Efesios 4:22 - DIOSPA QHELQACHISQ

²² Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Qheshwa Biblia DC

²² Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

DIOSPA QHELQACHISQAN DEUTEROCANONICAL

²² Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Quechua South Bolivia: Dios Parlapawanchej

²² Chayraycu imaynachus causarkanquichej, chay mauc'a causayta wijch'upuychej. Mauc'a causayka millay llulla munaycunawan ismushan.

Efesios 4:22 ပူးပေါင်းရင်းမြစ်များ

Job 22:23

Sichus k'umuykuspa Tukuy Atiyniyoj Diosman kutirikunki chayqa, pay aysarisonqa. Ajinata ruwaspataj, wasiykimanta llakiykunata karunchanki.

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Jeremías 17:9

Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Abdías 1:3

Wapuykachasqayki q'otiyasorqa. Chhanka jusk'ukunapi kawsasqaykirayku, orqo patapi tiyakusqaykirayku ima sonqoykipi nerqanki: Noqataqa mana pipis urmachiwanmanchu, nispa.

Romanos 6:6

Yachanchej jina, ñawpajta pichus karqanchej, chayqa Cristowan khuska chakatasqa kashan, juchalliyllata munaj kayninchej amaña atiyniyoj kananpaj. Chayrayku manaña juchaj wata runanchu kanchej.

Romanos 7:11

Chayqa ajina, imaraykuchus jucha kamachisqamanta valekuspa, q'otiyawarqa, chay kamachisqanejtataj jucha wañuchiwarqa.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

Gálatas 1:13

Qankuna uyarerqankichej, imaynatachus ñawpajta judiokunaj yachachisqankuta qhatishaspa, Diospa Iglesianta chinkachiyta munasqayta. Chayraykutaj ancha kallpawan paykunata qhatiykacharqani.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Efesios 4:17

Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Efesios 4:25

Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Efesios 4:31

Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Colosenses 2:11

Jinallataj payman ujchasqa kaspa, circuncidasqa karqankichej. Chayqa mana runaj circuncidasqanchu, manachayqa Cristomin circuncidasorqachej, qankunamanta juchallinaman aysaj sonqota orqhospa.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

Hebreos 3:13

Aswanpis, sapa p'unchay purajmanta kallpachanakuychej, tiempo kashajtillanraj. Pajtataj qankuna juchaj q'otiyasqan kaspa, sonqoykichejpi rumiyachisqa kawajchej.

Santiago 1:21

Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.

Santiago 1:26

Sichus pipis Diospa munasqanta ruwaspa purishasqanta yuyanman, manataj allinta qhawarikuspa parlan chayqa, chay runa pay kikinta q'otiyakun. Jinallataj Diospa munasqanta ruwaspa purisqanqa qhasi manakaj.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

2 Pedro 2:13

Ujkunata ñak'arichisqankumanta paykunapis ñak'arichisqallataj kanqanku. Paykuna sut'i p'unchaypi millayta ruwaspa misk'irichikunku. Jinallataj chay yachachejkuna qankunawan khuska mikhuspa, k'achata kawsakuy tantakusqaykichejta ch'ichichanku, kusikunkutaj qankunata q'otiyasqankumanta.

2 Pedro 2:7

Chaywanpis Dios cheqanta ruwaj Lotta chay wañuymanta ayqecherqa, pichus sonqonpi mayta llakikorqa millayta ruwajkunaj p'enqay ruwasqankumanta, chayta.

1 Samuel 1:14

Chantá, Elí sacerdote nerqa: Mayk'ajkamataj machasqa kankiri? Amaña astawan ujyaychu, nispa.