonqonta imachus kusichisqanta allinta reparaychej.

Quechua South Bolivia: Dios Parlapawanchej

¹⁰ Chay pokoy causayniyquichejpi cajtin Señorta imaynapichus cusichiyta reparanquichej.

Efesios 5:10 ပူးပေါင်းရင်းမြစ်များ

Salmos 19:14

14 (15) Qanmin, Tata Dios, pakakunay chhanka kanki, kacharichiwaj Diosniytaj. Chayrayku ñawpaqeykipi parlasqay, yuyasqaypis allin kachun.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Romanos 14:18

Sichus pipis ajinata Cristoj munasqanta ruwan chayqa, Diosta kusichin, runakunataj chaytaqa allinpaj qhawanku.

Filipenses 1:10

Ajinamanta imachus aswan allin kajta ajllayta yachankichej, Cristoj kutimunan p'unchaypi llimphu sonqoyoj, mana k'amina kanaykichejpaj.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

1 Tesalonicenses 5:21

Manachayqa tukuy ima nisqankuta allinta reparaychej, yachanaykichejpaj allinchus manachus kasqanta. Chantá allin kajta jap'ikuychej.

1 Timoteo 2:3

Ajinata mañapuna allin, qhespichejninchej Diostataj kusichin.

1 Timoteo 5:4

Chaywanpis, sichus mayqen warmisapa wawakunayoj, chayrí, allchhikunayoj kanman chayqa, paykuna chay warmisapata yanapaspa, imachus ruwanankuta junt'achunku. Ajinata ruwaspa, tata mamanku paykunata uywasqankumanta allin kajwan kutichiponqanku, imaraykuchus chayqa sumajmin, Diosta kusichintaj.

Hebreos 12:28

Chayrayku Diosta pachis nina, imaraykuchus noqanchej mana kuyuchisqa kayta atej kamachinata jap'inchej. Pachis nina, sonqowantaj Diosta munasqanman jina yupaychana, tukuy sonqo payta may jatun respetowan qhawaspa, manchachikuspataj.

1 Pedro 2:20

Sichus mana allin kajta ruwasqaykichejmanta jasut'isqa kaspa ch'inlla awantankichej chayqa, ima allintaj kanman pacienciawan ñak'arisqaykichejri? Aswanpis sichus allinta ruwasqaykichejrayku ñak'arichisqa kaspa llamp'u sonqowan awantankichej chayrí, chaypachamá Diosqa qankunawan sonqo junt'asqa kanqa.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Samuel 17:39

Chantá Davidqa chumpinman uj espadata wataykukorqa. Ajina p'achallisqa kaspataj, thaskiyta munarqa. Chaywanpis mana chayman yachasqa kasqanrayku, Saulta nerqa: Kay jina p'achawan mana puriyta atinichu, mana chayman yachasqa kasqayrayku, nispa. Chantá Davidqa churasqanku p'achata lluch'ukaporqa.