Eclesiastés 3:3 - DIOSPA QHELQACHISQ

³ Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Qheshwa Biblia DC

³ Uj tiempoqa wañuchinapaj, uj tiempotaj jampinapaj. Uj tiempoqa thuñinapaj, uj tiempotaj wasichanapaj.

DIOSPA QHELQACHISQAN DEUTEROCANONICAL

³ Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Eclesiastés 3:3 ပူးပေါင်းရင်းမြစ်များ

Génesis 9:6

Pichus runa masinta wañuchejtaqa waj runa payta wañuchillanqataj, imaraykuchus runaqa Diospa rijch'ayninman jina ruwasqamin.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

Ezequiel 13:14

Yesowan llut'asqaykichej perqata urmaykuchisaj. Cimienton rikhurinankamataj pampachasaj. Chay perqaqa pampakama urmaykonqa, qankunataj chay laqaya chawpipi wañunkichej. Chaypacha noqa Tata Dios kasqayta yachankichej.

Hageo 1:2

Hageo nerqa: Tukuy Atiyniyoj Tata Dios kay jinata nin: Kay runakuna nishanku Temployta watej ruwanapaj manaraj tiempochu kasqanta, nispa.

Hageo 1:4

Kunanchu tiempo kashan, sumaj ruwasqa wasipi tiyarikunaykichejpaj, Temploy thuñisqallaraj kashajtin?

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

1 Samuel 2:25

Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

1 Samuel 2:6

Tata Diosmin kawsaytaqa qhechun, payllataj kawsayta qon. Pay wañusqakunatawan khuska churawanchej, payllataj chaymanta kawsarichiwanchej.