Eclesiastés 2:17 - DIOSPA QHELQACHISQ

¹⁷ Chayrayku, kay pachapi kawsayta chejnerqani, ruwasqaytaj noqapaj llasa karqa. Tukuy ima qhasi manakajlla, wayra jap'iyta munay jinalla kasqanta repararqani.

Qheshwa Biblia DC

¹⁷ Chayrayku, kay pachapi kausayniywanqa mayta amichikorqani; tukuy ruwasqasniypis qhasi mana kajlla, wayra jap'ikuy jinalla.

DIOSPA QHELQACHISQAN DEUTEROCANONICAL

¹⁷ Chayrayku, kay pachapi kawsayta chejnerqani, ruwasqaytaj noqapaj llasa karqa. Tukuy ima qhasi manakajlla, wayra jap'iyta munay jinalla kasqanta repararqani.

Eclesiastés 2:17 ပူးပေါင်းရင်းမြစ်များ

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Job 14:13

Allin kanman jallp'aj sonqonpi pakaykunawayki, sinch'i phiñakuyniyki thasnukunankama. Chantá mayk'ajchus noqamanta ujtawan yuyarikunawaykita niwaj.

Salmos 89:47

47 (48) Tata Dios, yuyariy pisi kawsayniyojlla kasqayta. Ruwasqayki runaqa mana unaytachu kawsan.

Eclesiastés 1:14

Kay pachapi tukuy imaymana runaj ruwasqanta qhawaspa, qhasi manakajlla, wayra jap'iyta munay jinalla kasqanta repararqani.

Eclesiastés 1:17

Chayrayku noqaqa tukuy sonqoywan imachus jatun yachay kasqanta yachaqaj churakorqani, jinallataj imachus pawisqa kay, wampu kaywan kasqantapis. Chantá tukuy chayta yachana, wayra jap'iyta munana jinalla kasqanta repararqani.

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.

Eclesiastés 2:22

Chayrayku imatataj runa tarin chay jinatapuni kay pachapi llank'asqanmanta, phutikusqanmantawan imari?

Eclesiastés 3:16

Kay pachapi rikullarqanitaj justicia kananmantaqa millay ruwaylla kasqanta, imapis cheqan kananmantaqa mana allin kajlla kasqanta.

Eclesiastés 4:2

Chayrayku noqa nerqani: Wañupojkunaqa astawan kusisqa kanku, kawsashajkunamanta nisqaqa, nispa.

Eclesiastés 4:3

Chaywanpis manaraj paqarejkunaqa chay iskaymanta nisqaqa astawan kusisqaraj kanku, imaraykuchus paykunaqa manaraj kay pachapi millay ruwaykunata rikunkurajchu.

Eclesiastés 6:9

Imachus runaj makinpiña kashan, chayqa aswan allin, imatachus munapayaspalla mana tariyta atinchu, chaymanta nisqaqa. Chaypis qhasi manakajlla, wayra jap'iyta munay jinalla kasqanta repararqani.

Ezequiel 3:14

Jinapi Diospa Espíritun jap'iwaspa, chaymanta orqhowarqa, noqataj may llakisqa, sonqo p'akisqataj risharqani. Chaywanpis Tata Dios makinwan sinch'ita jap'iwarqa.

Jonás 4:3

Chayrayku kunanqa, Tata Dios, mañakuyki wañuchinawaykita. Astawan allin kanman wañupunay kawsanaymantaqa, nispa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.

Habacuc 1:3

Imaraykutaj millay ruwayllata, ñak'ariyllatawan qhawachiwankiri? Millay ruwaykunawan, wañuchinakuywan ima muyurisqa kani. Tukuynejpi phiñanakuykuna, maqanakuykunapis tiyan.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.