Efesios 2:18 - DIOSPA QHELQACHISQ

¹⁸ Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Qheshwa Biblia DC

¹⁸ Paynejta judiospis, mana judiospis uj Espiritunejta Dios Tataman yaykusunchej.

DIOSPA QHELQACHISQAN DEUTEROCANONICAL

¹⁸ Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Quechua South Bolivia: Dios Parlapawanchej

¹⁸ Cristonejtamin kancunawan nokaycuwanka uj Santo Espiritunejllata Tata Diosman kayllaycucuyta atinchej.

Efesios 2:18 ပူးပေါင်းရင်းမြစ်များ

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Romanos 5:2

Chantá Jesucristopi atinikusqanchejrayku, Dioswan allinpi kawsayman yaykunchej, mana chaypaj jina kashajtinchej. Chaypi sinch'ita sayaspataj, kusikunchej, Diospa jatun kayninpa k'anchayninpi paywan khuska kayta suyakuspa.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Efesios 3:12

Ajinaqa Cristoman ujchasqa kasqanchejrayku, chantá paypi atinikusqanchejrayku noqanchej Diosman qayllaykuyta atinchej mana iskayrayaspa, nitaj manchachikuspa.

Efesios 3:14

Chayrayku qonqorikuspa, Tata Dioswan parlarikuni.

Efesios 4:4

Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

Colosenses 1:12

Ajinamanta jatun kusiywan Tata Diosta pachis ninkichej. Paymin qankunata ruwasorqachej qhapaj kamachiyninpi ajllakusqankunapaj wakichisqan chayaqeta jap'inaykichejpaj jina.

Hebreos 7:19

Moisespa kamachisqanqa mana pitapis cheqan runaman tukuchiyta aterqachu. Kunanrí Dios aswan sumaj kajta qonawanchejta suyakuspa noqanchej paypi atinikunchej. Chaynejtataj Diosman qayllaykunchej.

Santiago 3:9

Siminchejwan Tukuyta Kamachej Diosninchejta yupaychanchej, chayllawantaj runa masinchejta maldicinchej, pikunachus Diospa rijch'ayninman jina ruwasqa kanku, chaykunata.

1 Pedro 1:17

Sichus Diosta Tataykichejpaj rejsikapunkichej chayqa, waj llajtayoj jina kaypi kawsanaykichejkama payta may jina jatun respetowan qhawaspa kawsaychej. Payqa sapa runata ruwasqanman jina juzgan, ni piman kutikuspa.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.