Efesios 2:12 - DIOSPA QHELQACHISQ

¹² Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Qheshwa Biblia DC

¹² Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.

DIOSPA QHELQACHISQAN DEUTEROCANONICAL

¹² Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Quechua South Bolivia: Dios Parlapawanchej

¹² Waj llajtayojcuna caspa ñaupajpi Cristomanta carupi carkanquichej. Israelcunapajpis mana llajta-masispajchu khawaskas carkanquichej. Diospa sumaj niskasnin mana kancunapaj carkachu. Nitaj chay niskasninpi suyayta aterkanquichejchu. Cay pachapitaj mana Diosniyoj causarkanquichej.

Efesios 2:12 ပူးပေါင်းရင်းမြစ်များ

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.

Esdras 4:3

Chaywanpis Zorobabel, Josué, Israel ayllukunaj kurajninku ima kuticherqanku: Mana qankunawanqa Tata Diosniykoj Templonta ruwaykumanchu. Noqallayku ruwanayku tiyan Israelpa Tata Diosninpa Templontaqa, Persiamanta kuraj kamachej Ciro kamachiwasqaykuman jina, nispa.

Éxodo 12:45

Waj llajtayoj, chantá qanpaj llank'apusoj runarí Pascua mikhunata mana mikhonqachu.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Isaías 61:5

Tata Diosqa Israelta nillantaj: Waj llajtayojkuna ovejaykichejkunata michipusonqachej, llank'anaykichejta llank'apusonqachej, jinallataj uva huertaykichejtapis qhawapusonqachej.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Ezequiel 13:9

Noqaqa mosqoypi jina manakaj imakunata rikojkunata, chantá llullata sut'inchajkunata jasut'isaj. Paykuna Israel aylluypa tantakuyninman mana yaykuyta atenqankuchu, sutinkutaj Israel aylloj p'anqanpi mana qhelqasqachu kanqa. Manallataj Israel suyuman kutimponqankuchu. Chaypachataj qankunapis noqa Tukuyta Kamachej Tata Dios kasqayta yachankichej, nispa.

Ezequiel 37:26

Noqataj paykunawan allinpi kawsakunapaj mana jayk'aj tukukoj tratota ruwasaj. Paykunata ashkhaman mirachisaj, sumajtataj sayachisaj. Temploypis paykunaj chawpinkupi wiñaypaj kallanqapuni.

Ezequiel 47:22

Chay jallp'ata chayaqeta jina jap'inaykichejpajqa suerteta choqankichej, jinallataj qankunawan khuska tiyakunku, chay waj llajtayojkunapaj, wawankunapajwan ima. Paykunata israelitakunapis kankuman jinata qhawankichej. Qankunawan khuska suerteta choqaspa chayaqenkupaj jallp'ata jap'enqanku.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Números 18:19

Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

San Juan 10:16

Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

San Juan 15:5

Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Hechos 28:20

Chayrayku noqa wajyacherqaykichej qankunata rikuyta munaspa, kay imakunamanta parlanaypaj: Noqaqa Israel ayllunchejpa suyakuyninrayku kay cadenawan watasqa kashani, nispa.

Hechos 3:25

Qankunataj Diosmanta sut'inchajkunaj wawan kankichej, chantá ñawpa tataykichejkunawan Diospa trato ruwasqanta jap'erqankichej. Chaypacha Diosqa Abrahamman nerqa: Qanpa mirayniykinejta kay pachapi tukuy runakuna saminchasqa kanqanku, nispa.

Romanos 9:8

Chay niyta munan Abrahampa mirayninmanta kajkuna mana tukuypunichu Diospa wawankuna kasqankuta. Manachayqa Abrahampa wawankuna kanku, pikunachus Diospa nisqanman jina paqarejkunalla.

Gálatas 4:8

Ñawpajta qankuna manaraj Diosta rejserqankichejchu. Chaypachataj mana dioschu kanku, chaykunaj wata runan karqankichej.

Efesios 2:19

Ajinaqa mana judiokuna manaña waj llajtayojchu kankichej, nitaj Diospaj mana rejsisqachu. Manachayqa Diospa ajllakusqankunawan uj llajtayojllaña kaspa, Diospa ayllunmanta kankichej.

Efesios 4:18

Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Colosenses 1:5

Qallariypi Jesuspa cheqa kaj sumaj willayninta uyarispa, yacharqankichej Diosqa qankunapaj may sumaj imakunata janaj pachapi waqaychashasqanta.

1 Tesalonicenses 4:13

Munasqa wawqe panakuna, yachanaykichejta munayku, Diosta qhatejkunamanta pikunachus wañupojkunawan imachus kananmanta. Chayta yachaspa, mana llakikunkichejchu, pikunachus mana ni ima allin kajtapis suyashankuchu, chaykuna jina.

1 Tesalonicenses 4:5

Amataj Diosta mana qhatejkuna jina millay ch'ichi kajta ruwayta munapayaspa kawsaychejchu.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 1:1

Noqa Pablo Jesuspa kuraj kachan kani, qhespichiwajninchej Diospa kamachisqanrayku chantá Cristo Jesuspa kamachisqanraykutaj. Paynejtamin Dios yanapanawanchejta suyakunchej.

Hebreos 11:34

Jinallataj paykunaqa manchay lawrashaj ninata thasnorqanku, espadawan wañuchisqa kanamanta llusp'erqanku. Pisi kallpayoj kaspapis, kallpasapaman tukorqanku. Jinallataj maqanakupi sinch'i atiyniyojman tukuspa, waj suyukunaj soldadonkunata ayqecherqanku.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

Hebreos 8:6

Kunanrí Kuraj Kaj Sacerdotenchej Jesusman Dios qorqa, ñawpa sacerdotekunaj imachus ruwanankumanta aswan sumaj ruwanata. Jinallataj paynejta aswan sumaj tratopi kanchej, imaraykuchus Dios paynejta aswan sumaj imakunata qonawanchejta niwanchej.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.