Eclesiastés 7:16 - DIOSPA QHELQACHISQ

¹⁶ Ajinaqa, ama ancha cheqan kaychu, nitaj ancha yachayniyojpis. Imapajtaj qhasita llakiyta mask'akuwajri?

Qheshwa Biblia DC

¹⁶ Amapuni yuyakuychu cheqan runa kasqaykita, amataj ancha yachayniyojmampis tukuychu. Imapajtaj qhasi mana kajta mauk'akunkiri?

DIOSPA QHELQACHISQAN DEUTEROCANONICAL

¹⁶ Ajinaqa, ama ancha cheqan kaychu, nitaj ancha yachayniyojpis. Imapajtaj qhasita llakiyta mask'akuwajri?

Eclesiastés 7:16 ပူးပေါင်းရင်းမြစ်များ

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Job 11:12

Wampu runaqa yuyayninman churakonqa, maypachachus k'ita burromanta uj runa paqarinman, chaypacha.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Proverbios 23:4

Ama anchata kallpakuychu qhapajyayta mask'aspa, nitaj chayllapipuni yuyaychu.

Proverbios 25:16

Sichus abeja misk'ita tarinki chayqa, pisillata mikhuy. Pajtataj anchata mikhuspa, kutichimuwaj.

Eclesiastés 12:12

Kunanqa wawáy, kay yuyaychasqaytawan jap'ikuy: P'anqakunata qhelqanaqa mana jayk'ajpis tukukunmanchu. Anchata yachayta munanataj sayk'uchikun.

San Mateo 23:29

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diosmanta ñawpa sut'inchajkunaj covachankunata sayarichinkichej. Jinallataj, cheqan kaj ñawpa runakunaj covachankunatapis k'achanchankichej.

San Mateo 23:38

Kunanrí qhawariychej, wasiykichejqa ch'inpacha qhepakonqa.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Mateo 9:14

Uj kuti Bautizaj Juanpa yachachisqankuna Jesusman qayllaykuspa, nerqanku: Noqayku, fariseokuna ima sapa kuti ayunayku. Yachachisqaykikunarí imaraykutaj mana ayunankuchuri? nispa.

San Lucas 18:12

Noqaqa semanapi iskay kutita ayunani, tukuy kapuyniymantataj sapa chunkamanta ujta qoni, nispa.

Romanos 10:2

Kayta sut'ita yachani: Paykuna tukuy sonqo Diosta kasuyta munanku. Chaywanpis imaynatachus Diosta kasunata mana yachankuchu.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

1 Corintios 3:18

Ama pipis pay kikinta q'otiyakuchunchu. Sichus yuyankichej runaj qhawasqanman jina yachayniyoj kasqaykichejta chayqa, mana yachayniyojman tukuychej, Diospa ñawpaqenpi cheqapuni yachayniyoj kanaykichejpaj.

1 Corintios 3:20

Nillantaj: Tukuyta Kamachej Diosqa yachayniyojkunaj yuyasqankuta rejsin, yachantaj qhasi manakaj kasqanta, nispa.

Filipenses 3:6

Chantá Diospa kamachisqanta junt'ayta munasqayrayku, noqa Cristoj Iglesianta qhatiykachaspa, ñak'aricherqani. Kamachisqakunata junt'anapitaj mana k'amina karqani.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Colosenses 2:23

Arí, imatachus kamachisqankoqa allin yachayniyoj kayman rijch'akun, imaraykuchus imaynatachus purinata, llamp'u sonqoyoj kanata, chantá ukhunchejwan kasuchikunata ima yachachinku. Chaywanpis, chay kamachisqakunaqa mana pitapis yanapanchu juchallinaman aysaj sonqonpa munayninta atipananpaj.

1 Timoteo 4:3

Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.

Apocalipsis 18:19

Ajinaqa umankuman jallp'ata qhalliykukuspa, qhaparerqanku, jik'un jik'unta waqaspataj, nerqanku: Kay jina llakiyman kay llajta chayananri. Mama qochapi tukuy barcoyoj kajkuna paypa kapuyninwan qhapajyarqayku. Kunantajrí manaraj imapi chinkarparichisqa, nispa.