Efesios 4:31 - DIOSPA QHELQACHISQ

³¹ Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Qheshwa Biblia DC

³¹ Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

DIOSPA QHELQACHISQAN DEUTEROCANONICAL

³¹ Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Quechua South Bolivia: Dios Parlapawanchej

³¹ Wijch'uychej tucuy jaya yuyayta, rabiacuyta, phiñacuyta, khaparkachayta, sajra parlaytapis, tucuy imaymana sajra caytawan.

Efesios 4:31 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 37:21

Rubentajrí chayta uyarispa, sullk'anta mana wañuchinankuta munaspa, nerqa: Ama wañuchinachu.

Génesis 37:4

Josejpa wawqenkunarí tatanku Joseta paykunamanta nisqa astawan munakusqanta rikuspa, Joseta chejnikuyta qallarerqanku, nitaj allinta parlapayajchu kanku.

Génesis 4:8

Uj kuti Cainqa Abelta nerqa: Jaku campota puriykacharej rina, nispa. Chantá campopi kashajtinku, Cainqa wawqen Abelta maqaspa wañurparicherqa.

2 Samuel 13:22

Absalonpis manallataj imatapis Amnontaqa nerqachu. Chaywanpis payta sinch'ita chejnikorqa, panan Tamarpa honranta t'akasqanmanta.

2 Samuel 19:27

27 (28) Jinallataj payqa qanman qhasimanta ch'ataykuwan. Chaywanpis qan kuraj kamachejneyqa Diospa angelnin jina kanki. Imachus allin rijch'asusqanta noqawan ruway.

2 Samuel 19:43

43 (44) Jinapi israelitakunaqa kutichillarqankutaj: Noqayku aswan ashkha kayku qankunamanta nisqaqa, chayraykutaj kuraj kamachej Davidqa noqaykuwanrajmin kanan kashan. Jinaqa imaraykutaj manakajpaj qhawawaykuri? Manachu noqaykoqa qankunamanta aswan ñawpajta mañarqayku kuraj kamachej kutimpunanta? nispa. Chaywanpis Judá jatun ayllumanta kajkunaqa phiñarikuspa aswan sinch'ita parlarqanku israelitakunamanta nisqaqa.

Salmos 101:5

Noqaqa pikunachus pakayllamanta runa masinkupaj mana allinta parlajkunata mana qhawakullasajchu. Runaykachajkunata, wapu wapu kajkunata ima mana rikuyta atinichu.

Salmos 140:11

11 (12) Nina qallu runaqa ama kay pachapi sayachunchu. Kallpanman atinikuspa runa maqataqa mana allin kaj qhatirichun, chinkachichuntaj.

Salmos 15:3

Chaypi tiyakullanqataj pichus runa masinmanta allinta parlaj, kawsaqenta mana wasanchaj, chantá runa masintapis qhasimanta mana ch'ataykoj ima.

Salmos 37:8

Phiñakunata saqey, qhesachaytaj. Ama phiñakuychu, imaraykuchus phiñakuspaqa, aswan mana allinman chayanki.

Salmos 50:20

Manakajmanta wawqeykita ch'ataykunki, mamaykej wawanmanta yanqhata parlanki.

Salmos 64:3

3 (4) Paykuna espadata jina qallunkuta filoyachinku, jaya parlasqankutataj venenoyoj flechapis kanman jina kachaykunku.

Proverbios 10:12

Chejnikoyqa phiñanakuyta sayarichin. Munakuyrí tukuy mana allin ruwasqata pampachan.

Proverbios 10:18

Chejnikusqanta pakajqa llullamin. Pichus cuento apaykachajtaj wampumin.

Proverbios 14:17

Usqhayllata phiñakojqa mana ruwanatapis ruwarparillan. Yachayniyoj runarí pacienciakuspa, imatapis alliyllamanta ruwan.

Proverbios 18:8

Simi apajpa parlasqanqa misk'i mikhuna jina, runaj sonqon ukhunmanpuni yaykun.

Proverbios 19:12

Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Proverbios 25:23

Wichaynejmanta wayramojtin, para chayamunpuni. Ajinallataj runaj wasallanmanta parlajqa runata phiñachinpuni.

Proverbios 26:20

Mana llant'awan ninaqa wañupun. Ajinallataj simi apaj mana kajtin, ch'ajwapis ch'inyapun.

Proverbios 29:22

Usqhayllata phiñakoj runaqa ch'ajwata jatarichin. Runata maqanachin, anchata pantaspataj juchallin.

Proverbios 29:9

Yachayniyoj runachus wampu runawan quejanakonqa chayqa, mana imatapis allinchanqachu, imaraykuchus wampoqa asikonqa, phiñakonqa ima.

Proverbios 6:19

llulla testigoj llullakusqanta, wawqepurata phiñanachejkunata ima. Chaykunata Tata Diosqa chejnikun.

Eclesiastés 7:9

Ama imamantapis usqhayllata phiñakuychu, imaraykuchus phiñakoyqa wampu runakunallapaj allin.

Jeremías 6:28

Paykuna contraykipi oqharikojkuna, k'ullutaj kanku, jinataj cuento q'epi runakuna kanku. Tukuyninku millayta ruwaspa purejkuna kanku. Paykuna bronce, fierro jinataj kanku.

Jeremías 9:4

4 (3) Kawsaqeykichejmanta qhawakuychej, amataj kikin wawqeykichejpipis atinikuychejchu, imaraykuchus wawqepurapis ch'awkiyanakunku. Kawsaqentinpurapis llullakuspa tumpanakunku.

Hechos 21:30

Ajinamanta tukuy llajtantin oqharikuspa, Pablota jap'erqanku, qhatatispataj, Temploj pationmanta orqhorqanku. Chay ratopachataj Temploj punkunkunata wisq'arqankupacha.

Romanos 3:14

Siminkuwan runata maldicinku, jayatataj parlanku.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

Gálatas 5:20

lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, mana cheqan yachachiykunata kasuy,

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Efesios 4:25

Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Efesios 4:26

Phiñakuspaqa, ama juchalliychejchu, manachayqa manaraj inti yaykushajtin, allinyakapuychej.

Colosenses 3:19

Jinallataj qosakunapis, warmiykichejta munakuychej, amataj paykunawan manapis sonqoyojchu kawajchej jina kaychejchu.

Colosenses 3:8

Kunanrí qankuna kaykunatapis saqenallaykichejtaj tiyan: K'arajta phiñakuyta, phiñasqalla kayta, wajkunata mana allin kajta ruwayta, p'enqaypi rikhurichispa rimayta, ch'ichi parlaykunata ima.

1 Timoteo 3:11

Warmi diaconokunapis jinallataj allinpaj qhawasqa kachunku, ama simi apajkuna, nitaj sonqonkoj munasqanwan atipachikojkuna, manachayqa tukuy imapi maychus kajta junt'ajkuna.

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

1 Timoteo 5:13

Chay jawa wasimanta wasi purispa, qhella kayman yachaykukunku. Chantá mana qhellallachu kanku, astawanqa cuentota apanku. Jinallataj wajkunaj kawsayninkuman sat'ikuspa, imamantachus mana parlanankuta parlanku.

2 Timoteo 2:23

Qhasi manakaj wampu tapunakuykunata ama kasu ruwaychu. Yachanki jina, chaykunaqa phiñanakunallata jatarichin.

2 Timoteo 3:3

Kallanqankutaj mana sonqoyojkuna, rumi sonqo, qhasimanta tumpajkuna, sonqonkoj munasqanta mana atipayta atejkuna, mana khuyarispa millayta ruwajkuna, allin kajta chejnejkuna ima.

Tito 1:7

Jinallataj iglesiata pusarejqa Diospa churasqan qhawaj kasqanrayku mana k'amina kanan tiyan, mana runaykachaj, mana usqhayllata phiñakoj, mana machakoj. Chantá mana atiyniyoj kasqanmanta jap'ikuspa maqanakuta mask'ajchu kanan tiyan, nitaj qolqemanta wañusqachu.

Tito 2:3

Jinallataj paya warmikunapis Diosta qhatikojkuna jina purichunku. Ama cuento q'epi nitaj machakojkuna kachunkuchu, manachayqa allin kajta yachachejkuna kachunku.

Santiago 1:19

Chayrayku, munasqa wawqe panaykuna, uyariyta yachaychej, chantá allinta qhawarikuspa parlaychej, amataj usqhayllata phiñakuychejchu.

Santiago 3:14

Chaywanpis sichus qankuna envidiawan jaya sonqo kaspa, chayrí qhawanakuspa imatapis ruwankichej chayqa, chay jatunchakusqaykichejwan, llullakusqaykichejwan ima cheqa kajta q'ewishankichej.

Santiago 4:11

Wawqe panaykuna, ama pipajpis mana allinta parlaychejchu. Sichus pipis Jesucristota qhatej masinpaj mana allinta riman, chayrí imamantapis juchachan chayqa, Diospa kamachisqanpa contranta riman, chantá Diospa kamachisqan mana allinchu kasqanta nin. Sitajchus Diospa kamachisqan mana allinchu kasqanta ninki chayqa, juez jina sayashanki. Chaywanpis qanpa ruwanaykeqa Diospa kamachisqanta kasunayki.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

1 Juan 3:15

Pichus Jesucristota qhatikoj masinta chejnikojqa runa wañuchi, yachankichejtaj runa wañucheqa mana wiñay kawsayta jap'inanta.

Apocalipsis 12:10

Chay qhepata noqa janaj pachamanta jatunmanta parlamojta uyarerqani: Kunan Diosninchej jatun atiyninwan ayllunta qhespichin, jinallataj tukuy runata kamachishan. Chantá Criston kasuchikunanpaj atiyniyojllataj kashan. Wawqe pananchejkunata ch'atajtarí ñapis janaj pachamanta wijch'umunkuña, pichus Diosninchejpa ñawpaqenpi tuta p'unchay paykunata ch'ataykoj, chayta.