Eclesiastés 9:7 - DIOSPA QHELQACHISQ

⁷ Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Qheshwa Biblia DC

⁷ Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

DIOSPA QHELQACHISQAN DEUTEROCANONICAL

⁷ Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Eclesiastés 9:7 ပူးပေါင်းရင်းမြစ်များ

Génesis 12:19

Panayki kasqanta niwasqaykirayku, yaqhalla payta warmiypaj oqharikuni. Kayqa, warmiykita pusakapuy, ripuytaj kaymanta, nispa.

1 Reyes 8:66

Q'ayantintaj kuraj kamachejqa tukuy runata kacharpayaporqa. Paykunataj kuraj kamachejta saminchaspa, manchay kusisqa, sonqo junt'asqataj wasinkuman riporqanku, Tata Diosqa kamachin Davidta, Israel aylluntawan saminchasqanmanta.

Eclesiastés 10:19

Mikhuykunaqa kusikunapaj, vinotaj sonqota kusichinapaj. Qolqetajrí tukuy imata ruwanapaj allinmin.

Eclesiastés 11:8

Runaqa unaytapis kawsachun, kawsanankama may jinatapis kusikuchun, mana allin p'unchaykuna chayamunanta yuyarinan tiyan. Chay tukuy ima qhepanejman imachus jamojqa, chaykunapis qhasi manakajlla.

Eclesiastés 5:18

18 (17) Chayta rikuspa, noqa nini: Allinpuni runapaj mikhunan, ujyanan, kusikunan ima sinch'ita ruwaspa tarisqanmanta, Diospa qosqan chay pisi kawsaypi. Chaymin runaj t'inkanqa.

Eclesiastés 7:14

Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Eclesiastés 8:15

Chayrayku noqa nini: Kusikuna aswan sumajmin, nispa. Runaqa kayta ruwaspa allinta ruwanqa, mikhunan, ujyanan, kusikunan ima, imaraykuchus runaqa chayllata tukuy ruwasqanmanta tarenqa, kay pachapi Dios kawsayta qonankama.

Números 6:20

Chantá sacerdoteqa chay tukuy imata, watej nazareoj makinmanta jap'ispa, ikhaspa Tata Diosman jaywanqa. Jinallataj uywaj qhasqonta, chantá wasantapis jaywallawanqataj. Tukuy Diospaj t'aqasqa jaywanaqa sacerdotepaj kanqa. Chaymantaraj Diospaj t'aqasqa karqa, chay runa vinota ujyayta atenqa.

Marcos 7:29

Chantá Jesús warmita nerqa: Chayta nisqaykirayku, ama llakikuspa ripullayña. Wawaykimanta supayqa llojsinña, nispa.

San Lucas 11:41

Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

San Juan 4:50

Jesustaj nerqa: Wasiykiman kutipuy. Wawaykeqa mana wañonqachu, kawsanqa, nispa. Chantá chay runaqa Jesuspa nisqanta jap'ikuspa, riporqa.

Hechos 10:35

Manachayqa mayqen suyullamantapis kachun, pichá Diosta jatun respetowan qhawan, cheqa kajtataj ruwan, chay runatamin Dios allinpaj qhawan.

Deuteronomio 12:12

Tata Diosniykichejpa ñawpaqenpi raymita ruwaspa, wawaykichejkunawan, chantá kamachiykichejkunawan ima mayta kusikunkichej. Jinallataj qankunawan tiyakoj levitakunawanpis kusikullankichejtaj, imaraykuchus paykunaqa mana qankuna jina jallp'ata jap'inkuchu.

Deuteronomio 12:7

Chayllapitaj Tata Diosniykichejpa ñawpaqenpi tukuy aylluykichejwan khuska mikhunkichej. Ajinata ruwankichej llank'aspa, imatachus tarisqaykichejmanta kusikuspa, imajtinchus Tata Diosniykichejmin yanapasunkichej.

Rut 3:7

Boozqa mikhuspa ujyaspataj, mayta kusikorqa. Chaymantataj puñunanpaj era kantupi siriykakaporqa. Chay qhepantataj Rut ch'insitullamanta rispa, chakin chayta qhataraspa, jayt'ananman suskhuykorqa.