Eclesiastés 3:14 - DIOSPA QHELQACHISQ

¹⁴ Chantá yachallanitaj Diospa tukuy ima ruwasqanqa wiñaypajpuni kananta. Chay imatachus ruwasqanmanqa mana pipis yapaykuyta nitaj pisiyachiyta atinchu. Diosqa ajinata ruwarqa, tukuy runakuna payta may jatun respetowan qhawananchejpaj.

Qheshwa Biblia DC

¹⁴ Chanta yachallanitaj, Diospa tukuy ima ruwasqasnenqa wiñaypajpuni kasqanta. Chay ruwasqasninmanqa mana yapanqachu, nitaj pisiyachenqachu. Chay imasta Diosqa ruwan runas paypa ñaupaqempi manchachikuywan kanankupaj.

DIOSPA QHELQACHISQAN DEUTEROCANONICAL

¹⁴ Chantá yachallanitaj Diospa tukuy ima ruwasqanqa wiñaypajpuni kananta. Chay imatachus ruwasqanmanqa mana pipis yapaykuyta nitaj pisiyachiyta atinchu. Diosqa ajinata ruwarqa, tukuy runakuna payta may jatun respetowan qhawananchejpaj.

Eclesiastés 3:14 ပူးပေါင်းရင်းမြစ်များ

2 Samuel 22:31

Diospa ñannenqa cheqanmin. Tata Diospa nisqanqa jap'ikunapaj jinapuni. Diosqa paymanta jap'ikojkunata waqaychanpuni.

Salmos 33:11

Tata Dios imatachus ruwananta yuyaychakusqanqa wiñaypaj sayan, sonqonpa yuyasqanpis wiñay wiñaypaj kanqapuni.

Salmos 64:9

9 (10) Chaypacha tukuy runakuna manchachikonqanku, Diospa ruwasqanmantataj parlanqanku, chantá ruwasqanpi unanchanqanku.

Salmos 76:10

10 (11) Runaj phiñakuynenqa qanta yupaychasunki, pisilla phiñakuyninkupis pilluykiman tukun.

Proverbios 19:21

Runaqa tukuy imata ruwananpaj wakichikun. Chaywanpis Tata Diospa yuyasqallan junt'akun.

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Proverbios 30:6

Nisqanman ama imatapis yapankichu. Yapankichus chayqa, pay k'amisonqa. Pajtataj llullata jina rikhurichisunkiman.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Eclesiastés 5:6

6 (5) Ama simiykiwan juchallinaman tanqachikuychu, amataj Diospa kachamusqanpa ñawpaqenpi niychu: Ruwasaj nispaqa, pantaykusqani, nispa. Imajtintaj qanqa Diosta imatachus parlasqaykiwan phiñachiwajri, paytaj makiykiwan ruwasqaykita manakajman tukuchinman?

Eclesiastés 5:7

7 (6) Ancha jatunta yuyanaqa qhasi manakajta parlanata apamun. Qantajrí Diosta manchachikuypuni.

Eclesiastés 7:18

Chay yuyaychaykunata allinta uyariy, amataj chaymanta kacharikuychu, imaraykuchus Diosta may jatun respetowan qhawajtaqa tukuy imapi allin renqa.

Isaías 46:10

Noqaqa qallariymantapacha qhepaman imachus kananmanta willani. Noqa unaymantapacha willani, manaraj imapis kashajtin. Nini: Noqaj wakichisqayqa junt'akonqapuni. Imatachá munasqayta ruwasaj, nispa.

Daniel (hebreo) 8:8

Jinapi chivoqa manchay atiyniyojman tukusqa. Chaywanpis kallpanpi kashajtin, jatun wajran p'akikusqa, chantá p'akikusqan wajramanta tawa wajrakuna p'utumusqanku. Chay wajrakunataj tawantin ladoman qhawashaj wiñasqanku.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 4:28

Chaywanpis imatachus paykuna ruwarqanku, chaytaqa qallariymantapachaña qan atiyniykiwan wakicherqanki, munayniykiman jina ruwasqa kananpaj.

Hechos 5:39

Diosmanta kanman chayrí, chayta manapuni chinkachiyta atiwajchejchu. Pajtataj Diospa contranpi maqanakushawajchej, nispa.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Efesios 3:11

Chaykunata Dios wiñaymantapacha wakichisqa, chaytataj Tukuyta Kamachejninchej Cristo Jesusnejta junt'arqa.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.