Efesios 1:18 - DIOSPA QHELQACHISQ

¹⁸ Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Qheshwa Biblia DC

¹⁸ Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

DIOSPA QHELQACHISQAN DEUTEROCANONICAL

¹⁸ Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Quechua South Bolivia: Dios Parlapawanchej

¹⁸ Ajinapitaj sonkoyquichejpi reparaspa yachanquichej may sumaj may khapaj causaypaj Dios wajyasuskayquichejta. Chay janaj pachapi causayta suyasunchej Diospa t'akaska runasninwan cusca, niskanmanjina.

Efesios 1:18 ပူးပေါင်းရင်းမြစ်များ

Job 42:5

Kunankama uyarispallaraj qanta rejserqayki, kunantajrí ñawiywan rikuyki.

Salmos 119:18

Kamachisqayki imayna k'achachus kasqanta rikuyta atinaypaj ñawiyta kichariway ari.

Isaías 11:2

Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Isaías 29:10

Noqa Tata Dios qankunaman uj sinch'i puñuyta apachimuykichej. Noqamanta sut'inchajniykichejtapis puñurparichini, ñawinkuta velowan jina qhataykuspa.

Isaías 29:18

Chaypacha pipis p'anqata sinch'ita ñawirejtin, joq'arakuna uyarenqanku. Ñawsakunapis laqha ukhupi kaspa, sut'ita rikonqanku.

Isaías 32:3

Chayrayku rikojkunaqa sut'ita rikonqanku, jinallataj uyarejkunaj ninrinkupis sumajta uyarenqa.

Isaías 42:7

Noqa wajyarqayki ñawsakunaj ñawinta qhawarichinaykipaj, carcelpi kajkunata orqhonaykipaj, laqha carcelpi presochasqa tiyakojkunata kacharichinaykipaj ima.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

San Mateo 13:15

Kay runakunaj sonqonqa rumiyasqa, ninrinkupis lojt'uyachisqa. Ñawinkutapis wisq'allankutaj ama rikunankupaj. Paykunachus ñawinkuwan qhawankuman, ninrinkuwan uyarinkuman, tukuy sonqotaj kutirikamuwankuman chayqa, chaypacha noqaqa paykunata qhaliyachiyman, nispa.

Marcos 10:17

Jesús Jerusalenman puririshajtinña, uj runa usqhayllata payman chimparqa. Jesuspa ñawpaqenman qonqoriykukuspataj, payta taporqa: K'acha Yachachej Wiraqochíy, imata ruwaspataj wiñay kawsayta tariymanri? nispa.

San Lucas 24:45

Chantá Jesús Diospa Qhelqachisqanta sut'incharqa yachachisqankuna allinta entiendenankupaj.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Romanos 11:29

Imakunatachus Dios qon, chaytaqa mana qhechukapullantajchu. Wajyan chaypis, mana iskaychakunchu.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Gálatas 5:5

Noqanchejrí Santo Espirituman jina kawsajkuna imata jina suyashanchej cheqan runapaj qhawasqa kayta Cristopi atinikusqanchejrayku.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Efesios 2:12

Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Efesios 3:16

Dioswan parlarikuspataj, mañakuni Santo Espiritunejta jatun kayninpa qhapaj kayninman jina, chantá atiyninwan ima sonqoykichejta kallpachasunaykichejta.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Efesios 4:1

Tukuyta Kamachej Jesuspa munasqanta ruwasqayrayku carcelpi wisq'asqa kaspa, noqa tukuy sonqo mañakuykichej, Diospa wajyasqan kajkuna imaynatachus purinanku kashan, ajinata qankunapis purinaykichejta.

Efesios 4:4

Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

Filipenses 3:14

Ñawpajman rishallanipuni, maymanchus chayanay kashan, chayman chayanaykama, janaj pachapi kaj t'inkata jap'inaypaj. Chay t'inkata jap'inanchejpaj Diosqa Cristo Jesusnejta wajyawarqanchej.

Colosenses 1:12

Ajinamanta jatun kusiywan Tata Diosta pachis ninkichej. Paymin qankunata ruwasorqachej qhapaj kamachiyninpi ajllakusqankunapaj wakichisqan chayaqeta jap'inaykichejpaj jina.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Colosenses 1:5

Qallariypi Jesuspa cheqa kaj sumaj willayninta uyarispa, yacharqankichej Diosqa qankunapaj may sumaj imakunata janaj pachapi waqaychashasqanta.

Colosenses 2:2

Munallanitaj sonqonku kawsarichisqa kananta, munakuypi sumaj ujchasqa kanankupaj. Ajinamanta yachanqanku Diospa pakasqa wakichisqan imachus kasqanta sumajta rejsisqankuta: Chayqa Cristomin.

Colosenses 3:15

Chantá Cristomanta jamoj sonqo tiyaykuy sonqoykichejpi kamachispa nichun imatachus ruwanaykichejta, imaraykuchus uj ukhullaman churasqa kankichej. Chayrayku tukuywan allinpi kawsakunaykichejpaj wajyasqa kankichej. Jinallataj Diosta pachis nillaychejpuni.

1 Tesalonicenses 2:12

Jinallataj mayta qankunata nerqayku Diospa wawankuna jina purinaykichejta, imaraykuchus paymin wajyasorqachej aswan qhepaman kamachiyninpi, chantá jatun kayninpa lliphipiyninpi ima kanaykichejpaj.

1 Tesalonicenses 5:8

Noqanchej sut'i p'unchaypi kawsashajkunarí, ch'aki sonqo runa jina yuyayninchejpi kana. Diospi atinikuywan, munakuywan ima fierro pecherawan jina p'achallikuna kachun. Chantá qhespichisqa kasqanchejta monterata jina churakuna.

2 Tesalonicenses 1:11

Chayrayku Dioswan parlarikuspa, qankunarayku mañapushaykupuni, Diosninchejpa wajyasqan jina kawsanaykichejpaj yanapasunaykichejta. Mañapullaykutaj Diosqa atiyninwan allin kajta ruwayta munasqaykichejta junt'ananta, chantá paypi atikusqaykichejrayku imatachus ruwayta qallarisqaykichejta tukuychananta.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 6:12

Jesucristopi atinikuyrayku soldado jina sumajta maqanakuy. Jinataj wiñay kawsaymanta ch'ipakuy, imaraykuchus chaypajmin Dios wajyasorqa ashkha runaj ñawpaqenpi, Cristopi atinikusqaykimanta rimarishajtiyki.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Tito 3:7

Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

Hebreos 10:32

Chayrayku yuyarikuychej, maypachachus qankuna Cristomanta sumaj willayta jap'ikorqankichej, chay ñawpa p'unchaymanta. Yuyarikuychej may jina ñak'ariypi kashaspapis, imaynatachus kallpakorqankichej sinch'ita sayanaykichejpaj, chaymanta.

Hebreos 6:4

Wakinkuna Cristoman kutirikuspa, Diospa qosqanwan misk'irichikorqanku, Santo Espiritutapis jap'erqanku.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

1 Pedro 3:9

Ama sajramanta sajrallatataj kutichiychejchu. Runa turiyajtinkupis ama kikillantataj ruwaychejchu. Manachayqa allin kajta munapuspa kutichiychej, imaraykuchus Diosqa chaypaj wajyasorqachej, paytaj ajinata ruwasqaykichejmanta saminchasonqachej.

1 Pedro 5:10

Chantá qhasilla k'acha yanapayninta qoj Diosqa pisi p'unchaykunata ñak'arisqaykichejmanta qhepaman wiñay tukusqata ruwasonqachej. Jinallataj thuruyachisonqachej, kallpachasonqachej, chantá sayachisonqachej ima, imaraykuchus paymin Jesucristonejta wajyasorqachej jatun kayninpa lliphipiyninpi kawsanaykichejpaj.