Efesios 1:7 - DIOSPA QHELQACHISQ

⁷ Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Qheshwa Biblia DC

⁷ Paypa yawarninrayku kacharichisqas kanchej. Juchasninchejta pampachan khuyakuyninrayku.

DIOSPA QHELQACHISQAN DEUTEROCANONICAL

⁷ Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Quechua South Bolivia: Dios Parlapawanchej

⁷ Cristowan ujchacuspa juchasninchejmanta cacharichiskas canchej. Cacharichinawanchejpaj payka yawarninta jich'aspa wañorka. Ajinapi Dioska khapaj c'acha yanapayninmanjina juchasninchejta khechorka.

Efesios 1:7 ပူးပေါင်းရင်းမြစ်များ

Job 33:24

Chay runamanta khuyakuspa, Diosta ninman: Wañunamanta jark'ay ari, imaraykuchus kacharichinapaj paganapaj tariniña, nispa.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Salmos 130:7

Israel, Tata Diosllapi atinikuy, imaraykuchus payqa khuyakojmin, cheqatapunitaj kacharichiwanchej.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Daniel (hebreo) 9:19

Tukuyta Kamachej Diosniyku, uyariwayku. Tukuyta Kamachej Diosniyku, juchaykuta pampachay ari. Uyarillawayku, Tukuyta Kamachej Diosniyku, jamuspataj yanapariwayku. Qanpa sutiykirayku, Diosníy, usqhayllata jamuy ari, llajtaykipi, aylluykipi ima sutiyki yupaychasqa kasqanrayku, nispa.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Zacarías 9:11

Tata Dios kayta nin: Jerusalén, yawarwan tratota ruwasqanchejrayku, pikunachus presochasqa kaspa mana yakuyoj ukhu t'oqoman wijch'uykusqa karqanku, chaykunata chaymanta orqhosaj.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Mateo 26:28

Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

Marcos 14:24

Jesustaj paykunata nerqa: Kaymin yawarneyqa, chaywantaj Dios qankunawan mosoj tratota ruwan. Kay yawartaj ashkha runarayku jich'asqa kanqa.

San Lucas 1:77

Qanqa ayllunman willanki Dios paykunata qhespichinanta, juchankutapis pampachananta ima.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Juan 20:23

Pikunaj juchankutachus pampachankichej, chaykunaj juchanku pampachasqa kanqa. Pikunajtatajchus mana pampachankichejchu, chaykunaj juchanku manallataj pampachasqachu kanqa, nispa.

Hechos 10:43

Tukuy ñawpa sut'inchajkunapis Jesusmanta willarqanku, Paypi tukuy atinikojkunaj juchanku sutinnejta pampachasqa kananta, nispa.

Hechos 2:38

Pedrotaj kuticherqa: Sapa ujniykichej Diosman kutirikuychej, jinaspataj, Jesucristoj sutinpi bautizachikuychej, Jesusqa Diospa kachamusqan kasqanta rejsikapuspa. Ajinamanta Dios juchaykichejta pampachanqa, jinataj Santo Espirituta qosonqachej.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Romanos 3:24

Chaywanpis Diosqa qhasilla k'acha yanapayninrayku, Cristo Jesusnejta cheqan runapaj qhawawanchej. Cristomin wañuspa, juchanchejmanta jasut'isqa kanamanta kacharichiwarqanchej.

Romanos 3:25

Diosqa Jesucristota kay pachaman kachamorqa noqanchejrayku wañunanpaj. Ajinaqa sichus Jesucristo noqanchejrayku wañusqanpi atinikunchej chayqa, Dios juchanchejta pampachan. Ajinata ruwaspa, Diosqa cheqan kasqanta rejsichikun, jinataj pacienciayoj kasqanta, maypachachus ñawpajta juchallejkunata mana jasut'erqachu, chaypacha.

Romanos 9:23

Ajinata ruwarqa jatun kayninpa qhapaj kayninta noqanchejnejta rikuchinanpaj. Pay khuyarikuwarqanchej, jinataj ñawpajmantapachaña churawarqanchej janaj pacha k'anchayninpi paywan kananchejpaj.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Efesios 1:14

Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Efesios 1:18

Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Efesios 1:8

Diosqa chay may jatun khuyakuyninmanta ashkhata qowarqanchej, tukuy yachayta, entiendeytawan ima.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Efesios 2:7

Chayta ruwarqa, jamoj p'unchaykunapi may qhapaj k'acha yanapayninta, munakuyninta ima rikuchinanpaj, Cristo Jesusman ujchasqa kasqanchejrayku.

Efesios 3:16

Dioswan parlarikuspataj, mañakuni Santo Espiritunejta jatun kayninpa qhapaj kayninman jina, chantá atiyninwan ima sonqoykichejta kallpachasunaykichejta.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Filipenses 4:19

Chayrayku Diosneyqa t'ukuna qhapaj kayninman jina imamantachus pisichikushasqaykichejta Cristo Jesusnejta qosonqachej.

Colosenses 1:14

Jinataj Diospa Churin cruzpi wañusqanwan pagaspa, kacharichiwarqanchej, juchanchejtataj pampacharqa.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Colosenses 2:13

Ñawpajta qankunaqa juchallisqaykichejrayku wañusqa kasharqankichej, imaraykuchus juchallinaman aysaj sonqoykichej manaraj orqhosqachu karqa. Kunantajrí Diosqa Cristowan khuskata kawsarichisunkichej, tukuy juchanchejtapis pampacharqa.

Colosenses 2:2

Munallanitaj sonqonku kawsarichisqa kananta, munakuypi sumaj ujchasqa kanankupaj. Ajinamanta yachanqanku Diospa pakasqa wakichisqan imachus kasqanta sumajta rejsisqankuta: Chayqa Cristomin.

1 Timoteo 2:6

Pay kikinmin wañunanpaj jaywaykukorqa, ajinamanta tukuy runata qhespichinanpaj. Chaymantataj Dios maychus tiemponpi tukuy runaman willacherqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Tito 3:6

Jinallataj Diosqa Qhespichiwajninchej Jesucristonejta mana mich'akuspa Santo Espiritutapis qollawanchejtaj.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 2:12

Munasqa wawaykuna, kayta qankunaman qhelqamuykichej, imaraykuchus juchaykichejqa Jesucristonejta pampachasqaña.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.