Efesios 1:9 - DIOSPA QHELQACHISQ

⁹ Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

Qheshwa Biblia DC

⁹ Munayninman jina pakasqa imasta rejsichiwarqanchej, pay kikin ruwayta munarqa chayta.

DIOSPA QHELQACHISQAN DEUTEROCANONICAL

⁹ Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

Quechua South Bolivia: Dios Parlapawanchej

⁹ Ajinapi sut'inchawarkanchej paypa pacaska munayninta. Chay sumaj munayninmanjina yuyaskanta Cristopi junt'arka.

Efesios 1:9 ပူးပေါင်းရင်းမြစ်များ

Salmos 33:11

Tata Dios imatachus ruwananta yuyaychakusqanqa wiñaypaj sayan, sonqonpa yuyasqanpis wiñay wiñaypaj kanqapuni.

Jeremías 2:29

Imaraykutaj noqawan churanakuwankichejri? Qankuna tukuyniykichejmá contrayta oqharikorqankichej. Noqa Tata Dios ajinata nin.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

Hechos 13:48

Chayta uyarispa, mana judío kajkuna mayta kusikorqanku, jinataj nerqanku Diospa simi nisqan may sumaj kasqanta. Chantá pikunachus wiñay kawsaypaj ajllasqa kajkunaqa Tukuyta Kamachej Jesuspi atinikorqanku.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 4:28

Chaywanpis imatachus paykuna ruwarqanku, chaytaqa qallariymantapachaña qan atiyniykiwan wakicherqanki, munayniykiman jina ruwasqa kananpaj.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.

Gálatas 1:12

Noqaqa mana pi runamantachu chay sumaj willayta jap'erqani, nitaj pipis yachachiwarqachu, manachayqa kikin Jesucristomin noqaman chay sumaj willaymanta sut'inchawarqa.

Gálatas 1:15

Chaywanpis manaraj paqarishajtiy, Dios ajllakuwarqa, jinallataj qhasilla k'acha yanapayninrayku wajyakuwarqa.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

Efesios 1:8

Diosqa chay may jatun khuyakuyninmanta ashkhata qowarqanchej, tukuy yachayta, entiendeytawan ima.

Efesios 3:11

Chaykunata Dios wiñaymantapacha wakichisqa, chaytataj Tukuyta Kamachejninchej Cristo Jesusnejta junt'arqa.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.