Eclesiastés 8:11 - DIOSPA QHELQACHISQ

¹¹ Millayta purej runata mana usqhayta jasut'ejtinkoqa, astawan millayta ruwanaman qokun.

Qheshwa Biblia DC

¹¹ Juchasapa runas mana usqhayta jasut'isqa kajtinkoqa runaspa sonqosninku astawan sajra ruwayman qokunku.

DIOSPA QHELQACHISQAN DEUTEROCANONICAL

¹¹ Millayta purej runata mana usqhayta jasut'ejtinkoqa, astawan millayta ruwanaman qokun.

Eclesiastés 8:11 ပူးပေါင်းရင်းမြစ်များ

2 Samuel 11:15

Chay cartapitaj nerqa: Uriasta ñawpaj puntapi sinch'i maqanaku kashan, chayman churaychej, chantá sapanta saqerpariychej chaypi wañuchinankupaj, nispa.

Job 24:23

Diosqa ni imamanta manchachikuspa kawsanankuta saqellan. Chaywanpis ñawillanpi purichin.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Salmos 10:6

Sonqonpi nin: Noqaqa mana jayk'aj urmasajchu, llakiypis mana jayk'aj chayamuwanqachu, nispa.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Éxodo 34:6

Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Éxodo 8:15

15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 8:32

32 (28) Chaywanpis faraón uj kutitawan sonqonta rumiyachispa, israelitakunata mana kachariporqachu.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Isaías 26:10

Chaywanpis sichus millayta ruwajkunata khuyanki chayqa, paykuna mana yachaqakunkuchu imachus cheqan kajta. Allinta ruwaj runakunaj suyunpi kashaspapis, paykunaqa millayllatapuni ruwanku, Tata Diospa jatun kaynintataj mana cuentaman churankuchu.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Jeremías 42:15

Chaytachus ninkichej chayqa, qankuna Judamanta puchojkuna Israelpa Tukuy Atiyniyoj Tata Diosnin imatachus nisqanta uyariychej: Sichus qankuna Egiptomanpuni ripuyta munankichej chayqa,

Jeremías 48:11

Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.