Eclesiastés 7:25 - DIOSPA QHELQACHISQ

²⁵ Ajinaqa yachayniyoj kayta munaspa, thawispa yachayta mask'arqani, imaynachus imakunaj kasqantapis watorqani. Ajinata ruwaspa, wampu kayqa mana allinchu kasqanta yacharqani, pantakuytaj pawisqa kay jina kasqanta.

Qheshwa Biblia DC

²⁵ Ujtawan noqapi yachayta mask'aj churakorqani, chay yachayta allinta qhawariyta, unanchaytataj imaynamantachus chay tukuy imas kasqankuta. Chaypi yacharqani sajra ruwayqa sonsera kasqanta, pantakunataj qhasi mana kajlla kasqanta.

DIOSPA QHELQACHISQAN DEUTEROCANONICAL

²⁵ Ajinaqa yachayniyoj kayta munaspa, thawispa yachayta mask'arqani, imaynachus imakunaj kasqantapis watorqani. Ajinata ruwaspa, wampu kayqa mana allinchu kasqanta yacharqani, pantakuytaj pawisqa kay jina kasqanta.

Eclesiastés 7:25 ပူးပေါင်းရင်းမြစ်များ

Génesis 34:7

Chantá Jacobpa churinkuna uywata michimusqankumanta chayamuspa, Dinawan imachus pasasqanta yacharqanku. Chaymantataj manchayta phiñakorqanku, imaraykuchus Sichem Jacobpa ususinta alqochasqanqa Israel ayllupaj manchay p'enqay karqa. Sichem chayta mana ruwananchu karqa.

2 Samuel 13:12

Tamartaj kuticherqa: Ama turáy, ama honrayta t'akachiwaychu. Chaytaqa Israel ayllu ukhupi mana ruwanachu. Ama chay jina millaytaqa noqawan ruwaychu.

Proverbios 17:12

Astawan allinraj uñankunata qhechuchikoj china jukumariwan tinkunaqa, mana uyarikoj wampu runawan tinkunamantaqa.

Proverbios 26:11

Alqoqa lansasqanta watej mikhuykakapun. Ajinallatataj wampu runaqa mana allin yuyaychakuspa imatachus ruwasqanta ujtawan ruwan.

Eclesiastés 10:13

Chayrayku wampu runaqa qhasi manakaj imakunata thawtiyta qallarin, tukuntaj manakaj ni imapaj allin kajta parlaspa.

Eclesiastés 2:12

Chaymantaqa ujtawan yachaymanta, pawisqa kaymanta, wampu kaymantawan unancharqani. Imatañataj qhepayta yaykoj kuraj kamachej ruwanmanri? Manaña imatapis, imachus ruwasqaña karqa, chayllataña ruwanqa.

Eclesiastés 2:15

Chaymanta sonqoypi nerqani: Imachus wampu runata qhatirin, chayllataj noqatapis qhatiriwanqa. Jina kajtenqa, ima allintaj yachayniyoj kasqayri? Chaypis qhasi manakajllataj kasqa, nispa.

Eclesiastés 2:20

Kay pachapi tukuy ima ruwasqayta qhawaspa, sonqoy p'akikorqa.

Eclesiastés 7:27

Noqa, pichus kayta qhelqaj Yachachejqa nini: Kay imakunata ujmanta uj allinta watorqani.

Josué 7:13

Sayariy, israelitakunata tantachispataj, llimphuchachimuy, Diospa ñawpaqenpi llimphupaj qhawasqa kanaykichejpaj. Chantá niy, q'aya ñawpaqeyman chimpamunankupaj wakichikunankuta, imaraykuchus noqa Tata Dios, Israelpa Diosnin ajinata nini: Qankunaqa imakunatachus phirinaykichej karqa, chaykunata mana phirerqankichejchu. Manachus tukuyninta phirinkichej chayqa, manapuni awqaykichejta atipayta atinkichejchu.