Efesios 4:13 - DIOSPA QHELQACHISQ

¹³ Ajinata ruwana kanqa tukuyninchej uj runa jinalla Diospi atinikunaman chayananchejkama, jinataj Diospa Churinta allinta rejsinanchejkama. Ajinamantataj wiñay tukusqa runa jina kasunchej, imaynachus Cristo, ajinaman chayaspa.

DIOSPA QHELQACHISQAN DEUTEROCANONICAL

¹³ Ajinata ruwana kanqa tukuyninchej uj runa jinalla Diospi atinikunaman chayananchejkama, jinataj Diospa Churinta allinta rejsinanchejkama. Ajinamantataj wiñay tukusqa runa jina kasunchej, imaynachus Cristo, ajinaman chayaspa.

Quechua South Bolivia: Dios Parlapawanchej

¹³ Chay atiycunawan tucuy runasnin Diospi jap'icuypi ujchaska canka. Wawan Cristota rejsispataj mosoj causaypi wiñaskas casunchej. Payka munan tucuy runasnin ujchaska wiñananchejta sumaj Runa cananchejcama. Munantaj uj cuerpolla Cristowan paymanjina tucuy imapi wiñaskas cananchejta.

Efesios 4:13 ပူးပေါင်းရင်းမြစ်များ

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Sofonías 3:9

Chay p'unchay chayamojtin, noqa tukuy runakunaj parlayninkuta mosojyachisaj, tukuyninku sutiyta oqharispa yupaychanawankupaj, uj sonqolla munayniyta ruwanankupaj ima.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 6:69

Noqaykoqa qan kawsaj Diospa Churin kasqaykita yachayku, jinallataj Diospa ajllasqan kasqaykitapis, nispa.

Hechos 4:32

Chantá Jesucristopi atinikojkuna uj yuyaylla, uj sonqolla karqanku. Mana pipis nejchu kapuynin paypallata kasqanta, manachayqa tukuy imanku tukuyninkojta karqa.

1 Corintios 1:10

Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

1 Corintios 2:6

Chaywanpis noqayku Diospi atinikuypi wiñay tukusqa kajkunawan yachayniyoj jina parlayku. Mana runakunaj yachayninkuwanchu, nitaj kamachejkunaj yachayninkuwanchu parlayku, imaraykuchus paykuna chinkapunanku kashan.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Gálatas 4:19

Munasqa wawaykuna, onqokoj warmi jina ujtawan nanaywan ñak'arishani, Cristo imaynachus kasqan qankunapi ruwasqa kanankama.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 1:23

Cristoqa iglesiapaj, imaynachus runaj ukhunpaj uman, ajina. Jinataj tukuy imaman junt'aj Cristowan iglesiaqa sumaj junt'asqa kashan.

Efesios 2:15

Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.

Efesios 4:12

Paykunaqa Diospaj t'aqasqa kajkunata yachachispa wakichinanku tiyan, Diospa ruwananta ruwayta atinankupaj, ajinamanta Cristoj Iglesian wiñachisqa kananpaj. Iglesiaqa Cristoj ukhunmin.

Efesios 4:3

Allinpi kawsakunaykichejpaj atisqaykichejta ruwaychej, Santo Espíritu ujlla kanaykichejta qosqanta ama chinkachinaykichejpaj.

Efesios 4:5

Tukuyta Kamachej Jesusqa ujlla, tukuyninchejtaj payllapi atinikunchej, jinallataj uj bautismolla tiyan.

Filipenses 3:10

Noqaqa Cristota astawan rejsiyta munani, chaywantaj niyta munani kawsarichej atiynin noqapi rikukunanta. Jinallataj paywan khuska ñak'ariyta munani. Wañunay kajtinpis, pay jinallataj wañuyta munani.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

Colosenses 1:28

Chayrayku Cristomanta willayku tukuy runata yuyaychaspa, tukuy yachaywan yachachispa ima. Ajinata ruwayku tukuy runata Cristowan ujchasqa kawsakunapi yuyayninpiña kashajta rikhurichinaykupaj.

Colosenses 2:2

Munallanitaj sonqonku kawsarichisqa kananta, munakuypi sumaj ujchasqa kanankupaj. Ajinamanta yachanqanku Diospa pakasqa wakichisqan imachus kasqanta sumajta rejsisqankuta: Chayqa Cristomin.

Hebreos 5:14

Mikhunarí wiñay tukusqa runakunapaj, pikunachus imachus allin, imatajchus mana allinchu kasqanta sapa kuti reparaspa yachankuña, chaykunapaj.

2 Pedro 1:4

Chaykunanejtataj Diosqa nisqanman jina may sumaj, chantá may jina valorniyoj imakunata qowarqanchej munasqanman jina puriyta yanapanawanchejpaj. Ajinamanta qankuna, imaynachus Dios kasqan, ajinallataj kankichej. Chantá kay pachapi millay ruwaykunamanta ayqeyta atillankichejtaj, mayqenkunachus runa millay ruwayta munasqanmanta jamun, chaymanta.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.