Efesios 2:17 - DIOSPA QHELQACHISQ

¹⁷ Cristo jamuspa, allinyachisqa kanamanta sumaj willayta willarqa, qankuna mana judiokuna Diosmanta karupi kashajkunaman, jinataj pikunachus qayllallapi kasharqayku, chay judiokunamanpis.

Qheshwa Biblia DC

¹⁷ Pay jamorqa willaj mosoj willanasta allin kausakuymanta qankuna karupi kashajkunaman, pikunachus qayllapi kashajkunamampis.

DIOSPA QHELQACHISQAN DEUTEROCANONICAL

¹⁷ Cristo jamuspa, allinyachisqa kanamanta sumaj willayta willarqa, qankuna mana judiokuna Diosmanta karupi kashajkunaman, jinataj pikunachus qayllallapi kasharqayku, chay judiokunamanpis.

Quechua South Bolivia: Dios Parlapawanchej

¹⁷ Allinyachej willanaswantaj jamorka kancuna carupi cajcunamanpis nokaycu kayllapi cajcunamanpis.

Efesios 2:17 ပူးပေါင်းရင်းမြစ်များ

Salmos 148:14

Payta qhatejkuna Diosta yupaychachunku. Israel ayllun Tata Diosta yupaychachun, imaraykuchus Diosqa ayllunman atiyniyoj kayta qorqa. Tata Dios jatunchasqa kachun.

Salmos 75:1

1 (2) Pachis niyku, Diosniyku. Pachis nisuyku, imaraykuchus qan qayllapi kashanki. Tukuy runakuna t'ukunata ruwasqaykimanta parlanku.

Salmos 85:10

10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

Isaías 27:5

Sichus pipis chaymanta waqaychasqa kayta munanman chayqa, noqawan allinyakuchun. Arí, noqawan allinpi kawsakuchun, nispa.

Isaías 52:7

Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.

San Mateo 10:13

Chay wasipi tiyakojkuna napaykusqaykichejta jap'ikunapaj jinachus kankuman chayqa, Dios paykunata saminchanqa. Mana chaypaj jina kajtinkurí, Dios paykunata mana saminchanqachu.

San Lucas 15:8

Jesús nillarqataj: Manachu pi warmipis chunka qolqenmanta ujnin kajta chinkachispa, chay ratopacha lamparata jap'ichin, wasinta pichaspataj, qolqenta tarinankama mask'an?

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Romanos 10:14

Chaywanpis mana paypi atinikuspalla, imaynatataj mañakonqanku paykunata qhespichinantari? Imaynatataj Jesuspi atinikonqanku, paymanta mana uyarispari? Imaynatataj paymanta yachanqanku, paykunaman mana pipis willajtinri?

Romanos 5:1

Noqanchej Diospi atinikusqanchejrayku cheqan runapaj qhawasqa kaspa, Tukuyta Kamachej Jesucristonejta Dioswan allinyachisqa kanchej.

2 Corintios 5:20

Ajina chayqa, Cristoj sutinpi parlanaykupaj kachasqa kayku. Dios kikinpis noqaykunejta parlashanman jina, Cristoj sutinpi mañarikuyku: Dioswan allinyakuychej, nispa.

Efesios 4:21

Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

Deuteronomio 4:7

Mayqen jatun suyuwantaj diosninku chay jina qayllapi kashanman, imaynatachus Tata Diosninchej yanapanawanchejta mañakojtinchej qayllanchejpi kashan, jinatari?