Eclesiastés 2:8 - DIOSPA QHELQACHISQ

⁸ Chantaqa ashkha qolqetapis, qoritapis tantallarqanitaj. Chaykunaqa kuraj kamachejkunajta suyunkupi tiyapuyninku karqa. Takejkuna tiyapullawarqataj, tukuy imachus runaj sonqonta kusichin, chaykunapis. Warmikunapis mana yupay atina tiyapullawarqataj.

Qheshwa Biblia DC

⁸ Chantaqa tantallarqanitaj ashkha qolqeta, qoritapis. Tiyapullawarqataj reyespa kapuynin, chay llajtaspa kapuynin ima. Tiyapullawarqataj takejkunasniy, qharispis warmispis, tukuy laya kusikuykunas, mana yupay atina warmispis.

DIOSPA QHELQACHISQAN DEUTEROCANONICAL

⁸ Chantaqa ashkha qolqetapis, qoritapis tantallarqanitaj. Chaykunaqa kuraj kamachejkunajta suyunkupi tiyapuyninku karqa. Takejkuna tiyapullawarqataj, tukuy imachus runaj sonqonta kusichin, chaykunapis. Warmikunapis mana yupay atina tiyapullawarqataj.

Eclesiastés 2:8 ပူးပေါင်းရင်းမြစ်များ

2 Samuel 19:35

35 (36) Pusaj chunka watayojña kani. Manaña yachanichu imachus allin mana allin kajpatapis. Manaña sumajta mikhunichu nitaj ujyanipischu. Manañataj uyariyta atinichu takejkunatapis. Kuraj kamachejníy, imamanñataj qanpa llakiyniyki kanaypaj riymanri?

1 Reyes 10:10

Chantá payqa kuraj kamachej Salomonman 3.960 kilo qorita, ashkha sumaj q'apashaj jawinata, ashkha valorniyoj rumikunatawan qorqa. Mana jayk'ajpis chay chhika sumaj q'apashaj jawinata Israel suyuman apamojchu kanku, kuraj kamachej Salomonman Sabamanta qoya qosqan jinataqa.

1 Reyes 10:14

Salomonpa sapa wata qori jap'isqanqa 22.000 kilo karqa.

1 Reyes 10:21

Kuraj kamachej Salomonpa tukuynin ujyananqa qorimanta karqa. Ajinallataj Cedromanta Kamachina wasi nisqapi chuwankunapis qorillamantataj karqa. Manataj qolqe metalmanta imapis karqachu. Salomonpa tiemponpi qolqe metalqa pisipaj qhawasqa karqa.

1 Reyes 11:3

Tukuyninpi warminkunaqa 700 karqanku, waj warminkunataj 300. Chay warminkunataj paypa sonqonta Tata Diosmanta karunchacherqanku.

1 Reyes 14:27

Kuraj kamachej Roboantaj qorimanta karqa, chay escudokunaj cuentanpi broncemanta escudokunata ruwacherqa, kamachina wasita qhawaj soldadokunamantaj jaywarqa paykuna jallch'anankupaj.

1 Reyes 9:14

Jirantaj kuraj kamachejman apachimusqa 3.960 kilo qorita.

1 Reyes 9:28

Paykunataj Ofirman chayaspa, 14.000 kilo qorita kuraj kamachej Salomonman apamorqanku.

1 Crónicas 25:1

Chaymanta Davidwan chantá soldadokunata kamachejkunawan ima Tata Diospa Templonpi imachus ruwanata ruwanankupaj churarqanku Asafpata, Hemanpata, chantá Jedutunpata churinkunata ima. Paykunaqa arpata, salteriota, platillotawan tocaspa, Tata Diospa nisqanta sut'inchaj kanku. Yupaychana wasipi ruwanayoj kanankupaj kaykuna churasqa karqanku:

1 Crónicas 25:6

Paykunataj tatankoj kamachisqanman jina Tata Diospa Templonpa pationpi takej kanku, chantá platillokunata, salteriokunata, arpakunata tocaspa yupaychaj kanku. Asafwan, Jedutunwan, Hemanwan imataj kuraj kamachej churasqanrayku Templopi kasharqanku.

2 Crónicas 9:11

Sándalo kurkuwan kuraj kamachejqa Tata Diospa Templonpaj jinataj kamachinan wasipajpis wicharina patillata ruwacherqa. Ruwachillarqataj arpakunata, salteriokunata ima, takispa Diosta yupaychanata tocajkunapaj. Judá suyupeqa mana jayk'ajpis chay jina rikukorqachu.

Esdras 2:65

Wata runakunarí mana paykunawan yupasqachu karqanku. Chay wata runakunataj 7.337 karqanku. Kallarqankutaj 200 takejkuna qharikunamanta, warmikunamanta ima.

Eclesiastés 1:2

Qhasi manakajlla, qhasi manakajlla, tukuy imapis qhasi manakaj, nispa.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 3:5

Maypachachus putututa, pinkilluta, bombota, arpata, salteriota, zampoñata ima waqajta uyarinkichej chaypacha, pampakama k'umuykuspa, kuraj kamachej Nabucodonosorpa ruwachisqan qori lantita yupaychankichej.

Daniel (hebreo) 3:7

Jinataj, tantasqa karqanku, chay runakuna tocanakunaj waqasqanta uyariytawankama, pampakama k'umuykorqanku qorimanta ruwasqa lantita yupaychanankupaj.

Amós 6:5

Arpaj waqayninpi imapis kachunta takirinkichej, ñawpaj kuraj kamachej Davidpis kawajchej jinataj mosoj tocanakunata ruwakunkichej.