Eclesiastés 7:14 - DIOSPA QHELQACHISQ

¹⁴ Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Qheshwa Biblia DC

¹⁴ Allin p'unchaypeqa allin kajwan kusikuy; mana allin risojtenqa, sumajta unanchakuy. Chay allin kajta mana allin kajtapis Diospuni ruwan, runa qhepaman imaschus kananta ama yachanampaj.

DIOSPA QHELQACHISQAN DEUTEROCANONICAL

¹⁴ Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Eclesiastés 7:14 ပူးပေါင်းရင်းမြစ်များ

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

Job 2:10

Jobtajrí kuticherqa: Mana yuyayniyoj warmi jina parlashanki. Sichus Tata Diosmanta allin kajta jap'inchej chayqa, manachu mana allin kajta apachimuwasqanchejtapis jap'ikullasunmantaj? nispa. Chay tukuywanpis Jobqa manapuni Diospa contranta parlaspa juchallerqachu.

Salmos 119:71

K'umuykuchisqa kanayqa noqapaj allin karqa, ajinamanta kamachisqaykita yachaqakunaypaj.

Salmos 40:3

3 (4) Chantá mosoj takiyta yachachiwarqa, Diosninchejta yupaychana takiyta. Chayta rikuspa, ashkha runakuna Diosta manchay jatun respetowan qhawarqanku, Tata Diospitaj tukuy sonqo atinikorqanku.

Eclesiastés 10:14

Wampu runaqa anchata parlan. Mana pipis yachanchu imachus qhepaman jamunanta. Pitaj ninman imachus qhepaman kanantari?

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Eclesiastés 12:8

Kaytaqa noqa Yachachej kaj nini: Qhasi manakaj, qhasi manakajlla, kay pachapi tukuy imapis qhasi manakajlla, nispa.

Eclesiastés 3:22

Chaynejta noqa repararqani runapajqa astawan allin llank'aspa tarisqanwan kusikunan, imaraykuchus chaypuni runapaj churasqa kashan. Mana pipis payman rikuchenqachu wañupusqan qhepata imachus kananta.

Eclesiastés 3:4

Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Eclesiastés 5:17

17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

Eclesiastés 8:7

qhepanejman imachus kanamanta mana yachasqan, manataj pipis imachus kananmanta willaykurej kanchu.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 42:25

Chayrayku, paykunaj patankuman Tata Dios k'araj phiñakuyninta jich'amorqa, maqanakupitaj tukuracherqa. Tukuyninkutataj ninawan jap'iykucherqa. Chaywanpis paykuna mana unancharqankuchu, chay jinata ruphachishajtinpis, mana kasorqankuchu.

Jeremías 23:20

Tata Diospa k'araj phiñakuynenqa mana thasnukonqachu, imachus ruwananta junt'anankama. Qhepanejman qankunaqa chaykunamanta sut'ita yachaqankichej.

Lamentaciones 3:38

Tukuy mana allin kaj, tukuy allin kajpis, Tata Dios nisqanrayku jamun.

Miqueas 6:9

Tata Diosqa israelitakunata wajyashan, pichus allin yuyayniyoj kajtaj nisqanta tukuy sonqo uyarin. Uyariychej, tukuy runakuna, jinallataj kamachejkunapis.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

Deuteronomio 26:11

Chaymantaqa tukuy aylluykiwan, qanwan tiyakoj levitakunawan, jinallataj llajtaykipi tiyakoj waj llajtayojwan ima mayta kusikunki, Tata Diosniyki qanman, chantá aylluykiman ima, tukuy imata qosusqanmanta.

Deuteronomio 28:47

Tata Diosniyki tukuy imata qoshasojtinpis, mana kusisqachu, nitaj tukuy sonqochu paypa munayninta ruwanki.

Deuteronomio 8:3

Tata Diosqa ñak'arichisorqachej, yarqhachisorqachej chaypis, maná nisqata mikhuchisorqachej. Chay mikhunata qankuna, jinataj ñawpa tataykichejkunapis mana rejserqankichejchu. Tata Dios ajinata ruwaspa, yachanaykichejta munarqa, runaqa mana mikhunallawanchu kawsasqanta, aswanpis Tata Diospa tukuy nisqanwan kawsasqanta.

Deuteronomio 8:5

Kayta allinta yachaychej: Imaynatachus uj tata wawanta jasut'ispa cheqan ñanman churan, ajinallatataj Tata Diosqa qankunata cheqan ñanman churasorqachej, allinniykichejpaj.

Santiago 5:13

Qankunamanta mayqenpis phutisqachu kashan? Dios yanapananta mañakuchun. Pitajchus kusisqa kashan chayrí, Diosta jatunchaspa takichun.