Eclesiastés 9:12 - DIOSPA QHELQACHISQ

¹² Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

Qheshwa Biblia DC

¹² Runaqa kikin tiempontapis mana rejsinchu; imaynatachus challwasqa ch'ipapi ch'ipaykuchikunku; imaynatachus phawajkunaqa tojllaman urmanku, ajinata runaqa mana suyaspalla ch'ipaykuchikun, kaymanta jinalla chay tiempowan jap'ichikuytawan.

DIOSPA QHELQACHISQAN DEUTEROCANONICAL

¹² Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

Eclesiastés 9:12 ပူးပေါင်းရင်းမြစ်များ

Salmos 11:6

Payqa millayta ruwajkunaj patankuman azufreta, ninata ima parachimonqa, tukuy imata ruphaj wayrawantaj paykunata ruwasqankuman jina jasut'enqa.

Proverbios 24:22

Chay runakunaj tukukuyninkoqa ujllata chayarparimonqa. Ni pi yachanchu ima jatun llakiymanchus Tata Dioswan, kuraj kamachejwan ima paykunata churanankuta.

Proverbios 29:6

Millayta ruwaj runaqa juchallanpitaj urman. Cheqanta ruwaj runarí kusisqalla kawsakun.

Proverbios 6:15

Chayrayku llakeyqa ujllata mana yuyasqallamanta payman chayamonqa. Ujllapi uj ñawi ch'irmiyllapi urmachisqa kanqa.

Eclesiastés 3:19

Runawan, uywakunawan imaqa tukukapuyniyojlla kanku: Uywakunaqa wañunku, runakunapis wañullankutaj. Jinallataj samayninkupis iskayninkojta ujlla. Runakunaqa uywakunamanta mana astawan sumajchu kanku. Chay tukuy ima qhasi manakajlla kasqanta repararqani.

Eclesiastés 8:11

Millayta purej runata mana usqhayta jasut'ejtinkoqa, astawan millayta ruwanaman qokun.

Eclesiastés 8:8

Mana pipis kawsayninmanta dueñochu jark'ayta atinanpaj, nitaj pipis mayk'ajchus wañunanta niyta atinmanchu. Wañuywan kawsaywanqa maqanakupi kanku. Chayrayku ni pi kacharichikuyta atinmanchu, ni millayta ruwaspa kawsajkunapis.

Eclesiastés 9:13

Kay pachapi ujta rikusqaymanta ashkhata yacharqani:

Isaías 24:18

Pichus manchachikuymanta ayqejqa t'oqoman urmaykonqa. T'oqomanta llojsimojtaj tojllapi jarap'asqa rikhurenqa. Janajmanta jatun para urmamonqa, kay pachaj sonqontaj ikhakonqa.

Isaías 30:13

Chayrayku mana yuyayllamanta jatun ñak'ariy qankunata qhatirisonqachej. Qankunaqa thanta perqa urmashajmanña rijch'akunkichej. Chay perqaqa mana yuyasqallamanta urmaykonqa.

Ezequiel 32:3

Egipto, noqa Tukuyta Kamachej Tata Dios kay jinata niyki: Ashkha runa ukhupi kashajtiykipis, noqa ch'ipayta pataykiman choqaykamusaj, chaywantaj jap'isqayki.

Oseas 7:12

Chaywanpis jaqayman rishajtinku, noqa Tata Dios ch'ipayta patankuman wijch'uykusaj, p'isqokuna jinatataj jap'irasaj. Ajinata paykunata juchankumanta jasut'isaj.

Oseas 9:8

Diosqa paymanta sut'inchajta Efrainta qhawananpaj churasqa, qankunatajrí purinanman tojllata churarqankichej. Diospa Templonpipis payta chejninkichej.

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

San Lucas 12:39

Kaytawan allinta yachaychej: Sichus wasiyoj ima phanitachus suwa jamunanta yachanman chayqa, mana puñuspa suyaykunman, manataj suwachikunmanchu.

2 Corintios 6:2

Diospa Qhelqachisqanpi pay nin: Khuyakunay p'unchay chayamojtin, uyarerqayki, qhespichina p'unchaypitaj yanaparqayki, nispa. Kunanmin khuyakuyta tarina p'unchay, kunanmin qhespichisqa kana p'unchayqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

2 Timoteo 2:26

Ajinamanta yuyayninkuman kutirispa, Kuraj Supaypa tojlla churasqanmanta llusp'inkuman, imajtinchus payqa watasqata jina paykunata jap'ishan, munayninta ruwanankupaj.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

2 Pedro 2:12

Chay runakunarí mana imata yachaspa, mana allinta parlanku. Paykuna animal jina wañuchisqa kanankupaj churasqa kanku, ajinallatataj chinkachisqa kanqanku.