Eclesiastés 7:2 - DIOSPA QHELQACHISQ

² Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

Qheshwa Biblia DC

² Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

DIOSPA QHELQACHISQAN DEUTEROCANONICAL

² Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

Eclesiastés 7:2 ပူးပေါင်းရင်းမြစ်များ

Salmos 90:12

Kawsanayku p'unchayta yuparikuyta yachachiwayku, yachayniyoj kanaykupaj.

Eclesiastés 2:14

Yachayniyoj runaqa maymanchus rishasqanta yachan, wampu runarí laqhallapi purin. Chaywanpis reparallarqanitaj, kawsayninchej tukukapojtenqa, tukuypis wañupunanchejta.

Eclesiastés 2:16

Nitaj yachayniyojmanta, nillataj wampumantapis ni pi yuyarikonqañachu. Qhepanejman tukuy ima qonqasqa kanqa. Wampu runa, yachayniyojpis wañullanqataj.

Eclesiastés 3:19

Runawan, uywakunawan imaqa tukukapuyniyojlla kanku: Uywakunaqa wañunku, runakunapis wañullankutaj. Jinallataj samayninkupis iskayninkojta ujlla. Runakunaqa uywakunamanta mana astawan sumajchu kanku. Chay tukuy ima qhasi manakajlla kasqanta repararqani.

Eclesiastés 3:20

Tukuyninku uj cheqallaman rinku. Jallp'amanta ruwasqa karqanku, jallp'allamantaj tukuponqanku.

Eclesiastés 6:6

Ichá pipis 2.000 watata kawsayta atinman, chaywanpis tiyapuyninmanta mana kusikunmanchu. Chaywanpis manachu tukuypis uj cheqallaman rinku?

Eclesiastés 9:2

Tukuy runaj tukukuyninkoqa ujllapuni: Cheqan runapaj, mana cheqan runapaj, k'acha runapaj, mana k'acha runapaj, llimphupaj qhawasqa runapaj, mana llimphupaj qhawasqa runapajpis, uywa ñak'asqata jaywajpaj, mana jaywajpajpis, allinta ruwajkunapaj, mana allinta ruwajkunapajpis, tilojpaj, tiluyta manchachikojpajpis. Tukuy runapaj wañoyqa kallanqapuni.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Eclesiastés 9:5

Kawsashajkunaqa wañunankuta yachakunku. Wañusqakunarí mana imatapis yachankuchu, nitaj imatapis suyankuñachu, imaraykuchus paykunaqa qonqayman churasqa kanku.

Isaías 47:7

Qan nerqanki: Noqaqa qoya jina wiñaypaj kamachillasajpuni, nispa. Chaywanpis qanqa kay imakunamanta mana yuyarqankichu, manataj unancharqankichu imapichus tukukunaykita.

Jeremías 16:8

Maypichus raymita ruwashanku, chay wasiman amallataj yaykuychu paykunawan khuska mikhunaykipaj, ujyanaykipaj ima.

Hageo 1:5

Noqa Tukuy Atiyniyoj Tata Diosmin niykichej: Imaynatachus purishasqaykichejta allinta reparakuychej.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

Números 23:10

Jacobpa miraynenqa t'iyu jina may chhika kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman noqapis kay cheqan runakuna jina wañunay. Noqaj tukukuyneyqa paykunajta jina kachun, nispa.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Deuteronomio 32:46

Kay tukuy nisusqaypi allinta unanchaychej, chantá wawaykichejkunata kay kamachisqakunata junt'anankuta kamachiychej.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.