Eclesiastés 5:10 - DIOSPA QHELQACHISQ

¹⁰ 10 (9) Pichus qolqeta munakojqa astawanpuni munan. Qhapaj kayta munakojqa mana imawan sonqo junt'asqa kayta atinchu. Chaypis qhasi manakajlla kasqanta repararqani.

Qheshwa Biblia DC

¹⁰ Pichus qolqeta munakojqa astawan munallampuni. Pichus kapuykunata munakojqa ni ima allinkunata orqhonchu. Chaypis qhasi mana kajllataj.

DIOSPA QHELQACHISQAN DEUTEROCANONICAL

¹⁰ 10 (9) Pichus qolqeta munakojqa astawanpuni munan. Qhapaj kayta munakojqa mana imawan sonqo junt'asqa kayta atinchu. Chaypis qhasi manakajlla kasqanta repararqani.

Eclesiastés 5:10 ပူးပေါင်းရင်းမြစ်များ

Salmos 52:1

1 (3) Atiyniyoj runa, imaraykutaj millayta ruwasqaykimanta runaykachankiri? Diospa khuyakuynenqa mana tukukuyniyojmin.

Salmos 52:7

7 (9) Qhawaychej ari, Diospi pakakuyta mana mask'aj runata. Qhawaychej tiyapuynillanpi atinikoj runata. Payqa millayta ruwayta munasqanmanta mana kuyurerqachu, nispa.

Salmos 62:10

10 (11) Ama kallpayoj kasqaykichejpi atinikuspa, suwasqa kajwan may kasqaykichejta yuyakuychejchu, nitaj suwasqaykichejman sonqoykichejta churaychejchu, imajtinchus chayqa qhasillamin. Qhapajyaspapis, ama qolqeykichejpi atinikuychejchu.

Eclesiastés 1:17

Chayrayku noqaqa tukuy sonqoywan imachus jatun yachay kasqanta yachaqaj churakorqani, jinallataj imachus pawisqa kay, wampu kaywan kasqantapis. Chantá tukuy chayta yachana, wayra jap'iyta munana jinalla kasqanta repararqani.

Eclesiastés 1:8

Tukuy imapis sayk'uchikullan. Chaytaqa mana pipis sut'inchayta atinchu. Ñaweqa rikuspa, mana sajsakunchu, nitaj ninripis uyarispa, sayk'unchu.

Eclesiastés 2:10

Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.

Eclesiastés 2:26

Diosqa pichus payta kusichejman jatun yachayta, yuyayniyoj kayta, jinallataj kusikuytawan qon. Jinataj Diosqa saqellan juchasapa runa tukuy imata tantananta, qhapajyanantapis, pichus Diosta kusichejman qonanpaj. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 3:19

Runawan, uywakunawan imaqa tukukapuyniyojlla kanku: Uywakunaqa wañunku, runakunapis wañullankutaj. Jinallataj samayninkupis iskayninkojta ujlla. Runakunaqa uywakunamanta mana astawan sumajchu kanku. Chay tukuy ima qhasi manakajlla kasqanta repararqani.

Eclesiastés 4:16

Chay waynatataj ashkha mana yupay atina runa qhaterqanku. Chaywanpis qhepaman jamojkunaqa paywan amichikonqanku. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Eclesiastés 5:9

9 (8) Tukuypis jallp'aj poqosqanmanta mikhunku. Kikin kuraj kamachejpis chayllamantataj mikhun.

Eclesiastés 6:7

Runaj tukuy llank'asqanqa mikhunallanpaj. Chaywanpis manapuni sajsakuyta atinchu.

San Mateo 6:19

Ama kay pachapi qhapajyayta munaspa, ashkha imata tantaychejchu. Kaypeqa thuta k'utun, tukuy imapis ismurparin, jinallataj suwakunapis wasiman yaykuykuspa, suwakapullankutaj.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

1 Timoteo 6:10

Qolqeta munakoyqa tukuy imaymana mana allin kajpa saphin. Jinataj qolqeyoj kayta anchata munasqankurayku, wakinkuna Jesucristopi atinikunamanta t'aqakorqanku, chantá tukuy imaymana llakiykunawan ñak'arerqanku.