Eclesiastés 3:2 - DIOSPA QHELQACHISQ

² Uj tiempoqa paqarinapaj tiyan, uj tiempotaj wañunapaj. Uj tiempoqa mallkinapaj tiyan, uj tiempotaj poqosqanta oqharinapaj.

Qheshwa Biblia DC

² Uj tiempoqa nacenapaj, uj tiempotaj wañunapaj. Uj tiempoqa tarpunapaj, uj tiempotaj tarpusqata oqharinapaj.

DIOSPA QHELQACHISQAN DEUTEROCANONICAL

² Uj tiempoqa paqarinapaj tiyan, uj tiempotaj wañunapaj. Uj tiempoqa mallkinapaj tiyan, uj tiempotaj poqosqanta oqharinapaj.

Eclesiastés 3:2 ပူးပေါင်းရင်းမြစ်များ

Génesis 17:21

Chaywanpis tratoytaqa Isaacwanpuni ruwasaj. Chayrayku kunanmanta wataman jina warmiyki Sara qanpaj wawayoj kanqa, nispa.

Génesis 47:29

Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

1 Reyes 13:2

Paytaj Tata Diospa kamachisqanrayku altarpa contranpi qhaparerqa: Altar, altar, Tata Dios ajinata nin: Davidpa mirayninmanta uj wawa Josías sutiyoj paqarikonqa. Orqo patapi kaj yupaychana wasikunapi sacerdotekuna kayman jamuspa, pataykipi inciensota q'oshñichinku. Chay Josiasrí qanpa pataykipi paykunata ñak'aspa, tullunkukunata chaypi ruphachillanqataj, nispa.

2 Reyes 4:16

Eliseotaj warmita nerqa: Wata kunanta jina, uj wawata q'epirikunki, nispa. Warmitajrí kuticherqa: Wiraqochíy, Diosmanta sut'inchaj ama ajinata nispa llullakuwaychu ari, nispa.

Job 14:14

Sichus uj runa wañun chayqa, ujtawan kawsarenqachu? Noqaqa ruwanay tukukunankama suyayman, kay tukuy llakiyniymanta kacharichisqa kanaykama.

Job 14:5

Runa mashkha unaytachus kawsananqa yupasqalla kashan, mashkha killatachus kawsanantaqa ñapis ninkiña. Mayk'ajkamachus kawsananta nisqaykita mana pasayta atinchu.

Job 7:1

Kay pachapi runaj kawsaynenqa uj soldado imachus ruwananta junt'ajpata jinalla.

Salmos 113:9

Mana wawa rejsej warmiman wawakunata qon, chay warmitaj wawakunayoj kasqanmanta kusikun. Tata Dios jatunchasqa kachun.

Salmos 52:5

5 (7) Chayrayku Dios wiñaypaj chinkarparichisonqa. Jap'isuspa, wasiykimanta wijch'usonqa, kay pachamantataj t'irasonqa.

Proverbios 24:27

Ñawpajta imachus ruwanaykitaraj ruwamuy, tarpunaykipajpis jallp'ata llank'ay. Chaymantaraj wasiykita ruwayta atinki.

Isaías 28:24

Jallp'ata llank'ajqa llank'allanpunichu mana tarpuspari? K'urpatapis wajtallanqapunichu mana tarpuspari?

Isaías 38:1

Chaypacha Ezequías onqoykuspa, wañuy patapi kasharqa. Jina kashajtintaj, Amozpa churin sut'inchaj Isaías watukoj rispa, nerqa: Tata Dios kayta nisunki: Aylluykiman allinta encargakuy, imaraykuchus onqoyniykimanta mana qhaliyankichu, wañupunkipuni, nispa.

Isaías 38:5

Rispa, Ezequiasman nimuy: Ñawpa tatayki Davidpa Tata Diosnin kay jinata nisunki: Mañakusqaykita, waqasqaykitapis uyarini. Chayrayku noqa niyki chunka phishqayoj watatawanraj kawsanaykita.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

San Mateo 13:41

Runaj Churin kamachiyta qallarishaspa, angelninkunata kachamonqa, kamachiyninmanta orqhonankupaj runata juchallichejkunata, millayta ruwajkunatawan ima.

San Mateo 15:13

Jesustaj kuticherqa: Ima yurallapis janaj pacha Tataypa mana mallkisqanqa saphinmantapacha t'irasqa kanqa.

San Lucas 1:13

Chantá ángel payta nerqa: Zacarías, ama mancharikuychu. Mañakusqaykita Diosqa uyarinña. Warmiyki Elisabet wawayoj kanqa, paytataj Juan sutiwan sutichanki.

San Lucas 1:20

Chaywanpis nisusqayta mana jap'ikusqaykirayku opayanki, nitaj parlarinkichu wawayki paqarinankama. Kay nisqaytaj junt'akonqa maychus kasqanman jina, nispa.

San Lucas 1:36

Jinallataj aylluykimanta Elisabet payaña kashaspapis, qhari wawayoj kanqa. Pitachus mana wawayojchu, nispa nej kanku, kunan chay warmeqa sojta killa onqojña.

San Juan 16:21

Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku.

San Juan 7:30

Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu.

Hechos 7:17

Dios imatachus Abrahamman nisqa mirayninpaj ruwananta, chay p'unchay junt'akunanpaj qayllamushajtin, israelitakuna Egiptopi manchay ashkhamanña mirasqanku.

Hechos 7:20

Chaypachallataj Moisés paqarikorqa, paytaj Diospajqa ima munay karqa. Kinsa killakamataj tatanpa wasinpi uywasqa karqa.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Deuteronomio 34:5

Ajinata Tata Diospa kamachin Moisesqa Tata Diospa nisqanman jina Moab suyupi wañuporqa.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

1 Samuel 2:5

Ñawpajta ashkha mikhunayojkunaqa kunan uj chhika mikhunarayku vendekunku. Yarqhasqa kajkunataj kunan sumaj mikhusqa kanku. Mana wawayoj kayta atej warmeqa qanchis kutitaña wawata rejsin. Ashkha wawayoj warmirí, kunan manaña wawayojchu.