Efesios 1:10 - DIOSPA QHELQACHISQ

¹⁰ Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Qheshwa Biblia DC

¹⁰ Cristopi tukuy imata tantayta munarqa, churasqa p'unchaykuna junt'akojtinku, janaj pachapi kajkunata, jinallataj kay pachapi kajkunatapis.

DIOSPA QHELQACHISQAN DEUTEROCANONICAL

¹⁰ Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Quechua South Bolivia: Dios Parlapawanchej

¹⁰ Chaymanjinataj yuyarka pay quiquinman tucuy imata ujchayta Cristo uma cananpaj. Ajllaskan tiempo junt'acojtin janaj pachapi cajcunata cay pachapi cajcunatapis Cristonejta ujchayta munarka.

Efesios 1:10 ပူးပေါင်းရင်းမြစ်များ

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

San Mateo 25:32

Chantá tukuy suyumanta runakuna ñawpaqenman tantakamonqanku. Paytaj ujkunata ujkunamanta t'aqanqa, imaynatachus michejpis ovejakunata cabrakunamanta t'aqan, ajinata.

Marcos 1:15

Diospa nisqan p'unchay junt'akunña, paytaj kamachinanpaj wakichisqaña kashan. Chayrayku juchaykichejmanta Diosman kutirikuychej, Diosmanta kay sumaj willaytataj jap'ikuychej, nispa.

1 Corintios 10:11

Chay tukuy llakiykuna paykunata qhatirerqa noqanchej yachaqakunanchejpaj. Chaytaj qhelqasqa kashan kay qhepa p'unchaypi kawsajkuna ama paykuna jinallataj ruwananchejpaj.

1 Corintios 11:3

Chaywanpis yachanaykichejta munani Cristoqa tukuy qharej uman jina kasqanta, qharitaj warminpaj uman jina, Diostaj Cristoj uman jina.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Efesios 1:22

Jinallataj Diosqa tukuy imata Cristoj chakin uraman churarqa. Chantá payta churallarqataj tukuy imapi Iglesiaj Uman kananpaj.

Efesios 2:15

Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.

Efesios 3:15

Paymin janajpi, chantá kay pachapipis tukuy kaj chhikata ruwarqa.

Efesios 3:2

Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

Colosenses 1:16

Paynejtamin Diosqa tukuy kaj chhikata ruwarqa: Janajpi kajkunata, kay pachapi kajkunatapis, mana rikukojkunata, rikukojkunatapis, kamachejkunata, kurajkunata, atiyniyojkunata ima. Tata Diosqa tukuy kaj chhikata Cristonejta ruwarqa, paypaj kananpaj.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Hebreos 11:40

Ajina karqa Dios aswan allin imakunata noqanchejpaj wakichisqanrayku, ajinamanta paykunapis noqanchejwan khuska mana pantayniyoj kanaman chayanankupaj.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.