Efesios 4:17 - DIOSPA QHELQACHISQ

¹⁷ Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Qheshwa Biblia DC

¹⁷ Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

DIOSPA QHELQACHISQAN DEUTEROCANONICAL

¹⁷ Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Quechua South Bolivia: Dios Parlapawanchej

¹⁷ Cayta Señorpa sutinpi encargaspa niyquichej: Amaña Diosta mana rejsejcunajinaka causaychejchu. Paycunaka yankha yuyaynincumanjina causashancu.

Efesios 4:17 ပူးပေါင်းရင်းမြစ်များ

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

Colosenses 2:4

Chayta niykichej, ama pipis sonqo suwanapaj jina misk'i parlasqankuwan q'otiyasunaykichejpaj.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Hechos 18:5

Jayk'ajchus Silaswan, Timoteowan Macedoniamanta chayamorqanku, chaymantapacha Pablo toldo ruwanata saqespa, Diospa simi nisqanta judiokunaman willaspa purerqa, Jesusqa Cristopuni kasqanta sut'inchaspa.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Jeremías 42:19

Noqataj niykichej: Tata Diosqa qankuna Judá ayllumanta puchojkunaman kamachisunkichej: Ama Egiptoman ripuychejchu, nispa. Ama qonqaychejchu imatachus noqa mayta nishaykichej, chayta:

2 Timoteo 4:1

Noqaqa Diospa ñawpaqenpi, chantá Cristo Jesuspa ñawpaqenpipis, pichus Kuraj Kamachej jina kamachinanpaj jamuspa kawsajkunata, wañusqakunatapis juzganqa, chaypa ñawpaqenpi, kayta ruwanaykita kamachiyki:

1 Timoteo 6:13

Kunanqa kayta kamachiyki, pichus tukuy imaman kawsayta qoj Tata Diospa ñawpaqenpi, jinallataj Jesucristoj ñawpaqenpipis, pichus Poncio Pilatoj ñawpaqenpi Diospi atinikunamanta sut'ita willarqa, chaypa ñawpaqenpi:

1 Timoteo 5:21

Noqaqa Diospa ñawpaqenpi, Tukuyta Kamachej Jesucristoj ñawpaqenpipis, chantá ajllasqa angelkunaj ñawpaqenpiwan ima kamachiyki kay kamachisqata junt'anaykita ama pitapis qhawaraspa, nitaj pimanpis uyata orqhospa.

1 Tesalonicenses 4:6

Ama pipis kaykunata ruwaspa Diosta qhatikoj masinpa contranta imatapis ruwachunchu, nillataj q'otiyachunchu, imaraykuchus Tukuyta Kamachej Jesusqa chayta ruwajkunata sinch'ita jasut'enqa. Chaymanta qankunata mayta k'amerqaykuña.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Efesios 1:22

Jinallataj Diosqa tukuy imata Cristoj chakin uraman churarqa. Chantá payta churallarqataj tukuy imapi Iglesiaj Uman kananpaj.

Gálatas 5:3

Ujtawan niykichej: Pichus circuncidachikojqa Moisespa tukuy kamachisqanta junt'ananpuni tiyan.

Gálatas 3:17

Chaywanqa kayta niyta munani: Ñawpajta Dios Abrahamwan tratota ruwaspa, nerqa imatachus qonanta. Moisespa kamachisqantajrí 430 watamanña churasqa karqa. Chayrayku Moisespa kamachisqanqa Diospa nisqanta mana chinkachiyta atinchu, nitaj yanqhayachiyta.

2 Corintios 9:6

Kaymanta yuyarikuychejpuni: Pichus pisita tarpojqa pisillatataj oqharenqa. Ashkhata tarpojrí ashkhallatataj oqharenqa.

1 Corintios 15:50

Wawqe panakuna, kayta niykichej: Kay ukhunchejqa Diospa kamachiyninman mana yaykonqachu, imaraykuchus wañoj ukhunchejqa imachus wiñaypaj kajta mana chayaqeta jina jap'iyta atinchu.

1 Corintios 1:12

Qankunamanta wakin kay jinata nisqankichej: Noqa Pablota qhatini, nispa. Wakintaj: Noqarí Apolosta, nispa. Wakintaj nisqankichej: Noqaqa Cefasta, nispa. Wakintajrí: Noqaqa Cristota qhatikuni, nispa nisqankichej.

Hechos 2:40

Ajinata Pedroqa parlaspallapuni chay runakunata sumajmanta tukuy sonqo reparacherqa. Paykunata sonqochaspataj, nerqa: Qankuna kay mana kasukoj runakunaj mirayninmanta t'aqakuychej, nispa.

Nehemías 13:15

Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

San Lucas 16:28

Jaqaypi phishqa wawqeykunaman kay tukuymanta willarimpuwachun, ama paykuna kayman ñak'arej jamunankupaj, nispa.

Levítico 15:18

Sichus uj qhari warminwan puñuykojtin mujun llojsinman chayqa, iskayninku yakuwan mayllakunanku tiyan. Chantá ch'isiyanankama iskayninku mana llimphupaj qhawasqa kanqanku.

Deuteronomio 27:10

Chayrayku qankunaqa payta uyarinaykichej tiyan, jinataj kunan kamachishaykichej, chay kamachisqanta, chantá yuyaychasqantawan ima junt'anaykichej tiyan, nispa.