Efesios 4:18 - DIOSPA QHELQACHISQ

¹⁸ Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Qheshwa Biblia DC

¹⁸ Yuyayninku laqhayasqa kajtin, Diospi kay kausaymanta karunchasqas kanku, paykuna mana yachasqankurayku, rumi sonqostaj kasqankurayku.

DIOSPA QHELQACHISQAN DEUTEROCANONICAL

¹⁸ Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Quechua South Bolivia: Dios Parlapawanchej

¹⁸ Yuyaynincoka lakhayaskamin. Diospa causayninmanta carunchaskas cancu mana reparaskancuraycu rumi sonkos caskancuraycupis.

Efesios 4:18 ပူးပေါင်းရင်းမြစ်များ

Salmos 74:20

Trato ruwasqaykimanta yuyarikuy, imaraykuchus suyuykupeqa maqanakuylla junt'a.

Isaías 25:7

Kay orqopi payqa llakiyninkuta phuyuta jina picharenqa, jinallataj kay tukuy suyupi wañuypa llanthunta chinkachenqa.

Ezequiel 14:5

Noqa sonqonkuman parlapayasaj kutirimunankupaj, imaraykuchus tukuyninku noqata saqerpayaspa, lantikunaj qhepankuta riporqanku, nispa.

Daniel (hebreo) 5:20

Chaywanpis tatayki sonqonpi jatunchakusqanrayku, runaykachaspa k'ullu kasqanraykutaj, Tata Diosqa paymanta kamachej kayninta, jinataj jatunpaj qhawasqa kaynintawan qhechorqa.

Levítico 11:16

surita, ch'useqata, tukuy imaymana wamankunata, imaymana wallpa suwata.

San Mateo 13:15

Kay runakunaj sonqonqa rumiyasqa, ninrinkupis lojt'uyachisqa. Ñawinkutapis wisq'allankutaj ama rikunankupaj. Paykunachus ñawinkuwan qhawankuman, ninrinkuwan uyarinkuman, tukuy sonqotaj kutirikamuwankuman chayqa, chaypacha noqaqa paykunata qhaliyachiyman, nispa.

Marcos 3:5

Chaymanta Jesusqa phiñakuspa, muyuyninpi kajkunata qhawarerqa, paykunamantataj llakikorqa rumi sonqo kasqankurayku. Chay onqosqa runatataj nerqa: Makiykita jaywariy, nispa. Paytaj makinta jaywarejtinkama, makin qhaliyaporqa.

San Juan 12:40

Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

Hechos 17:30

Ñawpa tiempopi runakuna Diosta mana rejserqankuchu chaypis, Dios chayta qonqayman churarqa. Kunantajrí, Diosllataj tukuynejpi runakunata kamachin payman kutirikunankuta.

Hechos 3:17

Yawar masikuna, noqa kayta yachani: Jesusta wañuchispa, qankuna imatachus ruwasqaykichejta mana yacharqankichejchu, nillataj kamachejniykichejkunapis yacharqankuchu.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 11:7

Chay jinaqa israelitakunamanta ashkha Diospa ñawpaqenpi allinpaj qhawasqa kayta mask'ashaspapis, mana tarerqankuchu. Chaywanpis pikunatachus Dios ajllakorqa, chaykunalla chayta tarerqanku. Chay ujkunaj sonqonkutaj rumiyachisqa karqa.

Romanos 2:19

Qan ñawsa jina kajkunata makinkumanta jap'ispa, pusayta yuyanki, jinallataj laqhapi chinkasqa kajkunata k'anchayta atisqaykita ima.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.

1 Corintios 2:8

Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Gálatas 4:8

Ñawpajta qankuna manaraj Diosta rejserqankichejchu. Chaypachataj mana dioschu kanku, chaykunaj wata runan karqankichej.

Efesios 2:1

Ñawpajta qankuna millayta ruwasqaykichejrayku, jinataj juchallisqaykichejrayku Diospaj wañusqapis kawajchej jina karqankichej.

Efesios 2:12

Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

1 Tesalonicenses 4:5

Amataj Diosta mana qhatejkuna jina millay ch'ichi kajta ruwayta munapayaspa kawsaychejchu.

Hebreos 5:2

Chay sacerdotetaj mana yachajkunamanta, chantá juchallejkunamanta khuyakuyta atin, paypis runallataj kaspa pisi kallpa kasqanrayku.

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

1 Juan 2:11

Wawqe pananta chejnikojrí laqhallapiraj purishan. Manataj yachanchu maymanchus rinanta, imaraykuchus laqhaqa ñawinta mana rikojta saqenchu.