Eclesiastés 2:19 - DIOSPA QHELQACHISQ

¹⁹ Pitaj yachan qhepayta jamoj yachayniyojchus, chayrí wampuchus kanantari? Imatachus noqa kay pachapi mayta sayk'uspa, may yachayniywan ruwaspa tarisqayta, pay jap'enqa. Chaypis qhasi manakajlla kasqanta repararqani.

Qheshwa Biblia DC

¹⁹ Pitaj yachanman, yachayniyojchus, chayri wampuchus kanantari, may sayk'uywan tukuy ima ruwasqasniytapis jap'ikapunantari? Chay tukuyta kay pachapi may yachayniywan ruwarqani. Chaykunapis qhasi mana kajllataj.

DIOSPA QHELQACHISQAN DEUTEROCANONICAL

¹⁹ Pitaj yachan qhepayta jamoj yachayniyojchus, chayrí wampuchus kanantari? Imatachus noqa kay pachapi mayta sayk'uspa, may yachayniywan ruwaspa tarisqayta, pay jap'enqa. Chaypis qhasi manakajlla kasqanta repararqani.

Eclesiastés 2:19 ပူးပေါင်းရင်းမြစ်များ

Santiago 3:17

Diosmanta yachayniyoj kayta jap'ejkunarí llimphu puriyniyoj kanku. Paykuna allinpi kawsakuyta mask'anku, Diosta kasukojkuna kanku, tukuywantaj k'acha. Jinallataj paykuna ñak'arejkunamanta khuyakuyta yachanku, chantá allin kajta ruwaspallapuni purinku. Paykunaqa mana runaj uyantachu qhawanku, jinataj Diosta tukuy sonqo qhatejkuna jina purinku.

Eclesiastés 3:22

Chaynejta noqa repararqani runapajqa astawan allin llank'aspa tarisqanwan kusikunan, imaraykuchus chaypuni runapaj churasqa kashan. Mana pipis payman rikuchenqachu wañupusqan qhepata imachus kananta.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

Eclesiastés 9:13

Kay pachapi ujta rikusqaymanta ashkhata yacharqani:

1 Timoteo 6:10

Qolqeta munakoyqa tukuy imaymana mana allin kajpa saphin. Jinataj qolqeyoj kayta anchata munasqankurayku, wakinkuna Jesucristopi atinikunamanta t'aqakorqanku, chantá tukuy imaymana llakiykunawan ñak'arerqanku.

1 Reyes 12:13

Kuraj kamachejtaj kurajkunaj yuyaychasqankuta qhesachaspa, sinch'i simiwan israelitakunaman kuticherqa.

Eclesiastés 2:20

Kay pachapi tukuy ima ruwasqayta qhawaspa, sonqoy p'akikorqa.

1 Reyes 11:43

Salomón wañupojtintaj, tatan Davidpa llajtan nisqapi ayanta p'amparqanku, qhepantataj churin Roboán kamacherqa.

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.