Eclesiastés 4:13 - DIOSPA QHELQACHISQ

¹³ Wajcha yachayniyoj waynaqa aswan walej wampu machu kuraj kamachejmanta nisqaqa, pichus manaña yuyaychasqatapis jap'ikunchu, chaymanta nisqaqa.

Qheshwa Biblia DC

¹³ Aswan allenqa uj wajcha waynaqa yachayniyoj kanan, uj wampu machu rey manaña yuyaychasqatapis jap'ikunchu chaymanta nisqaqa.

DIOSPA QHELQACHISQAN DEUTEROCANONICAL

¹³ Wajcha yachayniyoj waynaqa aswan walej wampu machu kuraj kamachejmanta nisqaqa, pichus manaña yuyaychasqatapis jap'ikunchu, chaymanta nisqaqa.

Eclesiastés 4:13 ပူးပေါင်းရင်းမြစ်များ

Génesis 37:2

Jacobpa ayllun kay jinata kawsarqanku. Chaypacha Joseqa chunka qanchisniyoj watayoj karqa. Paytaj Jacob tatanpa ujnin warmin Biláj churinkunawan chantá Jacobpa ujnin warmin Zilpaj churinkunawan ima ovejata michej karqa. Josetajrí wawqenkunaj mana allin ruwasqankuta tatanman willaj.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Proverbios 19:1

Cheqanta kawsakoj wajcha runaqa aswan allin, pichus ch'awka wampu kaj runamanta nisqaqa.

Proverbios 28:6

Pichus wajcha kashaspa cheqan sonqoyoj kajqa aswan allin, pichus qhapaj kaspa millayta ruwaspa purin, chay runamantaqa.

Eclesiastés 4:12

Pipis ch'ulla kaspaqa, atipachikuyta atin. Iskay ukhutajrí mana atipachikonqankuchu. Kinsanchasqa q'aytoqa mana p'itikullanchu.

Eclesiastés 7:19

Yachayqa yachayniyoj runata mayta kallpachan uj llajtapi chunka kallpayoj runakunamanta astawanraj.