Eclesiastés 9:3 - DIOSPA QHELQACHISQ

³ Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Qheshwa Biblia DC

³ Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

DIOSPA QHELQACHISQAN DEUTEROCANONICAL

³ Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Eclesiastés 9:3 ပူးပေါင်းရင်းမြစ်များ

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Job 15:16

Astawanraj millay juchasapa runapi mana atinikonqachu, yakutapis ujyashanman jina millay kajta ruwaj runapi.

Job 21:26

Chay tukuywanpis jallp'aj sonqonpi uj rejlla kanku. Khurukunapis kikillantapuni iskayninkuta mikhukapunku.

Job 9:22

Tukuy imapis pachallan kashan. Kayta noqaqa yuyani: Juchayojta, mana juchayojta Diosqa tukuchin.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

Salmos 64:7

7 (8) Chaywanpis Diosqa paykunatañataj flechanwan kachaykonqa, kaymanta jinallataj paykunata k'iriykonqa.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Eclesiastés 1:17

Chayrayku noqaqa tukuy sonqoywan imachus jatun yachay kasqanta yachaqaj churakorqani, jinallataj imachus pawisqa kay, wampu kaywan kasqantapis. Chantá tukuy chayta yachana, wayra jap'iyta munana jinalla kasqanta repararqani.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Eclesiastés 2:14

Yachayniyoj runaqa maymanchus rishasqanta yachan, wampu runarí laqhallapi purin. Chaywanpis reparallarqanitaj, kawsayninchej tukukapojtenqa, tukuypis wañupunanchejta.

Eclesiastés 7:2

Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

Eclesiastés 7:25

Ajinaqa yachayniyoj kayta munaspa, thawispa yachayta mask'arqani, imaynachus imakunaj kasqantapis watorqani. Ajinata ruwaspa, wampu kayqa mana allinchu kasqanta yacharqani, pantakuytaj pawisqa kay jina kasqanta.

Eclesiastés 8:11

Millayta purej runata mana usqhayta jasut'ejtinkoqa, astawan millayta ruwanaman qokun.

Eclesiastés 9:11

Chay jawa ujtawan qhawaspa, kaytapis rikullarqanitaj: Kay pachapi mana usqhayta t'ijojkunachu sapa kuti atipanku, maqanakupitaj mana kallpayojkunachu. Yachajniyojkunapis wakin kuti mana mikhunayoj rikhurinku, nitaj allin yuyayniyojkunapis qhapajchu kanku, nitaj yachajkunapis sapa kuti jatunpaj qhawasqachu kanku. Manachayqa tiempo chayamojtin, wakinpaj allin tiempo chayamun, wakinpajtaj mana.

Eclesiastés 9:2

Tukuy runaj tukukuyninkoqa ujllapuni: Cheqan runapaj, mana cheqan runapaj, k'acha runapaj, mana k'acha runapaj, llimphupaj qhawasqa runapaj, mana llimphupaj qhawasqa runapajpis, uywa ñak'asqata jaywajpaj, mana jaywajpajpis, allinta ruwajkunapaj, mana allinta ruwajkunapajpis, tilojpaj, tiluyta manchachikojpajpis. Tukuy runapaj wañoyqa kallanqapuni.

Eclesiastés 9:4

Chaywanpis tukuy kawsajpaj suyana kanraj, chayrayku nini: Uj kawsashaj alqoraj aswan allin kashan wañusqa leonmanta nisqaqa, nispa.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Jeremías 17:9

Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

San Lucas 15:17

Chantá waynaqa yuyayninman churakuspa, sonqonpi nisqa: Tataypa wasinpeqa peonkuna ashkha mikhunayoj kanku, noqatajrí kaypi yarqhaymanta wañushaniña.

San Lucas 6:11

Kurajkunarí chaymanta mayta phiñarikuspa, paykunapura parlarqanku imatachus Jesuswan ruwanankuta.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.

Hechos 26:11

Jinallataj ashkha kutita paykunata tantakuna wasipi jasut'ichispa, Jesuspa contranta rimachiyta munaj kani. Chay jinatapuni paykunapaj phiñakusqayrayku, paykunata qhatiykachaspa karu llajtakunakama chayarqani.

Hechos 26:24

Ajinata Pablo parlaykushajtin, Festo jatunmanta nerqa: Pablo, pawichikushanki, anchata tukuy imamanta yachayta munasqaykirayku manaña yuyayniykipichu kashanki, nispa.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

2 Pedro 2:16

Chaywanpis Balaamqa juchallisqanrayku mana parlaj china burrowan k'amichikusqa. Chay burrotaj runa jina parlaspa, chay mana yuyayniyoj sut'inchajta yuyayninman kutichisqa.