Efesios 3:8 - DIOSPA QHELQACHISQ

⁸ Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Qheshwa Biblia DC

⁸ Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

DIOSPA QHELQACHISQAN DEUTEROCANONICAL

⁸ Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Quechua South Bolivia: Dios Parlapawanchej

⁸ Diospa tucuy runasninmanta sullc'amantapis aswan sullc'ajina cani. Payrí c'acha yanapayninwan nokaman confiawarka waj llajtayojcunaman khapaj willanasninta willaranayta. Chay khapaj willanasnenka Cristoj mana tucucoj munacuyninmin.

Efesios 3:8 ပူးပေါင်းရင်းမြစ်များ

1 Crónicas 17:16

Chaymantataj kuraj kamachej Davidqa Tata Diospa toldonman yaykuspa, nerqa: Tata Diosníy, pitaj noqa kasqani, aylluypis imataj kasqa kaykama yanapanawaykupajri?

Salmos 31:19

19 (20) Qanta yupaychasojkunapaj munakuyniykeqa may jinamin. Sumaj waqaychasqa qolqeta jina munakuyniykita paykunapaj jallch'anki. Chantá tukuy runaj rikunankuta qanpi atinikojkunaman munakuyniykita rikuchinki.

San Lucas 14:22

Kamachitaj kutimuytawan, nisqa: Patrón, nisqaykiman jina ruwani. Chaywanpis raymi wasi manaraj junt'achu, nispa.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

Romanos 11:33

Diospa yachaynin, yuyayniyoj kasqanpis may jina t'ukunamin, mana tupuy atina. Jinallataj imatachus nisqan, ruwasqanpis noqanchejpaj mana yachay atinamin.

Romanos 12:10

Wawqe panakuna jina tukuy sonqo purajmanta munakuychej, ujkuna ujkunataj respetanakuychejpuni.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 15:9

Noqaqa Jesuspa kuraj kachankuna ukhupi aswan mana kasu ruwana kani, manataj Jesuspa kuraj kachan nisqa kanaypaj jinachu, ñawpajta Diospa iglesianta chinkachiyta munaspa qhatiykachasqayrayku.

1 Corintios 2:9

Diospa Qhelqachisqanpi nin: Imatachus ñawi mana rikorqachu, nitaj ninri uyarerqachu, nillataj runa sonqonpi yuyarqachu, chayta Dios wakicherqa payta munakojkunapaj, nispa.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Gálatas 2:8

Diospuni imaynatachus Pedrota churarqa judiokunaman kuraj kachan kananpaj, ajinallatataj noqatapis churawarqa mana judío kajkunaman kuraj kachan kanaypaj.

Efesios 2:7

Chayta ruwarqa, jamoj p'unchaykunapi may qhapaj k'acha yanapayninta, munakuyninta ima rikuchinanpaj, Cristo Jesusman ujchasqa kasqanchejrayku.

Efesios 3:1

Dios imatachus ruwasqanrayku kayta yachanaykichejta munani: Noqa Pablo carcelpi kashani, Jesucristoj kamachin kaspa, qankuna mana judío kajkunaman Jesusmanta sumaj willayta willasqayrayku.

Efesios 3:16

Dioswan parlarikuspataj, mañakuni Santo Espiritunejta jatun kayninpa qhapaj kayninman jina, chantá atiyninwan ima sonqoykichejta kallpachasunaykichejta.

Efesios 3:19

Chantapis mañapullaykichejtaj Cristoj munakuyninta sumajta rejsinaykichejpaj, mayqenchus tukuy runaj yuyayninta atipan, chayta. Ajinamanta Diosmanta jamoj kawsaywan, chantá atiyninwan ima junt'asqa kayta atinkichej.

Efesios 3:2

Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

Filipenses 2:3

Ama imatapis ruwaychejchu churanakuspa, chayrí jatunchakuspa. Manachayqa llamp'u sonqo kaywan imatapis ruwaychej. Sapa uj ujkunata qhawachun paymanta aswan kasqankuta jina.

Filipenses 4:19

Chayrayku Diosneyqa t'ukuna qhapaj kayninman jina imamantachus pisichikushasqaykichejta Cristo Jesusnejta qosonqachej.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

1 Timoteo 1:13

Ñawpajta Cristoj contranta rimaj kani. Jinataj payta chejnispa qhatiykachaj kani, paypajtaj millayta parlaj kani. Chaywanpis pay khuyarikuwarqa, imaraykuchus noqa manaraj Cristomanta jap'ikushaspa, imatachus ruwashasqayta mana yacharqanichu.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

1 Timoteo 2:7

Noqataj chaymanta willanaypaj Jesuspa kuraj kachan churasqa kani, jinallataj mana judío kajkunaman Jesuspi atinikunamanta, chantá cheqa kajmanta ima yachachinaypaj. Ajinata nispaqa, cheqanta nini, manataj llullakushanichu.

2 Timoteo 1:11

Diostaj noqata churawarqa, Jesuspa kuraj kachan kaspa, chay sumaj willayta willanaypaj, chantá yachachinaypaj ima.

Apocalipsis 3:18

Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.