Efesios 4:2 - DIOSPA QHELQACHISQ

² Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

Qheshwa Biblia DC

² Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

DIOSPA QHELQACHISQAN DEUTEROCANONICAL

² Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

Quechua South Bolivia: Dios Parlapawanchej

² Chaymanjina causaychej llamp'u sonkowanpuni, c'acha yuyaywantaj. Runastapis muchuychejpuni. Munacuywan purajmanta yanapanacojcunapunitaj caychej.

Efesios 4:2 ပူးပေါင်းရင်းမြစ်များ

Salmos 138:6

Tata Dios may jina patapipis kashaspa, llamp'u sonqoyojkunamanta qhawarinpuni. May kasqankuta yuyakojkunamantarí karunchakun.

Salmos 45:4

4 (5) May jina atiyniyoj kasqaykiwan atipaj jina puririy, cheqa kajrayku maqanakuspa, llamp'u sonqoyojkunapaj justiciata ruwaspa ima. Atiyniykiwan t'ukuna imakunata ruwaspa, atipankipuni.

Proverbios 16:19

Pichus llamp'u sonqoman tukuspa wajchakunawan khuska kawsakun, chay astawan allinpi kanqa, pichus jatunchakojkunawan kawsakuspa qhapajyan, chaymanta nisqaqa.

Proverbios 3:34

Alqochakojkunamantaqa Tata Dios asiykukun, llamp'u sonqoyojkunamantajrí k'acha kayninta rikuchin.

Eclesiastés 7:8

Imatapis tukuychanaqa astawan allin qallarinamanta nisqaqa. Pacienciayoj kayqa aswan allin machu machu kanamanta nisqaqa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Números 12:3

Moisesqa tukuy kay pachapi runakunamanta nisqaqa aswan llamp'u sonqoyoj karqa.

San Mateo 11:29

Yugoy churasqayta tukuy sonqo jap'ikuychej, noqamantataj yachaqakuychej. Noqaqa k'acha kani, llamp'u sonqotaj, qankunataj chayta ruwaspa, samariyta tarinkichej,

Marcos 9:19

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

Hechos 20:19

Noqaqa may llamp'u sonqowan, waqan waqan Diospa kamachiwasqanta ruwarqani, jinallataj ñak'arerqani judiokuna qhatiykachawasqankurayku.

Romanos 15:1

Jesuspi atinikunapi manaraj sinch'i sayajkunaqa, imatachus ruwanamanta, chayrí mana ruwanamanta iskayrayashankuraj. Pikunachus sinch'ita sayajkunarí paykunata pacienciawan awantananchej, manataj allinnillanchejta mask'anapichu yuyananchej.

1 Corintios 13:7

Pichus munakuyniyojpataqa tukuy imata awantananpaj kallpan tiyan. Jinataj Diospi atinikuynin, suyakuyniyoj kasqanpis mana tukunkuchu. Chantá imapis kajtin, sinch'ita sayallanpuni.

Gálatas 6:2

Ima mana allin rikhurejtinpis, purajmanta yanapanakuychej, imaraykuchus ajinata ruwaspa, Cristoj kamachisqanta junt'ashankichej.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Colosenses 1:11

Mañapullaykutaj Diosqa may jina jatun atiyninwan qankunata kallpachananta, tukuy mana allin kajkuna qhatirejtin pacienciakunaykichejpaj.

1 Timoteo 6:11

Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

Santiago 1:21

Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

1 Pedro 3:8

Ajinaqa tukuyniykichej uj sonqolla kaychej. Ujkuna ujkuna khuyarinakuychej, Jesucristota qhatejkunapurataj q'ayachanakuspa kawsakuychej. Jinallataj allin sonqoyoj kaychej, chantá llamp'u sonqo ima.