Eclesiastés 3:11 - DIOSPA QHELQACHISQ

¹¹ Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

Qheshwa Biblia DC

¹¹ Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

DIOSPA QHELQACHISQAN DEUTEROCANONICAL

¹¹ Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

Eclesiastés 3:11 ပူးပေါင်းရင်းမြစ်များ

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Job 11:7

Diospa pakasqa imankunata tariyta atiwajchu? Tukuy Atiyniyoj Dios jina mana pantayniyoj kawajchu?

Job 37:23

Tukuy Atiyniyoj Diostaqa mana unanchayta atisunmanchu, imajtinchus payqa manchay atiyniyoj, cheqantaj. Payqa cheqanta ruwajmin, manataj pitapis ñak'arichinchu.

Job 5:9

Payqa jatuchaj imakunata, musphay t'ukunatawan ruwan, chaykunatataj mana pipis yupayta atinmanchu.

Salmos 104:24

Tata Dios, ruwasqaykeqa may chhikamin. Qanqa tukuy imata sumaj yachayniykiwan ruwarqanki. Kay pachaqa tukuy ima ruwasqaykiwan junt'a kashan.

Proverbios 16:4

Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Eclesiastés 1:13

Chantá tukuy sonqoywan, tukuy yachaywantaj mask'aspa, kay pachapi tukuy ima ruwakusqanmanta yachayta munarqani. Kay sinch'i ruwanata Dios runaman qorqa, chayta ruwaspapuni kawsananchejpaj.

Eclesiastés 11:5

Qanqa mana yachankichu maynintachus wayra risqanta. Nillataj yachankichu imaynatachus uj warmej wijsanpi wawa wiñasqanta. Jinallataj Dios imatachus ruwasqantapis mana yachankichu.

Eclesiastés 7:13

Diospa ruwasqanta allinta qhawariy: Diospa q'ewisqanta pitaj cheqanyachinmanri?

Eclesiastés 7:23

Kay tukuy imata noqa yachaywan qhawarqani: Yachayniyoj kasaj, nispa. Chaywanpis yachayta mana taripayta aterqanichu.

Eclesiastés 7:29

Kayllata tarini: Diosqa runata cheqanta ruwarqa, chaywanpis runaqa ashkha mana allin imakunata mask'akun, nispa.

Eclesiastés 8:17

Ajinapi Diospa tukuy ima ruwasqanta rikuni. Jinallataj runa kay pachapi Diospa tukuy ruwasqanta mana yachayta atisqanta rikullanitaj. May jinata mask'ashaspapis, runaqa manapuni watuyta atinchu. Yachayniyoj runa: Yachaniña, nispa nichunpis, chaywanpis manapuni yachayta atenqachu.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 13:22

Khishkarara jallp'api t'akasqa, chay mujupis Diospa simi nisqanta uyarejwan ninakullantaj. Chaywanpis kay kawsaymanta phutikuykuna, qhapajyayta munapayaywan ima payta q'otiyan, jinataj chaykunaqa Diospa simi nisqanta p'ampaykuspa, mana wiñajta saqenkuchu.

Marcos 7:37

Chayta uyarejkunataj maytapuni t'ukuspa, nerqanku: Kay Jesusqa tukuy imata allinta ruwan. Joq'arakunata uyarichin, opakunatapis parlarichin, nispa.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 11:33

Diospa yachaynin, yuyayniyoj kasqanpis may jina t'ukunamin, mana tupuy atina. Jinallataj imatachus nisqan, ruwasqanpis noqanchejpaj mana yachay atinamin.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.