Efesios 2:13 - DIOSPA QHELQACHISQ

¹³ Kunanrí Cristoman ujchasqa kaspa, pikunachus ñawpajta karupi karqankichej, chaykuna qayllachisqaña kankichej, pay cruzpi wañusqanrayku.

Qheshwa Biblia DC

^13-14 Kunanqa Cristo Jesuspi kashankichej, pikunachus ñaupajta karunchasqas karqankichej. Paypa yawarninraykutaj qayllachisqasña kankichej, imaraykuchus Cristomin sonqo tiyakuyniykichej. Chantá, gentilesmanta, judiosmantawan uj ayllullata ruwarqa, chay t'aqanachej chaupi perqata urmachispa.

DIOSPA QHELQACHISQAN DEUTEROCANONICAL

¹³ Kunanrí Cristoman ujchasqa kaspa, pikunachus ñawpajta karupi karqankichej, chaykuna qayllachisqaña kankichej, pay cruzpi wañusqanrayku.

Quechua South Bolivia: Dios Parlapawanchej

¹³ Cunanrí kancuna ñaupajpi carupi cajcunata Dioska kayllachicusorkachej Cristo Jesuswan ujchaspa wañuyninnejta.

Efesios 2:13 ပူးပေါင်းရင်းမြစ်များ

Salmos 22:7

7 (8) Rikuwajkunaqa noqamanta alqochakuwanku, siminkuta llint'aykachaspataj, umankuta khiwinku.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 43:6

Wichaynejpi kaj suyuta nisaj: Paykunata kutichimuy, nispa. Uranejpi kaj suyutapis nillasajtaj: Ama paykunata jap'ikuyñachu. Kay pachaj aswan karu k'uchunmantapacha churiykunata, ususiykunatawan apampuway.

Isaías 49:12

Aylluymanta kajkunaqa karumanta kutimonqanku. Wakenqa wichaynejmanta, wakintaj inti yaykuynejmanta jamonqanku, wakintaj Egipto suyupi Sinim llajtamanta.

Isaías 57:19

Noqataj paykunata nisaj: Karupi kajkunapaj jinallataj qayllapi kajkunapaj allin kawsay kachun. Ajinata noqamin aylluyta qhaliyachisaj, nispa.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

Isaías 66:19

Noqa paykunaj chawpinkuman uj señalta churasaj. Chantá paykunamanta wakin ayqekojkunata kay suyukunaman kachasaj: Tarsisman, Libiaman, arcowan flechayta yachaj Lidiaman, jinallataj, Tubalman, Greciaman, mama qochapi karu kaj churukunapi tiyakojkunaman ima. Paykunaqa manchay uyarisqa kasqaymanta mana yachankuchu, manataj jayk'ajpis jatun kayniypa lliphipiyninta rikunkuchu. Chaymantataj chay ayqekojkuna jatun kayniypa lliphipiyninmanta tukuy chay suyukunaman willanqanku.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

San Juan 10:16

Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

Hechos 15:14

Ñapis Simón Pedro willawanchejña imaynatachus kay ñawpaj kutipi Diosqa mana judío kajkunata watukusqanta, paykuna ukhumantataj wakinkunata ajllakusqanta paypata kanankupaj.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Hechos 22:21

Jesustajrí kutichiwarqa: Puririllayña, imaraykuchus noqa karuman kachasqayki, mana judío kajkunaman noqamanta willaranaykipaj, nispa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

2 Corintios 5:17

Cristoman ujchasqa kajqa mosoj runaman tukuchisqañamin. Ñawpa kawsaynin tukukapun, mosoj kawsaytaj qallarin.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Efesios 1:1

Noqa Pabloqa Diospa munayninrayku Jesucristoj kuraj kachan kani. Kay cartata Éfeso llajtapi Diospaj t'aqasqa kajkunaman apachimuni, pikunachus mana sayk'uspa Cristo Jesusta qhatinku, chaykunaman.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Efesios 2:12

Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Efesios 2:6

Diosqa Cristo Jesuswan khuskata kawsarichiwarqanchej, chantá janaj pachapi paywan khuskata tiyaykuchiwarqanchej, imajtinchus Cristo Jesusman ujchasqa kanchej.

Hebreos 9:18

Chayrayku, ñawpaj kaj tratota Dios ruwananpaj runakuna uywata ñak'aspa, yawarninta jaywarqanku.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.