Efesios 3:9 - DIOSPA QHELQACHISQ

⁹ Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

Qheshwa Biblia DC

⁹ Wiñaymantapacha Diospi pakasqa imasta, tukuyman sut'inchanaypaj atiyta qowarqa; chay tukuy imastataj pay ruwarqa.

DIOSPA QHELQACHISQAN DEUTEROCANONICAL

⁹ Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

Quechua South Bolivia: Dios Parlapawanchej

⁹ Cachamuwarkataj tucuyman sut'inchanaypaj imaynatachus Dios pacaska yuyayninmanjina cunan ruwashaskanta. Tucuy imata ruwaj Dioska chayta yuyaynillanpi pacarka wiñay wiñaymantapacha.

Efesios 3:9 ပူးပေါင်းရင်းမြစ်များ

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

San Mateo 10:27

Imatachus laqhapi nisqaykichej, chaytaqa qankuna sut'i p'unchaypi niychej. Pakaypi uyarisqaykichejtapis wasi patamanta qhaparispa willaychej.

San Mateo 13:35

Ajinamanta Jesusqa Diosmanta sut'inchajpa nisqanta junt'arqa: Rijch'anachinakunawan parlarisaj, sut'inchasajtaj imakunachus pakasqa karqanku Dios kay pachata ruwasqanmantapacha, chaykunata, nispa.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Juan 10:30

Noqawan, Tata Dioswanqa ujlla kayku, nispa.

San Juan 5:17

Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

Hechos 15:18

Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

1 Corintios 2:7

Aswanpis Diospa pakasqa yachayninmanta parlayku, mayqenchus manaraj kay pacha ruwasqa kashajtin wakichisqaña karqa Diospa jatun kayninpa k'anchayninpi paywan khuska kananchejpaj, chaymanta.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Efesios 3:2

Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

Efesios 6:19

Noqapajpis mañapullawaychejtaj sumaj willaymanta parlashajtiy, Dios imatachus ninayta yuyaychanawanpaj. Ajinamanta mana manchachikuspa, Diospa wakichisqanmanta pakasqa yachayta sut'inchayta atisaj.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:26

Chay willayqa wiñaymantapacha pakasqa karqa. Kunantajrí Diosqa ajllakusqankunaman chayta sut'inchanña.

Colosenses 3:3

Ajinata ruwaychej, imaraykuchus qankunaqa ñawpa kawsaypaj wañorqankichejña, kunantaj Cristoman ujchasqa kasqaykichejrayku Diosqa mosoj kawsayniykichejta pakashan.

Colosenses 4:3

Dioswan parlarikuspaqa, noqaykuraykupis mañapuwayku Diosqa runakunaj sonqonkuta wakichinanpaj Jesusmanta willanaykupaj. Ajinamanta sut'inchasqayku, ñawpajta Cristomanta imachus pakasqa karqa, chay yachayta. Chaymanta willarasqayrayku noqapis carcelpi wisq'asqa kashani.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 14:6

Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.