Efesios 1:17 - DIOSPA QHELQACHISQ

¹⁷ Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Qheshwa Biblia DC

¹⁷ Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

DIOSPA QHELQACHISQAN DEUTEROCANONICAL

¹⁷ Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Quechua South Bolivia: Dios Parlapawanchej

¹⁷ Dioska Señorninchej Jesucristoj Diosnin atiyniyoj Tatanmin. Mañapuyquichej Espiritunnejta yachayninta kosunayquichejta pacaska cajta sut'inchasunayquichejtapis. Ajinapi payta sumajta rejsinquichej.

Efesios 1:17 ပူးပေါင်းရင်းမြစ်များ

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Job 42:5

Kunankama uyarispallaraj qanta rejserqayki, kunantajrí ñawiywan rikuyki.

Salmos 24:10

Pitaj chay jina atiyniyoj Kuraj Kamachejri? Payqa Tukuy Atiyniyoj Tata Diosmin. Paymin jatun kayninpa lliphipirishaj Kuraj Kamachejqa.

Salmos 24:7

Ñawpa punkukuna, kicharikuychej. Chantá sumaj kicharisqa kaychej, jatun atiyninwan lliphipirishaj Kuraj Kamachej yaykunanpaj.

Salmos 29:3

Tata Diospa parlasqanqa mama qocha patapi uyarikun. Jatun Atiyniyoj Diospa parlasqanqa illapaj t'ojyasqanta jina uyarikun. Tata Dios mama qocha patapi kashan.

Éxodo 28:3

Chaypajqa yachayniyojkunawan parlay, pikunamanchus yachayta, yuyayta qoni, chaykunawan. Paykuna Aaronpaj p'achata ruwaponqanku, noqapaj t'aqasqa sacerdotey kananpaj.

Proverbios 18:15

Allin yuyayniyoj runaqa yachayta astawan jap'in. Yachayniyojpa ninrenqa yachayta mask'an.

Proverbios 2:5

Ajinatachus ruwanki chayqa, imachus Tata Diosta kasuna kasqanta yachanki, jinallataj imaynatachus Diosta rejsina kasqanta tarinki.

Isaías 11:2

Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Jeremías 2:11

Ima suyutaj diosninkuta wijch'uspa, waj diostañataj churakukunri? Chaykunaqa mana dioschu kankupis. Chaywanpis aylloyqa noqa cheqan Dios jatun kayniypa lliphipiyniyoj kashajtiy, saqerpariwanku, qhasi manakaj lantikunata yupaychanankupaj.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Daniel (hebreo) 10:1

Persiamanta kaj Ciro kinsa watataña kamachishajtin, noqa Beltsasar nisqa Daniel mosqoypi jina ujta rikorqani. Chay junt'akunanpuni karqa chaypis, imatachus niyta munasqan mana sut'inchanapaj jinallachu karqa. Chay tukuywanpis, noqa mosqoypi jina rikusqaypi sumajta unancharqani, jinataj yachayta aterqani imatachus niyta munasqanta.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

San Mateo 20:33

Paykunataj kuticherqanku: Wiraqochi, qhawarichinawaykuta munayku, nispa.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Lucas 12:12

Chaypacha Santo Espiritumin imatachus parlanaykichejta yachachisonqachej, nispa.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

San Juan 14:17

Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

Hechos 6:10

Chaywanpis paykuna Estebanman mana kutichiyta aterqankuchu, imaraykuchus payqa yachaywan chantá Santo Espíritoj atiyninwan parlarqa.

Hechos 7:2

Estebantaj kuticherqa: Wawqeykuna, tatakuna ima, uyariwaychej: Ñawpa tatanchej Abraham manaraj Jaranman tiyakoj ripushaspa, Mesopotamiapi tiyakusharqa, chaypitaj Jatun Atiyniyoj Dios payta nerqa:

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 15:6

Ajinamanta tukuyniykichej uj sonqolla, uj simillataj Tukuyta Kamachej Jesucristoj Tatan Diosta yupaychaspa, jatunchankichej.

1 Corintios 12:8

Santo Espíritu wakinman qon yuyaywan, yachaywan ima sumajta yuyaychayta atinankupaj. Wakinmantaj kikin Santo Espiritullataj atiyta qon sumajta yachaspa parlanankupaj.

1 Corintios 14:6

Wawqe panakuna, sichus noqa qankunata watukoj jamuspa mana yachasqaykichej parlaypi parlayman chayqa, qankunapaj ima allintaj kanmanri? Aswanpis allinniykichejpaj kanman, sichus Diosmanta sut'inchayman chayqa, chayrí jatun yachaywan parlayman, manachayrí ima yachaytapis yachachiykichejman chayqa, chaypachalla.

1 Corintios 2:10

Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

1 Corintios 2:8

Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

2 Corintios 12:1

Noqa kikiy jatunchakuspaqa, mana imatapis tarinichu. Chaywanpis, kunanqa Tukuyta Kamachej Jesús mosqoypi jina imatachus rikuchiwasqanmanta chantá sut'inchawasqanmanta ima willasaj.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Efesios 3:5

Dios chay pakasqa yachayta mana ñawpa runakunaman rejsicherqachu. Kunanrí pay Santo Espiritunnejta chaykunata kuraj kachankunaman, chantá sut'inchajkunaman ima rejsichin.

Efesios 4:13

Ajinata ruwana kanqa tukuyninchej uj runa jinalla Diospi atinikunaman chayananchejkama, jinataj Diospa Churinta allinta rejsinanchejkama. Ajinamantataj wiñay tukusqa runa jina kasunchej, imaynachus Cristo, ajinaman chayaspa.

Filipenses 3:15

Ajinaqa, tukuy pikunachus Diospi atinikunapi yuyayninpiña kajkuna ajinata yuyana tiyan. Sichus wakinniykichej waj jinata yuyawajchej chayrí, chaytapis Diosllataj entiendechisonqachej.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

Tito 1:1

Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Santiago 2:1

Munasqa wawqe panaykuna, may jatunchasqa Tukuyta Kamachej Jesucristopi atinikojkuna kaspa, amapuni ujkunallata allinpaj qhawaychejchu, wajkunatataj pisipaj.

2 Pedro 1:3

Diosqa may sumaj atiyninnejta tukuy ima necesitasqanchejta qowarqanchej, cheqanta ruwaspa kawsananchejpaj. Chaytataj jap'inchej Diosta rejsisqanchejrayku, pichus mana ni imapi pantaj kayninnejta, tukuy atiyniyoj kayninnejta ima wajyawarqanchej, chay Diosrayku.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

Apocalipsis 7:12

Paykunataj nerqanku: Ajina kachun. Diosninchej wiñay wiñaypaj yupaychasqa, jatunchasqa, maypaj qhawasqataj kachun. Chantá payman tukuy imamanta pachis nina, imaraykuchus payqa tukuy atiyniyoj, tukuy yachayniyoj, may kallpayoj ima. Ajina kachun, nispa.