Eclesiastés 5:1 - DIOSPA QHELQACHISQ

¹ 1 (4.17) Diospa Templonman rispaqa, imatachus ruwasqaykita allinta qhawarikuy, imatachus yachachisqankutataj sumajta uyariy. Aswan walej Tata Diosta kasuna, mana allinta yachaspalla imatapis Diosman jaywanamanta nisqaqa.

Qheshwa Biblia DC

¹ Diospa wasinman rispaqa as allinta puriy; astawan qayllakuy sumajta uyarinaykipaj, wampu runas jina uywa ñak'asqata jaywanaykimanta nisqaqa. Chaykunaqa mana yachankuchu mana allin kajta ruwashasqankuta.

DIOSPA QHELQACHISQAN DEUTEROCANONICAL

¹ 1 (4.17) Diospa Templonman rispaqa, imatachus ruwasqaykita allinta qhawarikuy, imatachus yachachisqankutataj sumajta uyariy. Aswan walej Tata Diosta kasuna, mana allinta yachaspalla imatapis Diosman jaywanamanta nisqaqa.

Eclesiastés 5:1 ပူးပေါင်းရင်းမြစ်များ

2 Crónicas 26:16

Chaywanpis may atiyniyojña kaspa, Uziasqa sonqonpi runaykachayta qallarerqa, chayraykutaj mana allinchu rerqa, Tata Diospa contranpi oqharikusqanrayku. Payqa Tata Diospa Templonman yaykuspa, inciensota altarpi q'oshñicherqa.

Job 11:2

Chay chhikata thawtisqanmanqa manachu kutichina kanman? Anchata parlaj runaqa llimphuchu llojsinman?

Job 22:12

Diosqa janajmantapis aswan patapi kashan, aswan patapi kaj ch'askakunapis paypa chakin urapi rikhurin.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Éxodo 3:5

Tata Diostaj nerqa: Ama astawan qayllamuychu. Juk'utaykita orqhokuy, imaraykuchus sayashanki, chaynejqa noqapaj t'aqasqamin, nispa.

Éxodo 30:18

Ruwallankitaj mayllakunapaj broncemanta uj ch'illamita, sayananpis broncellamantataj kanqa. Ruwasqayki ch'illamitaqa altarwan, Dioswan Tinkukuna Toldowan kashan, chay chawpiman churanki. Chantá ch'illamiman yakuta jich'anki.

Proverbios 10:19

Ashkhata parlanapi pantay tiyanpuni. Pichus siminta wisq'ajrí sumaj yuyayniyoj.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Hechos 10:33

Chay ratopachataj noqa kachaykunata qanman kachamorqani. Qantaj allinta ruwanki kayman jamurispa. Kunanqa tukuyniyku Diospa ñawpaqenpi tantasqa kashayku, imatachus Dios willasusqanta uyarinaykupaj, nispa.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

1 Corintios 11:22

Imataj chayri? Mikhunaykichejpaj, ujyanaykichejpajpis wasiykichej tiyan. Ajinata ruwaspaqa, mana imayojkunata p'enqachinkichej, Diospa Iglesiantataj pisipaj qhawankichej. Chaymanta imatataj nisqaykichej? Allinta ruwankichej, nispachu nisqaykichej? Ajinata ruwasqaykichejmanta mana niykichejmanchu walejta ruwasqaykichejta.

Hebreos 10:26

Sichus noqanchej cheqa kajta yachaspaña, juchallillasunmanpuni chayqa, chay juchata pampachanapaj manaña waj jaywana kanchu.

Santiago 1:19

Chayrayku, munasqa wawqe panaykuna, uyariyta yachaychej, chantá allinta qhawarikuspa parlaychej, amataj usqhayllata phiñakuychejchu.

Josué 5:15

Tata Diospa soldadonkunata kamachejtaj nerqa: Juk'utaykita lluch'ukuy, imaraykuchus maypichus kashanki chayqa, Diospaj T'aqasqa Cheqamin, nispa. Josuetaj kasuspa, kikinta ruwarqa.