Eclesiastés 3:4 - DIOSPA QHELQACHISQ

⁴ Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Qheshwa Biblia DC

⁴ Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

DIOSPA QHELQACHISQAN DEUTEROCANONICAL

⁴ Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Eclesiastés 3:4 ပူးပေါင်းရင်းမြစ်များ

Génesis 21:6

Chantá Sara sonqonpi nerqa: Dios kusiymanta asichiwarqa. Wawayoj kasqayta tukuy yachajkunapis noqawan khuska kusikonqanku.

2 Samuel 6:16

Tata Diospa arcan Davidpa llajtanman chayajtin, Saulpa ususin Micalqa wasi ventananmanta qhawarimuspa, kuraj kamachej Davidta tusushajta, phinkiykachashajtataj Tata Diospa ñawpaqenpi rikorqa. Chayta rikuspataj, Micalqa sonqonpi Davidta pisipaj qhawarqa.

Salmos 30:11

11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Éxodo 15:20

Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj.

Eclesiastés 3:5

Uj tiempoqa rumita choqanapaj tiyan, uj tiempotaj rumita tantanapaj. Uj tiempoqa ojllanapaj tiyan, uj tiempotaj karunchakunapaj.

Eclesiastés 7:14

Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Isaías 40:1

Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

San Mateo 11:17

Qenata tocapuyku, qankunarí mana tusunkichejchu. Llakiy takiykunata takiripuyku chaypis, manallataj waqankichejchu, nispa.

San Mateo 9:15

Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

San Lucas 1:58

Jinapi kawsaqenkuna, ayllunkuna ima Dios imaynatachus Elisabetta sumajta khuyarikusqanta uyarispa, paywan kusikorqanku.

Romanos 12:15

Kusikojkunawan kusikuychej, waqajkunawantaj waqaychej.

2 Corintios 7:10

Diospa munasqanman jina llakikoyqa runata pusan juchamanta Diosman kutirikunanpaj, ajinamanta qhespichisqa kananpaj. Chaymantaqa mana pesachikunachu. Chaywanpis Diosman mana kutirikojkunaj yuyasqankuman jina llakikoyqa runata Diosmanta karunchachin.

Santiago 4:9

Jinallataj llakikuychej, phutikuychej, jik'un jik'untataj waqaychej. Asisqaykichej waqanaman tukuchun, kusikusqaykichejtaj phutikunaman.