Eclesiastés 5:17 - DIOSPA QHELQACHISQ

¹⁷ 17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

Qheshwa Biblia DC

¹⁷ Chay jawa runaqa tukuy kausaynimpi laqhapi jinalla mikhonqa pata patallata purispa, llakiywan mana imayojtaj.

DIOSPA QHELQACHISQAN DEUTEROCANONICAL

¹⁷ 17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

Eclesiastés 5:17 ပူးပေါင်းရင်းမြစ်များ

Génesis 3:17

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

1 Reyes 17:12

Chay warmisapatajrí kuticherqa: Tata Diosniykipis yachan, mana t'antay kanchu. Wich'ipi uj chhika jak'ulla tiyapuwan, yurupi uj chhika aceitewan ima. Kunanqa uj chhika llant'ata pallakusharqani wawaypaj, noqapajwan chayta chayarqochinaypaj. Chantá mikhuyta tukuytawan, chaymantaqa yarqhaymanta wañupusqaykupischari, nispa.

2 Reyes 1:2

Israelpi kuraj kamachej Ocoziasrí, Samariapi altopata wasinpa ventananmanta urmaykamusqanrayku, allin nanasqa kasharqa. Chayrayku kamachinkunata kacharqa Ecrón llajtayojkunaj diosninku Baal Zebubta tapunankupaj, onqoyninmanta kutirenqachus manachus, chayta yachayta munaspa.

2 Reyes 1:6

Paykunataj kuticherqanku: Ñanpi uj runawan tinkorqayku, paytaj niwarqayku: Kutispa, kachamusorqachej chay kuraj kamachejman kay jinata niychej: Ajinata Tata Dios nisunki: Ecrón llajtayojkunaj diosninku Baal Zebubta tapuchikamunaykipaj, manachu Israel suyupi Dios tiyan? Chayrayku kunanqa puñunaykimanta mana sayarinkichu, wañupunkipuni, nispa.

2 Reyes 5:27

Chayrayku Namanpa qosqanta jap'ikusqaykirayku, llejti onqoynin qanman wiñaypaj chimpaykusonqa, jinataj mirayniykimanpis, nispa. Jinamanta Guejaziqa Eliseoj ñawpaqenmanta llejti onqoyniyoj, rit'i jina yurajlla llojserqa.

Job 21:25

Wakinrí llakiykunaj ñit'isqan wañupunku, kusiy kawsay imachus kasqanta mana rejsispa.

Salmos 102:9

9 (10) T'antata mikhunaytaqa ushphallata mikhuni. Ujyanaypis waqayniywan chajrukun.

Salmos 127:2

Qhasillata inti llojsimusqanmantapacha inti yaykunankama llank'asunman, mikhunanchejpaj jump'i suruyta ruwaspa, imaraykuchus Diosqa munakusqallanta samarichin.

Salmos 39:6

6 (7) Tukuy runaqa llanthu jinalla pasapunku. May jinata qhapajyanapis qhasi manakajlla, paykunataj mana yachankuchu pipajchus kananta.

Salmos 78:33

Chayrayku Diosqa paykunaj kawsayninkuta samaypis kanman jinallata chinkacherqa, mancharinapaj jina ñak'ariywantaj paykunata wañucherqa.

Eclesiastés 2:10

Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Eclesiastés 2:23

Tukuy kawsayninpi llakiyllapuni tiyan, ima ruwasqanpis phutiylla. Tutantin yuyaynenqa mana samarinchu. Chaypis qhasi manakajlla kasqanta repararqani.

Eclesiastés 2:24

Runapajqa aswan allin mikhunan, ujyanan, ruwaspa imatachus tarisqanmanta kusikunan ima. Noqataj repararqani chay tukuy imaqa Diospa qosqan kasqanta.

Eclesiastés 7:14

Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.