Eclesiastés 3:7 - DIOSPA QHELQACHISQ

⁷ Uj tiempoqa llik'inapaj tiyan, uj tiempotaj siranapaj. Uj tiempoqa ch'inyanapaj tiyan, uj tiempotaj parlanapaj.

Qheshwa Biblia DC

⁷ Uj tiempoqa llik'inapaj, uj tiempotaj siranapaj. Uj tiempoqa ch'inyanapaj, uj tiempotaj parlanapaj.

DIOSPA QHELQACHISQAN DEUTEROCANONICAL

⁷ Uj tiempoqa llik'inapaj tiyan, uj tiempotaj siranapaj. Uj tiempoqa ch'inyanapaj tiyan, uj tiempotaj parlanapaj.

Eclesiastés 3:7 ပူးပေါင်းရင်းမြစ်များ

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 44:18

Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

Génesis 44:34

Imaynatataj noqa mana sullk'ayta pusakapuspa tatayman kutiymanri? Mana atiymanchu. Mana tatayta llakiywan ñak'arejta rikuyta munanichu, nispa. Ajinata Judá Joseta nerqa.

2 Samuel 1:11

Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

2 Samuel 3:31

Chaymantaqa David kamacherqa Joabta, paywan kaj runankunata ima: P'achaykichejta llik'irakuspa, qhashqa p'achata churakuychej, Abner wañusqanmantataj waqaychej, nispa. Kuraj kamachej Davidtaj Abnerpaj ayan qhepanta rerqa.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Reyes 18:36

Chaywanpis runakunaqa mana imatapis kuticherqankuchu, imaraykuchus kuraj kamachej nisqa: Ama imatapis kutichinkichejchu, nispa.

2 Reyes 5:7

Chantá Israel suyuta kuraj kamachej cartata ñawiriytawankama, p'achanta llik'irakuspa, nerqa: Noqa Dioschu kasqani, runata wañuchinaypaj, kawsachinaypajpis, noqa chay runata qhaliyachinaypaj kachamunawanpajri? Qankuna allinta reparaychej: Kay runaqa maqanakuta mask'ashan, nispa.

2 Reyes 6:30

Chantá kuraj kamachej chay warmej nisqanta uyariytawan, p'achanta llik'irakorqa. Perqa patanejta pasashajtintaj, runakuna rikorqanku kuraj kamachejqa ukhunpi qhashqa p'acha churaykusqa kashasqanta.

Ester (hebreo) 7:4

Noqatawan, yawar masiykunatawan ima uj runa vendewayku wañurachinawaykupaj, ni uj puchuyojtataj chinkachinawaykupaj. Sichus wiñaypaj wata runa kanaykupaj vendesqa kaykuman karqa chayqa, ch'inlla kakuyman karqa. Chaywanpis, sichus ajinata wañurachiwasqayku chayqa, kuraj kamachejniypaj manapuni allinchu kanqa, nispa.

Job 2:13

Chaymantaqa Jobwan khuska pampapi qanchis p'unchayta, qanchis tutatawan tiyarqanku. Paykunaqa Jobta sonqo nanayta ñak'arishasqanta rikuspa, mana parlapayaykuyta aterqankuchu.

Salmos 39:2

2 (3) Ch'inlla karqani, ni allin kajmantapis parlarerqanichu. Chaywanpis nanayneyqa astawan sinch'iyarqa.

Eclesiastés 3:6

Uj tiempoqa mask'anapaj tiyan, uj tiempotaj chinkachinapaj. Uj tiempoqa waqaychanapaj tiyan, uj tiempotaj wijch'unapaj.

Isaías 36:21

Chaypi kaj tukuy runarí soldadokunata kamachejpa nisqanta uyarillarqanku, manataj imatapis kuticherqankuchu, imaraykuchus Ezequías kamachisqa ch'inlla kanankuta: Amapuni imatapis kutichinkichejchu, nispa.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Jeremías 8:14

Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Lamentaciones 3:28

Tata Dios imatapis kamachejtenqa, runaqa sapan ch'inlla kachun.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Amós 5:13

Chayrayku yuyayniyoj runaqa ch'inlla kakun, imaraykuchus kunan tiempoqa manamin allinchu.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Miqueas 7:5

Ama runa masiykej nisqanta jap'ikuychu, nitaj ni mayqen kawsaqeykipipis atinikuychu. Warmiykiwan parlanaykipajpis allintaraj qhawarikuy,

Hechos 4:20

Noqaykurí mana ch'in kayta atisqaykuchu. Manachayqa imatachus rikusqaykuta, uyarisqaykuta ima willaranaykupuni tiyan, nispa.

Hechos 9:39

Chantá Pedro paykunawan rerqa. Jopeman chayajtinkutaj, wawqe panakuna Pedrota altopataman pusarqanku. Chaypitaj warmisapakuna waqaspa, Pedroman rikucherqanku Dorcas wajkunapaj ruwapusqan p'achakunata, aymillakunata ima.

1 Samuel 10:16

Saultaj kuticherqa: Chinkaj burrokunata tarisqankutaña willawarqayku, nispa. Saulrí Samuel payman kuraj kamachej kananta nisqanmanta mana imatapis willarqachu.