Eclesiastés 8:8 - DIOSPA QHELQACHISQ

⁸ Mana pipis kawsayninmanta dueñochu jark'ayta atinanpaj, nitaj pipis mayk'ajchus wañunanta niyta atinmanchu. Wañuywan kawsaywanqa maqanakupi kanku. Chayrayku ni pi kacharichikuyta atinmanchu, ni millayta ruwaspa kawsajkunapis.

Qheshwa Biblia DC

⁸ Mana pi runapis kausayninta jap'inampaj atiyniyojchu, nitaj pipis wañuyta atipaj kanchu, mana imapis kanchu wañuywan maqanakunapajqa. Chay sajra runataqa manapuni chay sajra ruwasqanqa wañuymanta qhechonqachu.

DIOSPA QHELQACHISQAN DEUTEROCANONICAL

⁸ Mana pipis kawsayninmanta dueñochu jark'ayta atinanpaj, nitaj pipis mayk'ajchus wañunanta niyta atinmanchu. Wañuywan kawsaywanqa maqanakupi kanku. Chayrayku ni pi kacharichikuyta atinmanchu, ni millayta ruwaspa kawsajkunapis.

Eclesiastés 8:8 ပူးပေါင်းရင်းမြစ်များ

2 Samuel 14:14

Tukuypis wañunanchejpuni kashan. Imaynatachus yaku pampaman jich'akojtin, mana ujtawan oqhariyta atikunñachu ajina noqanchej kanchej. Chaywanpis Tata Diosqa mana pitapis wañuchinchu, aswanpis payqa wijch'usqa kajkuna karu llajtamanta kutimunanpaj wakichin.

2 Reyes 7:15

Paykunataj qhatiykuspa, Jordán mayukama rerqanku, ñanpitaj p'achata wijch'urasqata, waj imakunatapis t'akarasqata rikorqanku. Siriamanta soldadokuna usqhayta ayqesqankupi tukuy imankuta t'akarasqanku. Chantá kachakuna kutimuytawan, imatachus rikusqankuta kuraj kamachejman willarqanku.

Job 14:5

Runa mashkha unaytachus kawsananqa yupasqalla kashan, mashkha killatachus kawsanantaqa ñapis ninkiña. Mayk'ajkamachus kawsananta nisqaykita mana pasayta atinchu.

Job 34:14

Sichus Dios samayninta runamanta qhechuyta munanman, sitajchus kawsay qowasqanchejta qhechukapuyta munanman chayqa,

Salmos 89:48

48 (49) Mana pipis mana wañuspaqa kawsallanqapunichu, wañuypa atiyninmantaqa ni pipis ayqeyta atinmanchu.

Salmos 9:17

17 (18) Millayta ruwaspa purejkuna, Diosman mana kutirikojkuna ima jallp'aj sonqonman yaykonqanku, Diosmanta qonqapusqankurayku.

Proverbios 12:3

Pichus millayta ruwajqa mana sinch'ita sayanqachu, allinta ruwaj runakunarí unaypaj sumaj sayachisqa kanqanku.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Eclesiastés 3:21

Ajinamanta sonqoypi chaymanta unancharqani: Pitaj yachanman runaj espíritun janaj pachaman ripusqanta, uywakunajtataj ukhu pachaman yaykusqantari? nispa.

Eclesiastés 8:13

Millayta ruwajkunatarí mana allin rinanta nitaj unayta kawsanankuta yacharqani. Diosta mana jatun respetowan qhawasqankurayku, kawsayninku llanthu jinalla chinkarinanta yachallarqanitaj.

Eclesiastés 9:12

Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

Isaías 28:15

Qankuna nisqankichej: Uj tratota wañuywan ruwayku, ukhu pachawantaj tratoyoj kayku. Manchay jasut'iy jamojtinpis, mana chayamuwasqaykuchu, imaraykuchus llullakuypi pakakuyku, jinallataj ch'awkiyaypipis, nispa.

Isaías 28:18

Wañuywan trato ruwasqaykichejqa chinkachisqa kanqa. Ukhu pachawan tratoyoj kasqaykichejpis mana sayanqachu. Manchachikuna jasut'i chayarparimuytawan, qankunata p'ampaykusonqachej.

Isaías 47:10

Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

1 Corintios 15:43

P'ampasqa ukhoqa mana munanapaj jinachu. Kawsarichisqa kajrí maypaj qhawasqa kanqa. P'ampasqa ukhoqa pisi kallpayoj, kawsarichisqa kajrí may atiyniyoj kanqa.

2 Corintios 13:4

Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.