Eclesiastés 9:10 - DIOSPA QHELQACHISQ

¹⁰ Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

Qheshwa Biblia DC

¹⁰ Imaschus ruwanaykipaj jina chaykunata, kallpaykiman jina ruway; imaraykuchus wañuspa maymanchus rinki chaypeqa manaña ima ruwanapis kanchu, ni yuyanapis, ni yachana, nitaj yachaypis.

DIOSPA QHELQACHISQAN DEUTEROCANONICAL

¹⁰ Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

Eclesiastés 9:10 ပူးပေါင်းရင်းမြစ်များ

Génesis 37:35

Tukuy churinkuna, ususinkuna ima payta sonqochayta munarqanku. Paytajrí mana munarqachu. Mayta waqaspataj, nerqa: Wawaymantaqa wañupunaykama waqasaj. Wañupuspallaña, paywan tinkukapusaj, nispa.

1 Crónicas 22:19

Chayrayku kunanqa tukuy sonqowan, tukuy yuyayniykichejwantaj Tata Diosniykichejta mask'aychej. Kunanqa usqhayta Tata Diospa Templonta ruwaychej ari, Tata Diospa arcanta jinataj Diosta yupaychanapaj t'aqasqa imakunata apamunaykichejpaj, Tata Diospa sutinman Templo ruwasqa kanqa, chayman.

1 Crónicas 28:20

Chantá Davidqa Salomonta nillarqataj: Kallpachakuy, sinch'ita sayay, ruwaj sayaykuypachataj. Ama iskayrayaychu, nitaj manchachikuychu, imaraykuchus Tata Diosneyqa qanwanpuni kanqa. Tata Diospa Templonpi tukuy imachus ruwanata tukunaykikama, payqa mana saqesonqachu, nitaj qonqarparisonqachu.

Nehemías 2:12

Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

Nehemías 4:2

Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Nehemías 4:6

Chaywanpis perqata oqharishallarqaykupuni. Ñapis khuskanpiña kasharqa, imaraykuchus runakunaqa tukuy sonqo ruwasharqanku.

Job 10:21

manaraj mana jayk'aj kutirimuyniyojta ripushajtiy, laqha wañuy llanthu suyuman.

Job 10:22

Tuti laqha llajtaman ripusaj, chaypitaj k'anchayqa tuti laqha jinallataj kashan, nispa.

Job 21:13

Tukuy kawsayninkupi qhapajyanku, chantá ni imamanta llakiyniyoj wañupunku.

Salmos 6:5

5 (6) Wañojkunaqa manaña qanmanta yuyarikunkuñachu. Jallp'aj sonqonpi, pitaj qanta yupaychasonqari?

Proverbios 3:28

Ama q'ayapaj saqeychu, runa masiykiman qonaykipaj imachus makiykipi kashajtenqa.

Eclesiastés 11:3

Sichus phuyu yanayarin chayqa, paranqapuni. Sach'a wichaynejman, manachayrí uranejman urman chayqa, pachanpi qhepakapun.

Eclesiastés 11:6

Tutamanta tarpuy, ch'isiyaykuytapis tarpullaytaj, imaraykuchus mayqen tarpusqaykichus astawan allin kananta mana yachankichu, chayrí iskayninchus allin kananta.

Isaías 38:10

Noqaqa yuyarqani: Kallpaypi kashaspallaraj wañupusaj, unay kawsayta manaña rikusajchu, manachayqa ukhu pachaman yaykupusaj, nispa.

Jeremías 29:13

Mask'awaspapis, tariwankichej, tukuy sonqowan mask'awasqaykichejrayku.

Números 13:30

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

San Mateo 20:7

Paykunataj kutichisqanku: Mana pipis mink'akuwaykuchu, nispa. Paytaj nisqa: Qankunapis huertayman uva pallaj rillaychejtaj, nispa. Paykunataj risqanku.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

San Juan 4:34

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

San Juan 5:4

imaraykuchus chaypacha yuyaj kanku unaymanta unay, uj ángel urayk'amuspa yakuta kuyurichisqanta. Pichus ñawpajta estanqueman yaykojtaj ima onqoyllamantapis qhaliyachisqa kanan karqa.

San Juan 9:4

P'unchayllaraj kashajtin, Kachamuwajniypa ruwananta ruwananchejpuni tiyan. Laqhayaykojtinñarí, mana pipis imatapis ruwayta atinñachu.

Romanos 12:11

Ama qhella kaychejchu, manachayqa k'uchi kaychej. Diospaj imatapis ruwaspaqa, tukuy sonqo ruwaychej.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

1 Corintios 16:10

Sichus Timoteo qankunaman chayamonqa chayqa, allinta payta yanapaychej, qankuna ukhupi allillanta kananpaj, imaraykuchus paypis noqa jinallataj Tukuyta Kamachej Jesuspa ruwananpi purishan.

1 Corintios 9:24

Qankuna yachankichej llallinakupeqa tukuy t'ijusqankuta. Chaywanpis pichus atipajlla t'inkata jap'in. Qankunapis ajinata t'ijuriychej, t'inkata jap'inaykichejpaj jina.

1 Corintios 9:26

Chayrayku noqapis t'ijuni, maymanchus chayanay kashan, chayman chayanaypaj. Tinkupi maqanakojkunaqa mana wayrallatachu sajmanku. Ajinallatataj noqapis mana qhasipajchu imatapis ruwani.

Efesios 5:16

Allinta ruwanaykichejpaj jina kajtinkama, ruwaychejpacha, imaraykuchus kunan tiempo runaqa millayta ruwanaman qosqa kanku.

Colosenses 3:23

Tukuy imata ruwaspaqa, qankuna tukuy sonqo allinta ruwaychej, Tukuyta Kamachej Jesuspaj jina, ama runapaj jinaqa.

1 Samuel 10:7

Chay señalkuna qhatirisusqanta rikuspa, imatachus munasqaykita ruway, imajtinchus Tata Dios yanapasonqa.