Eclesiastés 2:22 - DIOSPA QHELQACHISQ

²² Chayrayku imatataj runa tarin chay jinatapuni kay pachapi llank'asqanmanta, phutikusqanmantawan imari?

Qheshwa Biblia DC

²² Chayrayku runaqa, imatataj tarin chay jinatapuni kay pachapi llank'asqanmanta, phutikusqanmantatajri.

DIOSPA QHELQACHISQAN DEUTEROCANONICAL

²² Chayrayku imatataj runa tarin chay jinatapuni kay pachapi llank'asqanmanta, phutikusqanmantawan imari?

Eclesiastés 2:22 ပူးပေါင်းရင်းမြစ်များ

Salmos 127:2

Qhasillata inti llojsimusqanmantapacha inti yaykunankama llank'asunman, mikhunanchejpaj jump'i suruyta ruwaspa, imaraykuchus Diosqa munakusqallanta samarichin.

Proverbios 16:26

Llank'aj runaj yarqhaynenqa astawan llank'anaman sonqonta aysan, imaraykuchus yarqhachikusqan, imallatapis ruwayta munachin.

Eclesiastés 1:3

Imatataj runa tarin chay jina sinch'ita kay pachapi llank'asqanmantari?

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.

Eclesiastés 3:9

Runa ima allintataj tarin chay jinatapuni llank'asqanmantari?

Eclesiastés 4:6

Noqataj nini: Iskay phanita llank'anamantaqa uj phanita samarina aswan allin. Sinch'ita mana samarispa llank'anaqa qhasi manakajlla, chayqa wayra jap'iyta munay jinalla kasqanta repararqani, nispa.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Eclesiastés 5:17

17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

Eclesiastés 8:15

Chayrayku noqa nini: Kusikuna aswan sumajmin, nispa. Runaqa kayta ruwaspa allinta ruwanqa, mikhunan, ujyanan, kusikunan ima, imaraykuchus runaqa chayllata tukuy ruwasqanmanta tarenqa, kay pachapi Dios kawsayta qonankama.

San Mateo 16:26

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa? Manachayqa, imatataj pipis paganman wiñay kawsayniyoj kananpajri?

San Mateo 6:11

Sapa p'unchay imatachus mikhunaykuta qowayku, ari.

San Mateo 6:25

Chayrayku niykichej: Ama phutikuychejchu kawsayniykichejmanta, imatachus mikhunaykichejmanta, ujyanaykichejmanta ima. Amallataj phutikuychejchu imawanchus p'achallikunaykichejmantapis. Kawsashaspa imaynatachus purinanchejta aswanpaj qhawana tiyan, imatachus mikhunanchejmanta, imawanchus p'achallikunanchejmanta nisqaqa.

San Mateo 6:34

Chayrayku q'aya imachus kananmanta ama phutikuychejchu, imaraykuchus q'aya p'unchay chayamojtenqa, chaypachalla chaymanta phutikuyta atinki. Sapa p'unchaypa llakiynenqa chay p'unchayllapaj kachun.

San Lucas 12:22

Chantá Jesús yachachisqankunata nerqa: Chayrayku niykichej: Kawsanaykichejpaj imatachus mikhunaykichejmanta ama phutikuychejchu, nitaj imawanchus p'achallikunaykichejmantapis.

San Lucas 12:29

Chayrayku ama llakikuychejchu imatachus mikhunaykichejmanta, chayrí ujyanaykichejmantapis. Amallataj chay imakunarayku phutikuychejchu.

1 Corintios 16:16

Noqa tukuy sonqo mañarikuykichej Estefanasta kasunaykichejta, jinallataj pay jina yanapakojkunata, chantá Diospa ruwananta tukuy sonqo ruwajkunata ima.

Filipenses 4:6

Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

1 Timoteo 6:8

Chayrayku mikhunayoj, p'achayoj kaspaqa, chaywan sonqo junt'asqalla kakunanchej.

1 Pedro 5:7

Imamantachus phutikushankichej, tukuy chayta Diosman saqepuychej, imaraykuchus payqa qankunamanta qhawashan.