Efesios 3:5 - DIOSPA QHELQACHISQ

⁵ Dios chay pakasqa yachayta mana ñawpa runakunaman rejsicherqachu. Kunanrí pay Santo Espiritunnejta chaykunata kuraj kachankunaman, chantá sut'inchajkunaman ima rejsichin.

Qheshwa Biblia DC

⁵ Chay pakasqa kajqa mana rikuchisqachu karqa, waj miraykunapi runaj churisninman. Kunanrí Espiritunejta sut'inchan ajllasqa apostolesninman, profetasman ima.

DIOSPA QHELQACHISQAN DEUTEROCANONICAL

⁵ Dios chay pakasqa yachayta mana ñawpa runakunaman rejsicherqachu. Kunanrí pay Santo Espiritunnejta chaykunata kuraj kachankunaman, chantá sut'inchajkunaman ima rejsichin.

Quechua South Bolivia: Dios Parlapawanchej

⁵ Unay tiempospi chay pacaska yuyaynenka mana pimanpis sut'inchaskachu carka. Cunanrí payman t'akaska cachasninman willajcunanmanpis Dioska Santo Espiritunejta yuyayninta sut'inchan.

Efesios 3:5 ပူးပေါင်းရင်းမြစ်များ

Isaías 52:15

Ajinallatataj tukuy suyuta t'ukuchenqa. Kuraj kamachejkuna paypa ñawpaqenpi ni parlariytapis atenqankuchu, imaraykuchus mana jayk'aj rikusqankuta rikonqanku, jinataj mana jayk'ajpis uyarisqankuta entiendenqankuchu.

San Mateo 13:17

Kayta sut'ita niykichej: Diosmanta ashkha ñawpa sut'inchajkuna, cheqan runakunapis imatachus kay rikusqaykichejta rikuyta munarqanku, manataj rikorqankuchu. Jinallataj imatachus uyarishankichej, chayta uyariyta munallarqankutaj, nillataj uyarerqankuchu.

San Mateo 20:7

Paykunataj kutichisqanku: Mana pipis mink'akuwaykuchu, nispa. Paytaj nisqa: Qankunapis huertayman uva pallaj rillaychejtaj, nispa. Paykunataj risqanku.

San Mateo 23:34

Chayrayku noqaqa Diosmanta sut'inchajkunata kachamusqaykichej, yachayniyojkunata, yachachejkunata ima. Qankunatajrí wakinta wañuchinkichej, wakinta cruzman chakatankichej, wakintataj tantakuna wasikunapi jasut'inkichej, wajkunatataj llajtamanta llajta qhatiykachankichej.

San Lucas 10:24

Diosmanta ashkha ñawpa sut'inchajkuna, kuraj kamachejkuna ima qankunaj rikusqaykichejta rikuyta munarqanku, manataj rikorqankuchu. Jinallataj imatachus uyarishankichej, chayta uyariyta munallarqankutaj, nillataj uyarerqankuchu, nispa.

San Lucas 11:49

Chayrayku Tukuy Yachayniyoj Dios nerqa: Noqaqa aylluyman kachasaj noqamanta sut'inchajkunata, kuraj kachakunata ima. Paykunatatajrí wakinta wañuchenqanku, wakintataj ñak'arichenqanku, nispa.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 16:13

Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

1 Corintios 2:10

Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

Efesios 2:20

Iglesiamanta tukuy kajkunaqa uj wasi jina kanchej, chay wasitaj Jesuspa kuraj kachankunaj, jinataj Diosmanta sut'inchajkunaj yachachisqankupi sayachisqa kashan. Chay wasej sumaj esquina rumintaj Jesucristomin.

Efesios 3:9

Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

2 Pedro 3:2

Noqa munani Diospa ajllasqan ñawpa sut'inchajkunaj nisqankumanta yuyarikunaykichejta, jinallataj Qhespichej Tukuyta Kamachej Jesuspa kamachisqanmanta ima, mayqenkunatachus Jesuspa kuraj kachankuna kamachisorqachej, chaymanta.

Judas 1:17

Qankunarí, munasqa wawqe panakuna, yuyarikuychej Tukuyta Kamachej Jesucristoj kuraj kachankuna imatachus nerqanku, chayta.