Efesios 2:2 - DIOSPA QHELQACHISQ

² Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Qheshwa Biblia DC

² Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

DIOSPA QHELQACHISQAN DEUTEROCANONICAL

² Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Quechua South Bolivia: Dios Parlapawanchej

² Unayka chayjina ruwajcuna carkanquichej cay pacha runasjina. Wayrapi atiyniyoj mana ricuna sajra camachejtataj casuspa causarkanquichej. Cunanpis chay quiquin yuyay mana Diosta casucojcunata apaycachashan.

Efesios 2:2 ပူးပေါင်းရင်းမြစ်များ

Job 1:16

Manaraj chay runa willayta tukushajtin, uj runañataj chayaykamuspa, nillarqataj: Illapa urmamuspa, ovejakunata, michejkunata ima wañurachin, jinataj noqalla chaymanta qanman willasunaypaj ayqemuni, nispa.

Job 1:19

Chantá kaymanta jinalla ch'innejmanta sinch'i muyoj wayra rikhurimuspa, wasita wawaykikunaj patanman urmaykucherqa, tukuyninkutaj wañorqanku. Chaywanpis noqalla chaymanta ayqemuni qanman willasunaypaj, nispa.

Job 1:7

Chantá Tata Diosqa ch'ataykoj angelta taporqa: Maymantataj jamushankiri? nispa. Ch'ataykoj angeltaj kuticherqa: Tukuy kay pachata muyumusqaymanta jamushani, nispa.

Job 31:7

Sichus cheqan ñanmanta pantaykorqani, sitajchus ñawiypa rikusqanwan apachikorqani, sichus wajpa imanta jap'ikaporqani chayqa,

Salmos 17:14

Tata Dios, jatun atiyniykiwan paykunamanta kacharichiway. Kay pachamanta wijch'uy, pikunachus kay pachapi tukuy imayoj kanallapi yuyanku, chaykunata. Qanqa paykunata tukuy imawan junt'acherqanki. Wawankoqa sajsanankukama mikhuchunku, allchhinkupajpis puchuchunraj.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

Isaías 57:4

Pimantataj qankuna alqochakushankichejri? Pejpa contrantataj leqhopayaspa parlankichej, pimantaj qalluykichejtapis sik'inkichejri? Manachu qankunaqa contraypi oqharikojkunaj wawanku kankichej, llullakojkunaj mirayninkutaj?

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Oseas 10:9

Tata Dios nin: Israelqa mana sayk'uspa juchallikullanpuni. Gabaapi juchalliyta qallarisqankumantapacha juchallispallapuni kashan. Chayraykumari maqanakupis Gabaapi millay ruwajkunata taripanqa.

Levítico 11:16

surita, ch'useqata, tukuy imaymana wamankunata, imaymana wallpa suwata.

San Mateo 11:19

Runaj Churin jamojtintajrí, mikhusqanrayku, ujyasqanraykutaj ninkichej: Kay runaqa anchata mikhun, machasqallataj purin. Chantá juchasapakunawan, impuestota cobrajkunawan ima kawsakun, nispa. Jinapis Dios yachayniyoj kasqanta reparanchej, chay yachachisqanta qhatejkuna imaynatachus kawsasqankuta rikuspa, nispa.

San Mateo 13:22

Khishkarara jallp'api t'akasqa, chay mujupis Diospa simi nisqanta uyarejwan ninakullantaj. Chaywanpis kay kawsaymanta phutikuykuna, qhapajyayta munapayaywan ima payta q'otiyan, jinataj chaykunaqa Diospa simi nisqanta p'ampaykuspa, mana wiñajta saqenkuchu.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

Marcos 4:19

Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

San Lucas 22:31

Jesús nillarqataj: Ay, Simón, Supay Satanasqa munan qankunata trigota jina trillaspa wayrachiyta.

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 13:2

Jesuswan, yachachisqankunawan ima manaraj Pascua cenata mikhushajtinku, Kuraj Supayqa Simonpa churin Judas Iscarioteta yuyaychasqaña Jesusta jap'ichinanpaj.

San Juan 13:27

Maypachachus Judas t'antata mikhorqa, chaypacha Kuraj Supay paypa sonqonman yaykorqa. Jinapi Jesús Judasta nerqa: Imatachus ruwanayashanki, chaytaqa usqhayta ruwamuy, nispa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 15:19

Sichus qankuna paykuna jinallataj kawajchej chayqa, munakusunkichejman. Qankunarí manaña paykuna jinachu kankichej, imaraykuchus noqa qankunata ajllakorqaykichej manaña paykuna jina kanaykichejpaj. Chayraykumin paykuna chejnisunkichej.

San Juan 16:11

Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

San Juan 8:23

Jesusrí paykunata nerqa: Qankunaqa kaymanta kankichej, noqatajrí patamanta kani. Qankunaqa kay pachamanta kankichej, noqarí mana kay pachamantachu kani.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Hechos 19:35

Chantá chay llajtaj kuraj qhelqerin runakunata ch'inyachispa, nerqa: Éfeso llajtayojkuna, tukuy yachanku noqanchej Éfeso llajtayojkuna jatun Artemisaj templonta waqaychaj kasqanchejta, jinallataj janaj pachamanta urmamoj lantintapis.

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

1 Corintios 5:10

Ajinata nispa, mana niytachu munarqaykichej t'aqakunaykichejta Diosman mana kutirikojkuna khuchichakuspa purejkunamanta, chayrí mich'a kajkunamanta, suwa kajkunamanta, lantita yupaychajkunamanta ima. Sichus paykunamanta t'aqakunaykichej kanman chayqa, kay pachamanta llojsipunaykichejchá kanman.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Efesios 1:21

Tata Diosqa Cristota churarqa tukuy kurajkunaj, atiyniyojkunaj, kallpayojkunaj, chantá kamachejkunaj patankuman ima. Jinallataj Cristoj sutin tukuy rejsisqa sutimantapis aswan jatunchasqa kananpaj churallarqataj mana kunallanchu, manachayqa jamoj p'unchaykunapipis.

Efesios 2:11

Ama qonqaychejchu qankuna mana judiokuna ñawpajta imaynachus kasqaykichejta. Judiokunaqa alqochakuspa jina mana circuncidasqamanta rejsisorqachej. Paykuna circuncidasqa kasqankumanta mayta runaykachanku, ukhullanku, manataj sonqonkuchu circuncidasqa kashajtinpis.

Efesios 2:13

Kunanrí Cristoman ujchasqa kaspa, pikunachus ñawpajta karupi karqankichej, chaykuna qayllachisqaña kankichej, pay cruzpi wañusqanrayku.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Efesios 4:17

Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

2 Timoteo 4:10

Demasqa saqerpariwaspa, Tesalónica llajtaman ripun, kay pachapi kajta astawan munakusqanrayku. Crescentepis Galaciaman rin, Titotaj Dalmaciaman.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Santiago 1:7

Pichus ajina kajqa ama yuyachunchu Tukuyta Kamachej Diosmanta imatapis jap'inanta.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

1 Juan 5:4

Tukuy pichus Diospa wawan kajqa Diosman mana kutirikojkunaj yuyasqankuman jina kawsayta atipan. Diosman mana kutirikojkunaj yuyasqankuman jina kawsanataqa Jesuspi atinikuspamin atipanchej.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 16:17

Chaymanta qanchis kaj angelñataj vasonmanta wayraman jich'arqa. Chantá janaj pachapi templopi kamachina tiyanamanta, jatunmanta parlasqan uyarikorqa: Ñapis ñak'ariykuna tukukushanña, nispa.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.