Efesios 4:4 - DIOSPA QHELQACHISQ

⁴ Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Qheshwa Biblia DC

⁴ Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

DIOSPA QHELQACHISQAN DEUTEROCANONICAL

⁴ Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Quechua South Bolivia: Dios Parlapawanchej

⁴ Uj cuerpolla, uj Espiritullamin. Chaymanjinataj tucuy kancunata Dios wajyasorkachej paywan cusca causacuyta suyanayquichejpaj.

Efesios 4:4 ပူးပေါင်းရင်းမြစ်များ

Salmos 122:8

Wawqeykunarayku, kawsaqeykunarayku ima Diosmanta mañakuni: Jerusalenpi sonqo tiyaykusqa kawsay kachun, nispa.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 17:7

Saminchasqa kachun noqapi atinikoj runa, pichus noqa Tata Diospi suyakoj.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

Hechos 15:11

Noqanchej yachanchej qhespichisqa kasqanchejta Tukuyta Kamachej Jesuspa qhasilla k'acha yanapayninnejta, imaynatachus paykuna qhespichisqa kanku, ajinallatataj, nispa.

Romanos 11:29

Imakunatachus Dios qon, chaytaqa mana qhechukapullantajchu. Wajyan chaypis, mana iskaychakunchu.

1 Corintios 10:17

Noqanchej ashkha kaspapis, uj t'antallamanta mikhunchej. Ajinata ruwaspataj, uj ukhullamanta kasqanchejta yachayta qoshanchej.

1 Corintios 12:20

Ajinaqa ukhunchej ashkha imayoj, chaywanpis ujlla.

2 Corintios 11:4

Chayta nini, imaraykuchus pipis jamuspa, noqayku willarqaykuña, chaymanta waj jina Jesusmanta willajtin, qankuna chay willasqanta jap'ikullankichej. Santo Espirituta jap'ikorqanchej chaypis, waj runa waj jina espiritumanta qankunaman willajtin, chaytapis jap'ikullankichejtaj. Kikillantataj pipis Jesuspa sumaj willayninmanta waj jinata yachachejtin, chaytapis jap'ikullankichejtaj.

Efesios 1:18

Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Efesios 2:16

Ajinamanta Cristo judiokunata, chantá mana judiokunata ima Dioswan allinyachispa uj ayllullaman tukucherqa, cruzpi wañusqanwan chejninakuyninkuta chinkachispa.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Efesios 2:22

Ajinallatataj qankunapis Cristoman ujchasqa kasqaykichejrayku, chay wasimanta kankichej, mayqenpichus Diosqa Santo Espiritunejta tiyakun, chaymanta.

Efesios 4:1

Tukuyta Kamachej Jesuspa munasqanta ruwasqayrayku carcelpi wisq'asqa kaspa, noqa tukuy sonqo mañakuykichej, Diospa wajyasqan kajkuna imaynatachus purinanku kashan, ajinata qankunapis purinaykichejta.

Efesios 5:30

Iglesiaqa Cristoj ukhun, noqanchejtaj chay ukhunmanta kanchej.

Colosenses 1:5

Qallariypi Jesuspa cheqa kaj sumaj willayninta uyarispa, yacharqankichej Diosqa qankunapaj may sumaj imakunata janaj pachapi waqaychashasqanta.

Colosenses 3:15

Chantá Cristomanta jamoj sonqo tiyaykuy sonqoykichejpi kamachispa nichun imatachus ruwanaykichejta, imaraykuchus uj ukhullaman churasqa kankichej. Chayrayku tukuywan allinpi kawsakunaykichejpaj wajyasqa kankichej. Jinallataj Diosta pachis nillaychejpuni.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 1:1

Noqa Pablo Jesuspa kuraj kachan kani, qhespichiwajninchej Diospa kamachisqanrayku chantá Cristo Jesuspa kamachisqanraykutaj. Paynejtamin Dios yanapanawanchejta suyakunchej.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Tito 3:7

Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.