Efesios 3:1 - DIOSPA QHELQACHISQ

¹ Dios imatachus ruwasqanrayku kayta yachanaykichejta munani: Noqa Pablo carcelpi kashani, Jesucristoj kamachin kaspa, qankuna mana judío kajkunaman Jesusmanta sumaj willayta willasqayrayku.

Qheshwa Biblia DC

¹ Chayrayku noqa Pablo, qankuna gentilesrayku Cristo Jesuspa preson kani.

DIOSPA QHELQACHISQAN DEUTEROCANONICAL

¹ Dios imatachus ruwasqanrayku kayta yachanaykichejta munani: Noqa Pablo carcelpi kashani, Jesucristoj kamachin kaspa, qankuna mana judío kajkunaman Jesusmanta sumaj willayta willasqayrayku.

Quechua South Bolivia: Dios Parlapawanchej

¹ Ajinapimin noka, Pabloka, Cristo Jesusraycu wisk'aska cashani. Kancuna waj llajtayojcunaman willaranaypajmin paypa cachamuskan caskayraycu carcelpi taricuni.

Efesios 3:1 ပူးပေါင်းရင်းမြစ်များ

San Lucas 21:12

Chaywanpis manaraj chay tukuy ima kashajtin, runakuna qankunata ñak'arichisunaykichejpaj presochasonqachej. Chantá tantakunanku wasiman apasonqachej, carcelkunamantaj wisq'arasonqachej. Jinallatataj kuraj kamachejkunaj ñawpaqenman, llajtata kamachejkunaj ñawpaqenman ima pusasonqachej yachachisqaykuna kasqaykichejrayku.

Hechos 21:33

Chantá romano soldadokunata kamachejqa chimpaykuspa, Pablota jap'ichiytawan, kamacherqa iskay cadenawan wataykunankuta. Chantá runakunata taporqa pichus kasqanta, imatachus ruwasqanta ima.

Hechos 23:18

Chay capitanqa waynata pusaykuspa, soldadokunata kamachejta nerqa: Presochasqa Pabloqa wajyachiwaspa, mañawarqa kay waynata qanman pusamunayta. Paytaj imatachá willasonqa, nispa.

Hechos 26:29

Pablotaj kuticherqa: Manaraj imapipis, chayrí unaymantawanpis Dios munachun noqa jina Jesuspi atinikoj kanaykichejta, mana qanllachu, manachayrí tukuy uyariwajkuna ima. Chaywanpis mana munaymanchu noqa jina cadenawan watasqa kanaykichejta, nispa.

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

2 Corintios 1:6

Noqaykuchus ñak'ariyku chayqa, chaymin kashan qankuna sonqochasqa, qhespichisqataj kanaykichejpaj. Sonqochasqachus kayku chayrí, chayqa qankunapis sonqochasqallataj, qhespichisqataj kanaykichejpaj. Ajinapeqa qankuna yachaqakunkichej llakiykuna qhatirejtin sinch'ita sayayta, imaynatachus noqayku sayayku, ajinata.

2 Corintios 10:1

Wakin ninku qankunawan kashaspa noqa mancha manchalla kasqayta, qankunamanta karupi kashaspataj runaraw kasqayta. Chaywanpis Cristo llamp'u sonqo, jinataj k'acha sonqo kasqanrayku noqa ujta mañarikuykichej:

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

Gálatas 5:11

Wawqe panakuna, sichus noqa yachachiymanraj circuncidachikunapuni kasqanta chayqa, imaraykutaj judiokuna chejnispa qhatiykachallawankupuniri? Chaytachus yachachiyman chayqa, Cristo cruzpi wañusqanmanta parlasqayqa runata mana phiñachinmanchu.

Gálatas 5:2

Uyariwaychej: Noqa Pablo niykichej: Sichus qankuna circuncidachikunkichej chayqa, Cristoj wañusqan qankunapaj yanqhalla kanqa.

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.

Efesios 3:11

Chaykunata Dios wiñaymantapacha wakichisqa, chaytataj Tukuyta Kamachejninchej Cristo Jesusnejta junt'arqa.

Efesios 3:13

Chayrayku mañakuykichej qankunarayku ñak'arisqaymanta ama q'enaqakunaykichejta. Manachayqa ñak'arisqaymanta qankuna umata oqharinaykichej tiyan.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Efesios 4:1

Tukuyta Kamachej Jesuspa munasqanta ruwasqayrayku carcelpi wisq'asqa kaspa, noqa tukuy sonqo mañakuykichej, Diospa wajyasqan kajkuna imaynatachus purinanku kashan, ajinata qankunapis purinaykichejta.

Efesios 6:20

Diosmin Jesusmanta sumaj willayta willanaypaj kachawarqa. Chayrayku cadenawan watasqa kashani. Qankunarí Dioswan parlarikuspaqa, mañapuwaychej Jesuspa sumaj willayninmanta mana manchachikuspa maychus kasqanta parlanaypaj.

Filipenses 1:7

Qankunamanta ajinata yuyanayqa allinpuni, imaraykuchus qankunata anchatapuni munakuykichej. Chayta nini, imajtinchus carcelpi wisq'asqa kashajtiypis, chayrí juezkunaj ñawpaqenpi kutichikushaspa Jesusmanta sumaj willay cheqan kasqanta sut'inchashajtiypis, qankuna Diospa qowasqan ruwanapi yanapawarqankichejpuni.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

Colosenses 4:18

Noqa kikiypuni qhelqaspa napaykamuykichej. Wisq'asqa kashasqaymanta ama qonqaychejchu. Diospa qhasilla k'acha yanapaynin qankunawan kachun.

Colosenses 4:3

Dioswan parlarikuspaqa, noqaykuraykupis mañapuwayku Diosqa runakunaj sonqonkuta wakichinanpaj Jesusmanta willanaykupaj. Ajinamanta sut'inchasqayku, ñawpajta Cristomanta imachus pakasqa karqa, chay yachayta. Chaymanta willarasqayrayku noqapis carcelpi wisq'asqa kashani.

2 Timoteo 1:16

Chantá Tukuyta Kamachej Diosqa Onesíforoj wasi ayllunmanta khuyarikuchun, imaraykuchus payqa sapa kutilla carcelpi sonqochaspa kallpachawarqa, wisq'asqa kasqaymanta mana p'enqakuspa.

2 Timoteo 1:8

Chayrayku qan Tukuyta Kamachej Jesusninchejmanta ujkunaman willayta ama p'enqakuychu, nitaj noqamantapis, Jesusrayku carcelpi wisq'asqa kashajtiypis. Aswanpis Tata Dios kallpata qosusqanman jina wakichikuy, Jesusmanta sumaj willayrayku noqawan khuska ñak'arichisqa kanaykipaj.

Filemón 1:1

Munasqa yanapajniyku Filemón, noqa Pablo Timoteowan khuska, kay cartata qhelqaspa, qanman apachimuyki. Yachanki jina, noqa Jesucristomanta parlasqayrayku preso kashani.

Filemón 1:23

Napaykamusunki Jesucristomanta parlasqanrayku presochasqa masiy Epafras.

Filemón 1:9

Chaywanpis qanta munakususqayrayku ujta ruwapunawaykita mañarikuyki. Noqa machuña kaspa, chantá Jesucristomanta parlasqayrayku preso kaspa,

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.