Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eclesiastés 8:1 - DIOSPA QHELQACHISQ

1 Pitaj yachayniyoj runa jinari? Pitaj imakunapis imatachus niyta munasqanta yachanmanri? Yachayniyoj kayqa runata kusichin. Phiña uyatapis k'achaman tukuchin.

အခန်းကိုကြည့်ပါ။ ကော်ပီ

Qheshwa Biblia DC

1 Pitaj yachayniyoj runa jinari? Tukuy imaspis imatachus niyta munasqanta pitaj pay jina yachanmanri? Uj runaj uyantaqa yachaynin k'ancharin. Phiña uyatapis k'achaman tukuchin.

အခန်းကိုကြည့်ပါ။ ကော်ပီ

DIOSPA QHELQACHISQAN DEUTEROCANONICAL

1 Pitaj yachayniyoj runa jinari? Pitaj imakunapis imatachus niyta munasqanta yachanmanri? Yachayniyoj kayqa runata kusichin. Phiña uyatapis k'achaman tukuchin.

အခန်းကိုကြည့်ပါ။ ကော်ပီ




Eclesiastés 8:1
27 ပူးပေါင်းရင်းမြစ်များ  

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.


wakin kuti uj k'acha ángel jamun, waranqamanta uj payrayku parlarinanpaj, cheqan runa kasqanmanta.


Israelitakunaqa Moisespa uyan lliphipirishasqanta rikorqanku. Chayrayku Moisés ujtawan velowan uyanta qhataykukoj karqa, Tata Dioswan parlaj rinankama.


Astawan yachayniyoj kanqanku, maypachachus yachayniyojkunaj nisqankuta, chantá rijch'anachiykunawan parlasqankuta unancharenqanku, chaypacha. Jinallataj astawan yachayniyoj kanqanku, maypachachus sumaj yachaywan nisqankuta, chantá watuchiykunawan parlasqankuta ima unancharenqanku, chaypacha.


Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.


Sumaj yuyayniyoj runaqa yachayniyoj kayta mask'an. Wampu runarí imamanpis sat'iykukullanpuni.


Millayta ruwaj runaqa imatapis allinta ruwanman jina purin. Cheqanta ruwaj runarí imatapis ruwananpaj ñawpajta allintaraj unancharin.


Aswan allin yachayniyoj runa kallpayoj runamanta nisqaqa. Yachayniyoj kanaqa aswan allin atiyniyoj kanamantaqa.


Diosqa pakasqa kajta sut'inchan, mana yachay atina kajtapis. Paymin imachus laqhayaypi kajtapis rejsin. Payqa k'anchaymin.


Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.


Chaypitaj paykuna qhawashajtinku, Jesús waj jinaman tukorqa. Uyanqa inti jina k'ancharerqa, p'achantaj may yurajta lliphipirerqa.


Chaypacha kurajkuna mayta t'ukorqanku Pedrotawan, Juantawan mana manchachikuspa parlajta rikuspa. Astawanqa chay kurajkuna yacharqanku Pedrowan, Juanwan mana sumaj yachaj runakunawanchu yachakusqankuta. Jinapis repararqanku paykuna Jesuswan khuska purisqankuta.


Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,


Jatun Juntamanta kajkunarí Estebanta qhawarispa, uyanta angelpa uyan jina kasqanta rikorqanku.


Chayrayku paykunata kasunaqa allinpuni, mana jasut'inanta manchachikuspallachu, aswanpis sonqonchej allin kasqanta niwasqanchejrayku.


Noqapajpis mañapullawaychejtaj sumaj willaymanta parlashajtiy, Dios imatachus ninayta yuyaychanawanpaj. Ajinamanta mana manchachikuspa, Diospa wakichisqanmanta pakasqa yachayta sut'inchayta atisaj.


Chay jina mana khuyakuyniyoj runakunaqa machu runakunata mana respetanqankuchu, wawakunatapis manallataj khuyanqankuchu.


Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.


Chaywanpis tukuy imamanta astawanqa kayta yachaychej: Diospa Qhelqachisqanpi Diosmanta sut'inchajkunaj sut'inchasqankoqa mana paykunaj yuyasqankuman jinachu karqa,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ