Efesios 3:20 - DIOSPA QHELQACHISQ

²⁰ Diosqa tukuy imata ruwayta atin, mañakusqanchejmantapis yuyasqanchejmantapis aswantaraj, noqanchejpi llank'ashan, chay jatun atiyninnejta.

Qheshwa Biblia DC

²⁰ Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

DIOSPA QHELQACHISQAN DEUTEROCANONICAL

²⁰ Diosqa tukuy imata ruwayta atin, mañakusqanchejmantapis yuyasqanchejmantapis aswantaraj, noqanchejpi llank'ashan, chay jatun atiyninnejta.

Quechua South Bolivia: Dios Parlapawanchej

²⁰ Payka may astawanraj mañacuskanchejmanta yuyaskanchejmantapis ruwayta atin. Chay atiyninmanjinataj cunanpis nokanchejpi ruwashan.

Efesios 3:20 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:4

Chakiykichejta mayllakunaykichejpaj noqa yakuta apachimusaj, chantá tumpallatapis kay sach'a llanthupi samarikuychej.

2 Samuel 7:19

Chaypis mana chayllachu. Tata Dios, noqa kamachiykej miraynin imayna kananmantapis parlallawankitaj. Mana pipis qan jina ruwajqa kanchu.

1 Reyes 3:13

Chaywanpis mana mañakuwasqaykitapis qollasqaykitaj qhapajyayta, atiytawan. Ajinamanta mana uj kuraj kamachejpis qan jinaqa kanqachu kawsanaykikama.

2 Crónicas 25:9

Chantá Amasiasqa Diospa sut'inchajninta taporqa: Imanasajtaj 3.300 kilo qolqe metalta Israel soldadokunamanta qosqaytari? nispa. Diosmanta sut'inchajtaj kuticherqa: Tata Diospataqa jatun atiynin tiyan chay qolqemanta aswan ashkhataraj qosunanpaj, nispa.

2 Crónicas 9:12

Chantá Salomonqa Sabamanta qoyaman imatachus mañakusqanta qorqa, pay apamusqanmanta astawanraj. Chaymantataj qoyaqa kamachinkunawan khuska llajtanman kutiporqa.

Éxodo 34:6

Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Jeremías 32:27

Noqa Tata Diosmin tukuy kawsajpa Diosninku kani. Noqapajqa mana imapis mana atikojqa kanchu.

Daniel (hebreo) 3:17

Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 6:20

20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

San Mateo 3:9

Amataj niychejchu: Noqaykoqa qhespichisqa kasqayku Abrahampa miraynin kasqaykurayku, nispa. Noqa sut'ita niykichej: Diosqa kay rumikunamantapis Abrahampaj wawakunata rikhurichiyta atinman.

San Juan 10:10

Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

Romanos 4:21

Abraham allinta yacharqa Dios atiyniyoj kasqanta, jinataj tukuy nisqantapis junt'ananta.

1 Corintios 2:9

Diospa Qhelqachisqanpi nin: Imatachus ñawi mana rikorqachu, nitaj ninri uyarerqachu, nillataj runa sonqonpi yuyarqachu, chayta Dios wakicherqa payta munakojkunapaj, nispa.

2 Corintios 9:8

Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

Efesios 1:19

Jinallataj Dioswan parlarikuspa, mañapuykichej noqanchejpaj Diospa atiynin may jina jatunchus kasqanta rejsinaykichejpaj. Chay atiyta Diosqa may jinata rikucherqa,

Efesios 3:7

Chay sumaj willayta willanaypaj noqa churasqa kani, Dios noqawan k'acha kasqanrayku, chantá khuyarikuwasqanrayku. Ajinata ruwaspataj, Dios may jina atiyniyoj kasqanta rejsicherqa.

Colosenses 1:29

Chaypajmin Cristoj atiyninpi atinikuspa, tukuy sonqoywan sinch'ita ruwashani. Cristoj atiynintaj noqapi sinch'ita llank'ashan.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.

Hebreos 11:19

Abrahamrí churinta Diosman jaywarqa, imaraykuchus yacharqa Diosqa wañojkunata kawsarichinanpaj atiyniyoj kasqanta. Chayrayku uj niypi nisunman: Abrahamqa churin wañusqaña jina kashajtinpis, watej kawsashajta jap'ikapusqa, nispa.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Santiago 4:12

Diosllamin kamachisqata qojqa, payllataj k'ata juez. Paylla juchayojta qhespichiyta atin, chayrí chinkachiytapis. Qanrí, wajpa contranta rimanaykipaj, pitaj kankiri?

2 Pedro 1:11

Chantá Tukuyta Kamachej Jesucristo Qhespichejninchejpa wiñay kamachiyninman qankuna yaykushajtiykichej, Diosqa may jina kusiywan jap'isonqachej.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.